كوبونات الراقية تسجيل الدخول

don
don •
رواء الاسلام رواء الاسلام :
ازيك يا دون الظاهر انك نسيتيني خالص على العموم ميرسي لكل المجهود اللي انت عاملاه فى الموضوع بتاعك انت و نانى بجد يهبل
ازيك يا دون الظاهر انك نسيتيني خالص على العموم ميرسي لكل المجهود اللي انت عاملاه فى الموضوع بتاعك...
تسلمى يا ام حبيبة وانا والله بتبسط قوى لما بتدخليلنا من الوقت للتانى

نانى تسلم الايادى انا لو كنت حطيت لهم طريقتى كانوا حيدعوا عليا لما ايديهم تخدل و تقف . هو متعب اة . بس فى الاخر لما بناكله بقول يستاهل التعب
don
don •
رواء الاسلام رواء الاسلام :
ازيك يا دون الظاهر انك نسيتيني خالص على العموم ميرسي لكل المجهود اللي انت عاملاه فى الموضوع بتاعك انت و نانى بجد يهبل
ازيك يا دون الظاهر انك نسيتيني خالص على العموم ميرسي لكل المجهود اللي انت عاملاه فى الموضوع بتاعك...
بصوا بالنسبة للى معندهوش حلة البخار اللى بتتباع جاهزة و حيستعمل المصفاة و الحلة زى نانى ما قالت و لقيتوا ان غظب عنكم البخار بيطلع من الجوانب ( كدة يبقى حياخد وقت اكتر فى السوى )لان هو بيستوى اساسا على البخار

حطى فى طبق شوية دقيق و عليهم شوية شوية ماء لحد ما حتتكون عندك عجينة ناعمة بتلزق فى الايد تعالى ما بين المصفاة و الحلة بعد ما تمليها بالماء والزقى العجينة داير ما يدور لحد ما حتلزقى الحلة فى المصفاة كدة البخار حيتحبس تماما ومش حيخرج و حيبقى البخار كلة مركز فى سوى الكسكسى و ما تخافيش بعد ما تخلصية العجينة حتكون نشفت و حتتشال معاكى و حتغسلى الحلة عادى
don
don •
رواء الاسلام رواء الاسلام :
ازيك يا دون الظاهر انك نسيتيني خالص على العموم ميرسي لكل المجهود اللي انت عاملاه فى الموضوع بتاعك انت و نانى بجد يهبل
ازيك يا دون الظاهر انك نسيتيني خالص على العموم ميرسي لكل المجهود اللي انت عاملاه فى الموضوع بتاعك...
:time: المكرونة بالجبنة ( جبنة بيضاء )

كيس مكرونة اسباكتى ( 500 جرام )
بصلة كبيرة، ملح ، فلفل
3 معالق صلصة كبيرة
قرن فلفل حامى
1/4 كيلو جبنة بيضاء ( براميلى او اسطنبولى )
بشاميل خفيف
بيضة للوجه
الطريقة :
اسلق المكرونة فى ماء و ملح و بعدين اشطفها بماء بارد و اصفيها

اضع فى حلة 2 معلقة زيت و اخرط البصلة تخريط وسط لحد ما تصفر

احط عليها القرن الفلفل الحامى المخرط حلقات يادوب لفة

اضع عليهم صلصة الطماطم واقلب مع الملح و الفلفل ثم اضع شوية ماء لحد ما تتخن ( الصلصة بتكون تخينة ما تخففيهاش )

اجيب الجبنة البيضاء فى طبق و اهرسها شوية بالشوكة

اضع الجبنة بعد ما هرسناها على المكرونة و اخلطهم باديا كويس لحد ما تتاكدى ان المكرونة كلها فيها جبنة

بعد ما خلصت الصلصة و اتسبكت تخينة اضعها على المكرونة اللى بالجبنة و اقلبهم كلهم مع الجبنة كويس قوى

ادهن صينية بالفرشاة بسمن و اضع فيها خليط المكرونة واضع على الوجة طبقة بشاميل خفيفة ثم البيضة المضروبة

