ام الخمائل @am_alkhmayl
كبيرة محررات
منتمب سهلات يالحريم وربي .......الجزء الثاني
السلام عليكم ....
بناء على اتفاقنا على تكملة الجزء الأول هنا:
http://forum.hawaaworld.com/showthread.php?t=1420248
اليكم الجزء الثاني راجية من الله ان ينفع به...
الجزء الثاني عند الخطبة:
لما تخطب لولدها : ما فيه مثله ... كامل والكامل وجه الله ..كريم وحبيييب وعطوف ويصلي ما يفوته فرض وهو ما يعرف طريق المسجد!! وبيسكن معنا لين يخلص بيته ثم يسكنون متى ما بغوا الله يحفظهم ( ويتخللون عند الاهل والبيت يأجر!! ) ولا يذوق الدخان<<< لانه يعسل!!
لما تنخطب بنتها:
ماعاد الا هي احط بنتي عند هاللي ماله الا وظيفته وبيسكن بنتي عند اهله لين يخلص البيت!! معصييييي بنتي تسكن جنبي وبيته يبيعه واهله والله ما تطب عليهم!!
لما تخطب لولدها:
الرسول صلى الله عليه وسلم يقول (( اعظمهن بركة أيسرهن مؤونة)) يكفيها عشرين الف وتحمد ربها بعد!! وياخذون الغرفة اللي في الملحق تسدهم لين يجي عندهم كم بزر!!
لما تنخطب بنتها:
خير ان شاء الله خمسين ألف!! بنتنا موب مرمية في الشارع!!
بنتي مهرها ما يقل عن مية ألف زيها زي بنات عمها وسكن خاص ... وزواجها في المقصورة ....وبنفكر في باقي الشروط!!
اخت الزوج واخت الزوجة بيعرسون ...
اهل الزوج لولدهم: ملكة اختك بعد اسبوع وزواجها بعد شهر بس هاه انتبه لاتدري فلانة ترى هذي اسرار بيوت...
مرة الولد: زواج اختي بعد شهر بس ياويلك لو عرفوا اهلك ...انت واحد منا وفينا بس تعرف امور خاصة !!
وبعد ما ينتشر خبر الزواج:
اهل الزوج :
كل بارك لنا وجاب هدايا الا مرة فلان الله لايبلانا فشلتنا عند الناس جاية تافخة خشتها!! وسمعنا بعد ان عرس اختها السنة الجاية وما علمتنا!!ترانا مثل اهلها وما نعدها الا بنتنا!!
مرة الولد لزوجها:
سمعت ان عرس اختك بعد شهر!! نسمع من الناس وانتم ما تعلموني !! ترى انا وحدة منكم!!
لما يجون اهل الزوج لبيت ولدهم او يدقون بيجون:
الزوجة: وش قلة الادب هاذي؟ظ كيف يجون كذا من غير موعد مسبق؟ هذا بيت موب زريبة هنود!!
لما تجي لبيت اهل زوجها:
تطب فجاة بعد ما تخلص مشاويرها ان شاء الله 12 بالليل !! وهم على أي وضع بحجة ان زوجها معه مفتاح وهذا بيت العائلة(يعني موب حريم مثلك وبيتهم له حرمة!!
اهل الزوج:
لما يزورونهم عيال ولدهم بلحالهم هات يا اسئلة وش جبتوا؟ وين رحتوا؟ وش قالت امك لابوك وش اكلتوا؟؟
لما تسألهم مرة الولد كيف الحال؟؟ على طول: يا لقفها ذي!! وش تبي؟؟
بيسافرون :
الاهل:
بنروح لنا يومين ما تسوى لاتعلم احد خاصة فلانة...تخبر ما تسوى علينا!!
لزوجها: لا تعلم اهلك اننا بنسافر هذا شي خاص فينا !! واهلي خلاص علمتهم...
لما يسافرون اهله بدون علمها:
اهلك موسوسين وما يبو ناحد يعرف عنهم شي وانت بعد ما تحبني ليه تخبي عني؟؟ ترى انا احبهم وابغى مصلحتهم وما ابي منهم شي!!
طيب انتي ليه ما تعلمينهم ترى هو ولدهم!!
اذا زارتهم مرة الولد وبيدها حلى مسويته:
وشو له مناب محتاجين شي!!وشغلك موب زين!
وان جابته من برا: يا احول تقل ما عندكم مطبخ!! وشو له الخساير!!
وان ما جابت شي: الله اكبر.. الدنيا ما تسوى.. ما عمرها جابت معها شي!!
مرة الولد:
والله انابروح لهم عشان ارتاح من شغل بيتي موب لازم اخذ معي شي!! فاضية لهم!!
ولما تروح لاهلها من يشيل معي كل هذا!!!
وفي نهاية هذا الموضوع اتمنى نكون واعين بالقدر اللي يعطينا الجرأة والشجاعة على مراجعة انفسنا واصلاح عيوبها ولا اخس من اللي تقول انا كاملة لآنها في هالحالة لن تتغير للأفضل ابببببببببببببدا...
41
3K
يلزم عليك تسجيل الدخول أولًا لكتابة تعليق.
صااااااااااااااادقة لو ان كل واحد شاف عيوبة وعذر غيرة ماتلقين مشاااكل
لو كل واحد حب لاخية كما يحب لنفسة كان ماشفتي هالمشاكل
بس فية شي احس ان كثير يشكون وهو
وشو له مناب محتاجين شي!!وشغلك موب زين!
ليش مادري؟؟؟
لو كل واحد حب لاخية كما يحب لنفسة كان ماشفتي هالمشاكل
بس فية شي احس ان كثير يشكون وهو
وشو له مناب محتاجين شي!!وشغلك موب زين!
ليش مادري؟؟؟
الصفحة الأخيرة
ههههههههههههههههههههههههه
هههههههههههههههههههههههه