ممكن يحصل حمل؟؟؟

حبيباتي..

يمكن بعضكم يعرف اني اجهضت مرتين خلال السنة الماضية .. مرة في شهر اغسطس ومرة في شهر ديسمبر .. وسبحان الله سويت تحليل دم وتحليل للجنين بعد ما نزلته وما كان في اي شي مب طبيعي .. والحمدلله على كل حال.

المهم انه من هذاك الوقت ولين الحين ما صار حمل .. مع ان دورتي منتظمة ولله الحمد.

يوم راجعت الطبيب نصحني بالكلوميد من ثاني يوم في الدورة .. والدوفاستون قبل موعد الدورة التالية بـ 14 يوم .. وفعلاً يتني الدورة هالشهر بتاريخ 4/7 وخذت الكلوميد مثل ما قال الطبيب.

ولأن دورتي منتظمة فانا عارفة متى بيكون التبويض .. وفعلاً سويت اختبار تبويض اليوم الصبح وطلع ايجابي ولله الحمد .. بس المشكلة ان زوجي لازم يرجع دوامه اليوم.

مع العلم ان صار جماع أمس وأول أمس .. وانتو طبعا تعرفون ان الحيوانات المنوية تعيش لمدة أربعة ايام تقريباً.

سؤالي .. هل ممكن يحصل حمل اعتماداً على الحيوانات المنوية الموجودة أصلاً خلال اليومين اللي طافو والا لازم يكون في جماع يديد بعد التبويض؟؟؟؟