السلام عليكم ورحمة الله وبركاته
شلونكم حبايب قلبي
وأنا جالسه افحط بين المنتديات شفت موضوع وقلت لازم حبايب قلبي يشوفونه معي
هذا الزمن اللي عشناه فيما مضى
عصر ماقبل البطاره ... عصر المبزرهـ
أعتقد كل شخص فوق الـ 18 مر على هذا العصر الأغبر .. واللي مامر على هالعصر لايكمل يقرأ الموضوع علشان برستيجنا مايهتز قدامهم احم احـممم
هالزمان راح أقسمه لأيااااام .. علشان تعيشو الجو
>>أياااااام الكشخه <<
الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري "اللي بعد خمس دقايق يقلب أحمر .. كأنها مصاصه دماء .. " ماعاد الشكل يصير برئ هي وذا الروج
واللي تلبس الفستان المكسره "اللي من تحت مليان جيبون" اللي حزام الفستان يسحبل بالشوارع وله كتافات أسفنجيه عاليه الجوده
وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم
<<كانت عقدتي اذا قالوا لي مزمز البسي انتي والبنات طقم انهبل اسوي لهم مناحه
>>اياااااام بقاله كل واحد يسمي البقاله باسم صاحبها<<
\
//
\
الوحده منا تركض للبقاله بقميصها القطن "اللي شاريته لها أمها من البياعه اللي تجي عند بابهم " تشتري ببسي أبو كيس <-- بنص ريال .. وتشتري معه البسكوت الأخضر اللي بالموز <-- يالله كّــرم النعمه
ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه مبزرة البيت كلهم ....ويحظها لو صارت العلبه لها لحالها يقعد ثلاث ايام بالثلاجه وهي تلط منه
>>أياااااام التصرفات الغريبه<<
حدث ولاحرج .. مدري عاد هالتصرفات توارثتها الأجيال ولا لا
بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <-- يعني صحيب
لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. الحين تصير صادق
وهذا خلاص لو انك شايف الكذبه بعيونه لازم تصدقه
أما اللي بيعلم أنه تسذوووب يمد لسانه ويطير لسانه بأصبعه <--- ماأعتقد اني وفقت بهالشرح
>>أياااااام التلفزيون السعودي <<
طوووووووووووووووووط <-- فجرت أذانيكم صح
... والشاشه الملونه ... ولا ترن تن تررررن ترررن <-- هذي النغمه لمى يحطون شاشه الساعه .. ومن تجي عشر .. يبدا القران وبعد أفلام كرتونهم الماصله
أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض ماني بصاحيه كنت أحب الحيوانات مو الأوادم .. بس تطورت وحبيت روبن هود وزورو وهايدي وسالي .. هذا التطور يمكن على اخر ايام الأبتدائي
وصرت أتابع أفتح ياسمم .. وبدر وأنيس .. ياحبي لهم
<-- الحمد لله والشكر من بعد شخصيات الكرتون .. صرنا نحب أنيس
وبعد هالتطور صرت أتابع برنامج أطفال القصيم وأطفال المدينه وأغانيهم الماصله
لا والأفلام الهنديه .. اللي كانو يجيبونها على القناة الثانيه
فلم الولد والفيل
وفيه فلم ثاني اللي الحرمه تقطع العقد اللي لابسته عند المعبد <-- يعني طلقت زوجها
وبعد التطور " أمحق " تسنعنا وصرنا نتابع مسلسلات ..."مسلسل عبدالله البحري وعبدالله البري" .. "ومسلسل عواد" .. "وصح النوم" .. "وفايز التوش" .. "ومسلسل جواهر .. اللي فيه زوينه وحمد وجواهر "< ماكنت احب زوينه الشريره
أيااااام الأناشيد .,.,
متى يجي بابا
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه ودؤي يامزيكا
<-- يامصل المصاله بسسـ
سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي
>>أياااام الدلاخه <<
وحده تقوول<اذكر اني ماانام الليل من الوسوسه اللي فيني " مره كنت العب بالحوش وقرصتني نحله مادري نامس <-- من الدلاخه ماأفرق بينهم
المهم أكتم الوجع اللي فيني وأكمل لعب وإذا جيت انام فاضيه مافيه شي عندي غير التفكير .. قمت اوسوس .. أتاكد اني طبيعيه .. المهم شفت في يدي نفخه بسيطه "مو من النامس مدري من وش" .. بس أول ماطرى على بالي الناموسه اللي قرصتني .. والحين يجي تأثير التلفزيون السعودي علي ..هي والبرامج الوثائقيه اللي تجيبها عن المستنقعات والجراثيم اللي فيها وتنقلها لنا النامس
قلت الحين بأموووت .. واروح اصحى خواتي والظاهر جيراننا كلهم صحو من صياحي ..أقول لهم أنا بأموووت .. المشكله اللي بكبري كلهم صاحو معي .. وأتفقد يد أختي أنا عندي نفخه بأيدي أنتي ليه ماعندك لاااااااا ..لاااااااااااااااائهي ئهي ئهي <-- صيحاها يوم انها بزر وأتفقد يديني ورجليني وكراعيني وأطلع وجه الشبه بين كراعين خواتي .. لو فيه أختلاف بسيط .. زاد الصياح ثم أقعد أتفحص عيوني بالمرايه ..أنا عيوني حمراء لااااا راح أموووت <-- حمرت من البكاء
وعلى هالحال لين يصبحون الناس .. وبعدين أكمل يومي عادي وإذا جاء وقت النوم نعيد هالأسطوانه وأروح أتفقد نفسي أنا طبيعيه ولا راح أمووت
>>أياااام المدرسه <<
أول يوم دراسي .. والكرتون الكبير اللي يجيبه الاباء من المكتبه وكلها محتوياته من ذوووقه " درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه وأشياء لاتعد ولاتحصى .. ويجي دور الهجوم على الغنائم <-- أول مره يشوفون شي جديد كـخخخ
لا والمطاره وماأدراك ماالمطاره .. كنانروح بالمطارة واليوم الثاني أتبادل مع خواتك بالمطاره <-- يقطع أووم القرف يعني ينقال لها انها بتكشخ هههه
لا والسلام الملكي حق المدرسات .. من تدخل المدرسه الكراسي والطاولات يبن ينحاشن من اصوات البنات " شرفتينا ونورتينا ياابله نوره ...... نوره ياعيوني ياللي لابسه اليموني لابسه الساعه اللماعه تسوى كل الجماعه
>>أيااااام الممنوعات <<
كان الأتاري من ضمن الممنوعات فيالبيت.. أو بمعنى أصح مايجي من نفسه لازم له طراره من البزارين علشان يسمح له دخول منزلنا ..
كان الميك أب عيييييب
بس أزين شي ان طلعت الشارع عادي
<<<< اي والله ازين شي
كانت فيه أشياء كثيره ممنوعه بوقتها ... كل ماأذكر أني أصيح لمى يرفضونها أحس ان البراءه بتشقق بعضها
ملطوش مع ملح وبهار
مجرد راي @mgrd_ray_1
عضوة جديدة
يلزم عليك تسجيل الدخول أولًا لكتابة تعليق.
مجرد راي
•
ويييينكم يا بنااات 28وحده دخلت ولاوحده ردت شجعوووني اول مره اشارك بهالقسم:06:
الصفحة الأخيرة