انا ضد البنات اللي يقولون السعادة الزوجية بس بالاطفال
السعادة بالتفاهم مع الزوج والراحة النفسية والرضا بما قسمه رب العالمين
اما بالنسبة للناس الله اكبر منهم ومني هو القادر على اخد حقي منهم
تخيلوا لسه ما كملت على اجهاضي اسبوعين اقابل وحدة توها طالعة من الاربعين فرحانة بولدها وتاخده كل مكان الله يحفظه لها وتقولي قدام العالم على ايش مستعجلة تعالجي واللي تقول استعجلي جيبي قبل مايتزوج عليك واللي واللي واللي كنت اشوفهم بعين اللي تتمنى تكون مثلهم لكن راح عن بالي ان وحدة مشاكل كل يوم هي وزوجها وكل يوم ببيت اهلها زعلانة والثانية زوجها يهينها ويسبها علانية بأقدر الالفاظ امامنا وامام اهلها والثالثة ساكنة عند اهله ومو ماخدة راحتها واللي عندها اطفال ومهملة بنفسها او او او او او او
اكتشفت ان الله منعم علي نعم مو مقدرتها زوج محترم بيت لحالي واشياء كل البنات اللي كانوا يعايروني ( او مثل ماتقول امي هم بس خايفين عليك ومو قصدهم يجرحونك انتي حساسة) مايملكونها ويتمنونها والان انا اقدرها واقول يارب احفظ نعمك علي من الزوال
انا يمكن ما يكون عندي اطفال بس الحمدالله راضية على حياتي الزوجية وزوجي راضي عني
اهم شئ خلي حياته بدون اطفال سعيدة ومرتاحة اهتموا ببعض وبيني ان الاطفال شئ ثانوي بحياتكم ادا جوا مجرد ان سعادتكم بتزيد شوي خليه يوصل اهله قدر ماتقدري خلي امه تحس ان ولدها احسن من عيالها الباقين اللي لاهين بأولادهم اهتموا بأخوانكم الصغار (من الطرفين) خليه يقوي صدقاته مع اصحابه ويسافر معهم او يهتم بمشاكلهم حسيسيه ان حياته من غير اطفال افضل من اللي عندهم اطفال
اللي تقول الحياة من غير اطفال مملة حتى اللي عندهم اطفال يدخل الملل بحياتهم وانتم بيدكم انكم ماتخلوا الملل يدخل حياتكم انا اهل زوجي ساكنين بمنطقة ثانية وبكدا اخلي زوجي يسافر كل شهر لهم اسبوع 10 ايام يشوف امه انا مااسفر معه الى قليل بالاتفاق بينا عشان يشوف مشاكل اهله ويتفرغ بالبر لامه او نعزم امه لوحدها لمكة كم يوم يسافر لاصحابه وانا بعد اشوف اهلي اهتم باخواني او حتى اسافر ازور اقاربي المقربين او فرصة اهتم بنفسي وزياراتي للناس وعزايمي بعد كدا نرجع لبعض وكلنا شوق للبيت والراحة والهدوءاللي نحس بداخله تعودنا على الهدوء ادا راحنا لبيوت اهلنا لأن فيها اطفال نبدأ نحس بالازعاج
بالبداية راح تتعبي عشان تتعودون على الحياة الجديدة انا عارفة لاني اتكلم عن تجربة لكن بعد كدا بتحسين بالتغيير والراحة لأن زوجك راح يقارن بين حياته الحلوة الهادئة وبين حياة غيره من الرجال اللي عندهم اطفال حتى اهله راح يسكتوا عن موضوع الحمل لأنهم شايفين سعادة ولدهم وزيادة قربهم له وبعد فرصة انك تقنعين زوجك بزيادة دخله وعمل استثمارات او اعمال خاصة لان وقته يسمح وانتي بعد حاولي ماتجلسي بالبيت شوفي لك وظيفة او كملي دراسة او عمل خاص شئ يخليك تحتكي بالناس وزيدي ثقتك بنفسك عدم الحمل مو انت السبب فيه رب العالمين ماكتب لك الحمل ولاتصدقي اللي تقولك ان المرأة ما تحس انها انثى الا بالحمل هدي مجرد انها تحاول تحسيسك انك اقل منها
لا تضعفي امام اي انسان صدقيني انا في لحظة ضعفت وشكيت همي من عدم الحمل ويمكن مااحمل بعدها حياتي ادمرت اكتئاب وسواس اهمال سخط من قدر الله المكتوب لي اعتزلت الناس واهلي حتى زوجي اتغيرت عليه بدأت ادمر حياتي لكن الله لطف وارسلي اللي يساعدني على تنبهي اني بدأ اخسر نفسي وزوجي ويمكن بلحظة سخط من الله اني اخسر ديني صدقوني الوسواس قوي على الانسان الضعيف
واهم نصيحة ان الزوجين من البداية ما يسمحوا لأي انسان مهما كان قربه حتى (امي وامه ) انهم يدخلوا بالموضيع الخاصة بين الزوجين او حتى الاصدقاء هدا شئ خاص بينا حتى تأخر الحمل والاسباب والعلاجات لانهم ممكن بدون قصد انهم يدخلوا الشك بين الزوجين هدي سياستي انا وزجي بالنسبة لموضوع تأخر الحمل
اتمنى اني افيدكم بكلامي

بارك الله فيكي يا أختي frensh-vanilla-sa
والله انا في يوم من الايام دخل الوسواس في راسي وهذا بفضل ناس كانو حواليا باعتبار انهم ينصحوني ويقولولي انتي من حققك تطلبي الطلاق من زوجك لأنو سبب تأخير الحمل منه ويقولولي انتي اذا صبرتي عليه سنه سنتين ما حتقدري تصبري عليه العمر كله
ودخلوا الفكره بمخي وقالولي انتي لسه صغيره وحلوه وبكره يجيكي الي ترزقين منه بأولاد
وجات علي فتره وانا عايشه بدوامه وحاسه نفسي ملخبطه وما ني عارفه أرسى على بر لما
قعدت بيني وبين نفسي وسألت نفسي هل يا ترى اللي حتزوجه بعد زوجي وبأذن الله حأرزق منه بأطفال هل حيكون حبي له مثل حبي لزوجي
قلت مستحيللللللللللل
لو ارزق منه بميه ولد مستحيل يملك نصف الحب الي احبه لزوجي مستحييييييييييييل
والحمدلله
الحمدلله على هذا الحب اللي ما أظن انه يتعوض بالاطفال
واعتزلت هؤلاء الناس وارجعت لربي واستغفرت الله على الافكار اللي كانت تدور براسي

تسلمين يا أخت عطريه والله كلامك نابع عن تجربه وكيف يثبت انو الاولاد لازم يكونوا ثمره حب بين الزوجين مش ولد والسلام:26:

ممكن ؟؟!! ايعيشوا مرتحين و مبسوطين
بس الى حولهم الا ما يؤثرون على هالسعادة

هذه فطرة أودعها الله في نفوسنا ..

المال و البنون زينة الحياة الدنيا ..

الآية القرآنية لم ترد فيها الزوج أو الزوجة بل البنون ..

لأنهم من أسباب السعادة ..

مهما حاولت المرأة أو بالأحرى الزوجين التحلي بالصبر و نسيان الحرمان من الأطفال .. لا يقويان ..

بل مستحيل .. ينسيان لساعة ليوم .. لأيام و لشهور و لكن لا لطول العمر ..

الفطرة و العاطفة الجياشة المتعطشة لهذه النعمة التي لا يختلف عليها إثنان إنها رمز السعادة ..

كم يسوى اللحظة التي تحضنين فيها طفلك و تضمنيه إلى صدرك و غيرك محرومة تنظر إليك بمرارة و ألم ..

كم تسوى السعادة لحظة علمك بخبر الحمل و غيرك الكثيرات يتمنين أن يضعن أيديهن على بطونهن و يتحسسن حركة جنين لحظة بلحظة ..

كم تسوى كلمة ماما .. كم تسوى ضحكته و لعبه و ملئه الفراغ الكبير في حياة الزوجين ..

أنا عانيت الحرمان .. حاولت النسيان لم أستطع و عندها وقعت التضحية بالزوج من أجل كلمة ماما ..

اللهم ارزقني و كل متعطشة للأمومة الذرية الصالحة .. آمييييييييين