ممكن كل وحدة تقولي طريقتها في تحضير القهوة ..

رفع

اي قهوه تقصدين العربيه او التركيه او السوداء او الفرنسيه ... الخ

العربيه حسب درجة الحمصه في شقراء وفي بني وسط وفي بني غامق

كذلك حسب ذوقك اذا تحبينها ثقيله ولا خفيفه

جربي كل مره كميه واحفظي القياس والكميات عشان تعرفين المرات القادمه وش اللي تكثرين واللي تقللين منه ثم تعتمدين الطريقه المضبوطه

حطي على النار ما يقارب 4 كاسات ماء مغليه

ثم اضيفي فوقه ملعقه كبيره قهوه عربيه و 3 حبات هيل وقليل زعفران او صفار الزعفران واتركيه يغلي حوالي 4 دقايق

جيبي فنجان وصبي فيه من القهوه عشان تشوفين اللون اذا مضبوط او خفيف يحتاج زياده نص ملعقه قهوه او غامق تضيفين له نص كاس مويه مغليه .
ثم اتركيه يغلي 4 دقايق مره ثانيه وقفلي النار واتركيه دقيقه عشان يهدأ وتنزل حبيبات القهوه تحت

ثم صبيه بترمس القهوه واضيفي له ملعقه الى ملعقتين صغيره هيل مطحون واذا حبيتي زيدي كم شعره من الزعفران .
طبعاً افضل قهوه اللي يجي لونها اشقر فاتح سهلة التحضير اذا كثرتي قهوه ما يصير اللون غامق ويبان فيه الزعفران تطلع ذهبيه مع صفار لونها يفتح النفس .
وفي ناس يضيفون عويدي اللي هو المسمار عودين اثناء غليان القهوه او يضيفونه داخل الترمس مع الهيل .
وناس يضيفون زنجبيل بودره بطرف الملعقه او ربع ملعقه صغيره اثناء غليان القهوه .

يعني هي حسب ذوقك تضيفين اللي يناسبك لكن الطريقه المعروفه هي قهوه وهيل وزعفران وماء .

مرحباااااااا🤚🏻💫✨


طريقتي ،،،،،،،






المقادير
ثلاث أكواب ماء
ثلاث ملاعق صغار بن مطحون
ملعقه صغيره خلطه القصيم
ملعقه صغيره هيل مطحون
نص ملعقه صغيره زنجبيل مطحون
من اربع الى خمس حبات مسمار
شوي زعفران
(ممكن تستغنين عنه لان خلطه القصيم فيها زعفران)


التحضير
أغلي ثلاث أكواب ماء مع خلطه القصيم والبن والمسمار فقط
اتركها تغلي ثلاث دقائق تقريباً
بعدها اضيف الهيل والزنجبيل
وأتركها تغلي شوي ع نار هاااادئه

بعد كذا تكون جاهزه🤗
تأكدي من طعمها قبل تقدميها💞✨

القهوه تعتمد اولا على البن الممتاز والهيل الممتاز والطبخ
البن خذي بن هرري درجه اولى نص حمسه
الهيل خذي هيل فرحانه الهندي الاصلي لانه فيه تقليد منه
نجي للطبخ شفتي غلايه المويه عبيه لاخر حد يمكن تجيك لتر ونص وحطي فوقها بملعقه باسكن روبنز او اللي تشبها في المعيار اربع او خمس ملاعق من البن على المويه طبعا المويه تكون مغليه وملعقه خلطه القصيم او زعفران
لاززززززززززززززززززززززززززم وضروري طبخها لمده ٣٥ دقيقه لاربعين واذا مستعجله مره نص ساعه كل ماطبخت كل ما سارت راكزه ولذيذه على المعيار اللي عطيتك راح تكون قهوتك باذن الله ممتازه وبعد كذا حطي ملعقه صغيره هيل مطحون في الثلاجه الخاصه بالقهوه وبالعافيه

وعليكم السلام ورحمه الله .

على حسب البن ونوعه .

انا اسويها بدون طبخ والبعض بعد ..

اللي فنجان بن
هيل مطحون ولا حب .
خلطةة القصيم وبالترمس وعليهم ماء حااار ومغلي النص بعده رجه خفيفة وارجعي حطي باقي الماء