مرحبا خواتي ..

انا رأي ان مش الأطفال هم سبب السعاده بس اللي نحن مضايقنا ومنكد علينا عيشتنا .. انهم فطره وغريزه في كل وحده منا .. سبحان الله العمر مراحل من بلوغ ودراسه وظيفه وزواج وأطفال المرحله اللي عيّت تجي !! نحن نلبي نداء الفطره في شوقنا وانتظارنا للطفل الهاجس اللي ملامحه اصبحت اطياف تلازمنا في كل وقت ومكان لدرجه انا قمنا مانشوف اي شي حلو في الدنيا الفرحه عندنا انحصرت في وجود الطفل .. وطبعا هذا ممكن يأثر سلبا على حياتنا الزوجيه خاصه نحن الحريم لان الرجل مايحن مثل الحرمه ..

فيه وايد ناس عندهم أطفال بس مش سعيدين .. وغيرهم بالعكس يعتقدون ان اطفالهم هم سبب شقائهم
يعني اولا واخيرا السعاده أمر نسبي متغير من فرد للثاني

الله يرزقنا جميعا الذريه الصالحه يارب العالمين

انا تزوجت وعمري 15 سنه
والان عمري 28
يعني متزوجه من13 سنه قولو مشاء الله
اقسم ب لله اني سعيده وكاني في اول سنه من زوجي

مهما كان الاطفال مهمين والله يرزق كل من تتمنئ الضنا

تجي أيام اقتنع فيها إني لازم أعيش حياتي وانا سعيده أضحك وامزح كثير
حتى أتخيل نفسي طفله صغيرة أنطط مع الاطفال

وبعدها تجي أيام كئيبه يكون همي فيها وشغلي الشاغل هو التفكير بالأطفال
وأي كلمه اسمعها تاثر فيني وما تخليني أنام

أنا احترت كثير بهالمشاعر المتقلبه واللي تأثر على علاقتي بزوجي .....
لكن اعتقد إن في ناس يقدروا يعيشوا بسعادة بدون الأطفال خاصة إذا كان حبهم لهم عااااادي

الاطفال ماهم مقياس.. صح هم زينه الحياه

لكن السعاده ماهي متوقفه على جيتهم..

انا الحمدلله متزوجه لي 6 سنوات..والله كنها اول سنه وسعيده ياربي لك الحمد

ودائما اقول يارب اذا فيهم خير أرزقنا بهم..

والوحده هي اللي تملا البيت سعاده او كئآبه