منقول .. دلوعه وصارت أم



سالفتي اني اخر العنقود ومدلعه وبارده وكل شي المهم انخطبت وتزوجت
واخذت كم شهر وحملت وولدت بالسلامه
ولما طلعت من الاربعين عزموني اهل زوجي وسوو لي حفله بمناسبه حفيدهم الاول ورحت وانا مستانسه يقال اني صرت مره وام بزر
المهم تقهوينا وتعشينا وانبسطنا
وطلعت واننا اودعهم بالاحظان والقبل وركبنا السياره وتوكلنا الى شقتنا
ولما وقفنا عند الشقه الا وعمتي تدق قلت ياحليلها عمتي أكيد بتدق تسألني عن الحفله وش رايي فيها
ويوم رديت هلا عمه
قالت لاهلا
وانا استغرب قلت ليش وش صاير قالت لي
مانسيتي شي
قلت لا
قالت وجعاااا
قلت سلامات عمه وش فيه
قالت تعالي خوذي ولدك نسيته عندنا
عاد انا انخرشت وزوجي انخرش بعد
وقعد يهاوش يقول في احد ينسى ولده
عاد اللي يشوفه يقول طالع منها الحبيب😅
هو بارد وانا ابرد منه
المهم رجعنا لبيت اهله وفشلونا تهزيئ وعطونا كم نصيحه
ووجيهنابارده طلعنا نضحك ونقول اشوى مانسيناه بمكان ثاني😆


منقوووووول