مرحبا نورة

ياهلا فيك

كبيبا حايل مثل ورق العنب لكن فيه إختلافات بسيطه

أولاً / الحشوه

تتكون الحشوه من رز بشاور وبصل مقطع ومحموس مع طماط مطحون ومحموس مع البصل

وبعدين تحطين ماجي وملح وبهارات ..

ورق العنب / لازم يكون الطازج

طبعاً لفها مايكون أصابع

يكون على شكل مربعات

وبعد ماتلفينها

طبعاً راح يكون بقدر ضغط ..

القاعدة بطاطس

وتصفينها بشكل عادي زي الورق العادي ..

وبعدين لما تعبين القدر .. تحطين السر

وهو قطع لحم ..

علشان يطعم فيه ...

وأبد علىنار هاديه

ويارب يارب يضبط معاك وتكسبين التحدي يابعد حيي

الله يجزاكي الجنه نبض خاص ويوفقك بس ممكن تكولين لي كيف الفه يهي لفتها مومثل ورق العنب ولو سمحتي من وين اجيب ورق العنب الطازج ماينفع المعالب

هلا عيوني ..

طريقة لفه ..

يصير زي المربعات

يعني كأنك تلفين فطاير

تحطين الحشوة بالوسط ... وتلفين الورق عليها

........

وبالنسبه للورق وين يباع

يباع بمحلات الخضار ..

عندك محلات خضار القصيم .. أو سوق الربوة

وبالعااااااااافيه ياروحي

والله يجزاك خير على الدعوه

غثيتك بس انا الحين متوفر عندي ورق عنب المعلب يصلح اسويها فيه وانا ماعندي قدر ضغط ينفع العادي بس احكم اغلاقه علشان مايطلع الهوا واذا اشتريت ورق العنب الطازج كيف طريقت تنظيفه يعني مايبي له نقع وتسلمين اختي لله يعافيك

حنا نسوي بقدر عادي بس تاخذ وقت بالطبخ

أسفل القدر: لحم (يفضل الريش ويكن فيه دهن) + شرايح طماط وبصل+ وفلفل حار من غير تقطيع(إذا تبينه حاره)+ شوي صلصه + شوي بهارات(كمون+فلفل أحمر)

+++++++

طريقة الطبخ

ممكن تسقنها ماء وممكن مرق والمرق أفضل إن كات الكمية كبيره عشان يكون فيها طعم

المرق (طماط وبصل (مو كثير) يخلط ويطبخ مع ماجي وملح وبهار بعدين يضافله ماء ويزاد حسب الحاجه

لما تجين تسقينها مو مكثير على شوي شوي يعني كل شوي تزيدين لحد ماخلاص تكون استوت تتركينها تنشف لأن لو كثرتي الماء زي ورق العنب تتفكك

وإذا اكانت أول سقيه بماء أو مرق بارد يكون أفضل عشان يساعد إنها ماتتفكك

+++++++++

الحشوه: ممكن برز (تمن). احنا مانطبخ البصل والطمام

++++++++

يفضل بعد ماتخلص تترك فتره قبل التقديم عشان تمسك الطعم أكثر

++++++

حلو لو بالأخير سقيتيها شوي دهن عشان يصير فيها لمعه