وادخلها الفرن يادوب بس حتحمر لان المكونات اللى فيها كلها مستوية و بالهنا و الشفا

ملحوظة : ممكن لو فاض عندك جبنة بيضاء مش حتاكلوها و حتنشف تعملى بيها صينية المكرونة بدل ما ترميها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
don
don •
ناني5 ناني5 :
الكسكسي عمل الكسكسي سهل شرط توافر مصفاه أو الحله الخاصه بالتبخير والكبه أو المالتي براكتيك ( أكبر من الكبه ) + كيس قماش قطني أبيض وخفيف بداية أضع كيلو دقيق في طبق غويط وأرش عليه حوالي كوب ماء دافئ وشوبة ملح أقلب بخفه بإستعمال ملعقه خشب أجرب الكبه بضرب شويه من الخليط .. لو عملت حبيبان كالكسكسي تبقي كمية الميه مضبوطه لوأصبحت بودره .. يبقي محتاجين ميه لو تعجنت في الكبه يبقي نزود الدقيق بعد ضبط عمل كل الكميه نضعها في قماشه قطنيه بيضاء أو كيس قماش نبخر الكسكسي في حلة تبخير أو مصفاه معدن مغطاه بإحكام وتحتها حله بها ماء يغلي .. للإختبار .. نرفع الغطاء ونضرب بكف اليد علي الكسكسي .. نسمع صوت مكتوم دال علي تمام التسويه .. مع تصاعد بخار كثيف عندها نمسك الكيس ونضربه عدة ضربات لنفكك الكسكسي من بعضه .. نفرغ محتويات الكيس في صينيه ونرش أقل من كوب ماء ونفركه بملعقه نعيد ضربه في الكبه .. ونعيد التبخير .. ونرش حوالي نصف كوب ماء عملية التبخير وضرب الكبه نكررها 3 مرات . وفي كل مره نرش حوال نصف كوب ماء ونتركها للتهويه عشرة دقائق آخر مره نضيف أقل من كوب سمن ونخلطه بالكبه أيضا .. يارب أكون عرفت أشرح.. والله الكتابه أصعب من عمل الكسكسي
الكسكسي عمل الكسكسي سهل شرط توافر مصفاه أو الحله الخاصه بالتبخير والكبه أو المالتي براكتيك...
والله صدقتى يا نانى الكتابة متعبة و خصوصا انك بتبزلى مجهود عشان توصليلهم المعلومة بسهولة انا ساعات بحس انى عيزاهم يبقوا قدامى وانا بشرحلهم بس لعلمك انتى شرحتية بطريقة مفهومة و جميلة
don
don •
رواء الاسلام رواء الاسلام :
ازيك يا دون الظاهر انك نسيتيني خالص على العموم ميرسي لكل المجهود اللي انت عاملاه فى الموضوع بتاعك انت و نانى بجد يهبل
ازيك يا دون الظاهر انك نسيتيني خالص على العموم ميرسي لكل المجهود اللي انت عاملاه فى الموضوع بتاعك...
:cook: الترماسو ( بطريقة سهلة جدا وحلوة جدا)

1/2 كيلو بسكوت سفويار ( بيتباع فى محلات الحلويات و بعض افران العيش الفينو )

2 علبة قشطة

1 علبة حليب مكثف محلى لان فية مش محلى (بيبقى مكتوب على العلبة )

2 معلقة كبيرة نسكافية (gold ) _ معلقتين سكر

بشر شيكولاتة

الطريقة :

فى حوالى ربع كوب او نص كوب ماء نزوب النسكافية و السكر .

نضع القشطة على الحليب المركز (حتكون زى الكريمة) و نخلطهم مع بعض بالمعلقة .

بالراحة خالص تمسكى بسكوتة بسكوتة و تنزلى عليها بالمعلقة خط او سرسوب خفيف من النسكافية على ضهر كل بسكوتة

و ترصصى البسكوت جنب بعض فى طبق بايركس ثم نضع راقة من خليط الكريمة و القشطة

ثم نكرر نفس الطريقة من البسكوت و نرصصة بنفس الطريقة الاولى

ثم نغطى طبقة البسكوت التانية بطبقة من الكريمة و القشطة

ثم نرش بشر الشيكولاتة ثم نضعها فى الثلاجة لمدة 24 ساعة يعنى يوم كامل و بالهنا و الشفا .

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,