شوفي يا عزيزتي :

مقادير العجين كالتالي:
6 و 1/2 كاسة طحين، 1 كاس حليب بودرة، 1 كاس زيت نباتي، 2و 1/2 كاس ماء دافئ، 2 ملعقة كبيرة خميرة، ملعقة كبيرة سكر، ملح حسب الرغبة، ملعقة كبيرة مايونيز (اختياري)، بيضة واحدة(اختياري).

اما الطريقة يا حلوة فهي كالتالي

تخلطين الطحين والحليب و الملح . بعدين تحطين الزيت عليهم والبيضة والمايونيز . تجيبي مي دافية و تحطي الخميرة والسكر وفي كأس و تحطين عليهم مي دافية ( تنقصينها من مقدار المية المذكر فوق) و تغطيها و تتركيها 5 دقائق ثم تحطيها على الخليط وتكملي مقدار الماء وتعجني مزبوط مزبوط مزبوط ... لحتى تتماسك العجينة وتصبح بيضا ... ازا حسيتي الميه كتيرة حطي شوية طحين ... وازا كانت العجينة مائلة للصفرة وتتقطع بين ايديكي حطي عليها شوية مي وهكذا حتى تتجانس تماماً.

الآن تحطيها في كيس نايلون نضيف ومدهون بزيت الزيتزن و تحطيها في الفرن الدافئ(تشعلين الفرن ليدفأ وبعدين تطفيه) وتحطي العجينة

اتركيها ساعتين او اكتر لحتى تنفش و تخمر تماااااااااام

الآن قطعي العجينة واتركيها ترتاح و في هذه الأثناء حضري خلطة المناقيش اللي هيه زيت زيتون وزعتر اخضر(دقة) وخليها تكون جامدة لأنه الزيت بيصير يسيل بسرعة مع الحرارة، و بعدين تبدي تفردي العجينة وتخليها خميلة من الأطراف و مفرودة مزبوط بالنص ... ويستحسن تفرديها برؤوس اصابعك مشان يستقر الزيت والزعتر فيها
... حطي الزيت والزعتر و جبنة مبروشة ازا بتحبي ... و حطيها بالفرن المسخن قبل ربع ساعة تقريباً ... انتبهي على الخبز حتى لا تنحرق الناقيش ...حمريها من فوق وادعيلي

أختك
أســــــــــــــومة :17:

شكرررررررررررا جزيلا اختي اسومة على هالطريقة الحلوة ولازم ادعي لج
بس انشالله تضبط بس ممكن اجرب بنص المقدار اول مرة لان المقدار كبير شكلة
هل تظل لينة بعدين ولا تيبس كالعادة لان الزعتر دايما فطاير ولا اي شي لازم ييبس بعد فترة قليلة ما ادري ايش السبب
اذا تعرفون قولو لي وانشالله نجربها ونرد لكم
شكرا جزيلا مرة ثانية

العزيزة noor alzahra
بالنسبة للمقدار فهو فعلاً كبير ... انا أعمل نصفه او ثلثه ... مش غلط تجربي كمية بسيطة و تشوفي النتائج ... اما بالنسبة ليبس الفطائر ينبغي عليكي مراعاة عدم ترقيق العجينة كثيراً حتى لا تنشف ... وأثناء الخبز لا تجعلي الفرن عالي كثيراً ولا تخلي الفطاير تطول بداخل الفرن حتى لا يتأحمش كتير :) ... و احكيلي النتائج :)

وصحة وهنا وعوافي

شكرا جزيلا اخت اسومة انشالله باجربها لانو النتر كان مقطوع كم يوم وما جربتها الحين انشالله اجربها
شكرا

بالتوفيق

و خبريني عن النتائج

:)