منازلة بين الفنجال والبيالة

حوار بين فنجال وبياله طبعا الكل يعرف معنى بياله وفنجال


البياله // يحق لك يالفنجال كلن يحبك ويحترمك
الفنجال // الرازق في السما والحاسد في الارض
البياله // مهوب حسد بس عتب <== مقهوره
الفنجال // والله محدن قالتس تصيرين بياله
البياله // وش السوات كلنا طلعنا من بطن وحده قصدي مصنع واحد بس الشكوى لله ما باليد حيله
الفنجال // هالحين وش تبين ؟
البياله // ودي تكلم راعي البيت والضيوف يعطوني وجه
الفنجال // انا وش دخلني هم احرارتبين تورطيني
البياله // نعنبو الصداقه وين كلامك من اول يوم تقول حنا اخوان وحبايب والا هك في هك
الفنجال // هذاك اول واول تحول
البياله // ايه يحق لك حتى انت يحطون معك قدوع وانا لا واحيانااذا التفتوا لي يحطون معي نعناع واحيانا بدون سكر بعد
الفنجال // القدوع للرجال مهوب مثلتس يالزلابه
البياله // طيب ممكن نتبادل الاماكن ولول يوم
الفنجال // معصي وانا الفنجال ما بقى الا اصير بياله
البياله // طيب وش اسوي بعمري ؟؟
الفنجال // كلن يتعلق بعرقوبه يالرخمه
انتي ما سمعتي وش يقول بن حثلين

ياما حلى الفنجال مع سيحة البال
======= في مجلس ما فيه نفس ثقيله
هذا ولد عم وهذا ولد خال
======= وهذا رفيق ما ندور بديله

وكلمه منه وكلمه منها وفجأه طرررربااااق
صوت البيالات والفناجيل يتكسرن يوم مر بزر وشات الطوفريه وهو ما شافها
<=== الفنجال راسه فوق ورجليه تحت
<=== البياله مالت خشتها من الشوته

وتبقى حكاية البياله والفنجال على مر الزمن لا احد يقدر ان يفصل بينهما