** ممنوع دخول المغاتير **

مساااااء خاص لأعز واغلى نااااااااس

.............. والله اني مشتاقه لكم موووووووووت ................

اليوم حاسه اني طايره من الفرح يوم رجعت لكم ، عاد لا تشرهون علي اذا

شفتوا صرقعتي زايده شوي لي شهر وصرقعتي مكبوته توها تشوف النور :32:

و اكيد بتستغربون لإختياري لهذا العنوان << هذا الله يسلمكم تمويه لأم الروائع

علشان لا تقول منزله موضوع ترحيب برجعتك وتقوم تقرشعني انا وموضوعي

لقسم غيم >>

فأنا ابيها تقراء العنوان ولا تدخل واذا فرضا جازفت ودخلت ابكتب لي كم خربوطه

يعنني دخلت علشانها ، عاد انتم لا تصدقون رحبوا فيني ولا عليكم من احد

>> امحق مشرفه :32:

وام الروائع اكيد بتقراء الخلاصه وبتعلق عليها >> ابوووك يالذكاء

......... ام الروائع ............. هنا الموضوع ............>>

ما عندي سالفه سنعه بس ابكتب لكم عن واحد فاقع مرارتي وجايب لي الضغط والسكر

ويصلح يحطونه في طاش ما طاش ينفع يكون مكان * بدر الدجى * :32:

هذا حارس عمارتنا الهندي محترف درجه اولى في رفع الضغط والسكر

يعني اللي تبي تنتقم من احد تحوله عليه على طول النتيجه فتاكه وخلال بضعة ايام :28:

< اول كلمتين تعلمها منا وغثنا فيها * اقولك ، كيف هالك * من يوم يشوف احد

ينط فيه اقلك كيف هالك والا اذا ناديته ابي ارسله على طول اقلك كيف هالك ايس يبغا >

المهم انا متعوده دائما اطلب منه انه يجيب كت كات >> تراه لبناتي مهب لي ايه هين

وصاحب البقاله اللي جنبا ما عاد يجيب كت كات شكله من كثر ما نشتري منه

شك لا يكون الدعوه فيها ادمان والا شيء وخاف لا يكون هو السبب ومنع يجيبه

نهائي لبقالته :21: عاد الحارس من زود السناعه رحمنا شافنا ما شرينا كت كات

لنا كم يوم وقال ابلحقهم لا يفطسون والا شيء ، واتصل علي * امي انا فيه روه

بقاله بئيد عند ايساره كم كت كات يبغا * عاد انا تنحت غريبه يعني اول مره بيسويلي

فيها طيب وخدوم قلت جب كرتون >> وحده ما صدقت خبر خخخخخخ

عاد ابو الشباب كان موجود قال اكيد الحين الحارس مكشخ بالثوب والغتره

قلت اي ثوب واي غتره قال : يوم كنتي في الرياض ارسلته يودي ثوبي وشماغي

للمغسله علشان يكويها المهم تأخر علي وانزل اشوفه القاء الأخ لأبسها ويدوج

في هالشوارع ، وما حسيت الا الدخان اللي يطلع من راسي ولا ادري وش اسوي

من زود القهر واروح للسواق واقول له روح للحارس وخليه يفصخ الثوب والشماغ

ويغسلهم ويكويهم لأطلعه جنازه اليوم عاد ذاك طار عقله >> يصير الحارس رجل اخته امحق معرفه

يقول يوم جابها لي رحمته واعطيته ثوب وشماغ من عندي ومن يومها وهو كل بعد

كم يوم يكشخ ويروح يدوج في شوارع مكه يستعرض بخلاقينه :32: