منوعات مصرية خفيفة بالطلب للمبتدآت الحلوات

للبنوتات اللى ليهم اى طلب و لسة بيتعلموا يخشوا المطبخ او نفسهم فى اكلة مصرية *الارانب البانية

المقادير: ارنب مقطع و مدعوك جيدا بالدقيق ثم يغسل جيدا بالماء _ بصله متوسطة _ملح و فلفل ناعم_2 فص مستكة و 2 فص حبهان _2 بيضة _بقسماط ناعم _زيت للقلى
*ضعى ماء فى حلة مضاف له ملح و بعد ان يغلى الماء ضعى الارنب فى الحلة
حتى تغلى الماء غلوة .
*نشيل الا رنب من الماء ونكب هذا الماء فى الحوض لانه بيكون زفر
*نضع حلة على النار بها ملعقة سمن و2 فص مستكة و 2 فص حبهان
لمدة ثانية و ريحتهم حتطلع اضع الارنب يادوب تشويحة ثم اصب علية ماء مغلى نظيف
وبه بصلة مقطعه نصين و ملح و نتركة حتى يستوى و ذ لك بوضع بوز السكينة او شوكة اذا كان
لحمه جامد يبقى لسه سيبيه لحد لما تلا قى لحمة طرى يعنى استوى
*طلعى الارنب من الشوربة وحطية فى طبق لحد ما يبرد خالص
اضربى البيضتين كويس بالشوكة مع اضافة زرة ملح و فلفل اسود ناعم
*ضعى قطع اللا رنب فى البيض قطعة قطعة ثم على طول فى البقسماط
*بعد ما تخلصى الكمية سخنى الزيت على النار ثم ضعى القطع الى ان يتحمر الوجه اقلبى بالشوكة
على الوجه التانى يحمر برضه و بعدين تشيلية على ورق خاص بامتصاص الذائد من المادة الدهنية
و بالهناء و الشفاء,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
الارانب المحمرة

نفس الطريقة السابقة الى ان يستوى الارنب ونطلعه من االشوربة فى طبق
نسخن الزيت و نحمر الارنب .

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
للحصول على اظبط كيكة

طبعا علشان حجم الكوبايات بيختلف اثناء تنفيذ اى صنف حلو فللخروج من هذة المشكلة اثناء عمل الكيكة استخدمى الميزان و تجهزى كل المقادير على وزن البيض بمعنى انك لو حتعملى قالب كيك طويل المقاس الصغير فهو بياخد 3 بيضات يبقى توزنى ال3 بيضات وبعدين نفس الوزن سكر و نفس الوزن دقيق و ملعقة صغيرة بيكنج بودر و كيس فانيليا ووزنهم زبدة .تمام ؟
ولو الفورمة اللى مخرومة من النص يبقى توزنى الاول 5 بيضات و بعد كدة كلة نفس الوزن.,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,