مقالي التمبرا
2 كوب دقيق + 1 كوب نشا ناعم + نصف كوب رز مطحون ناعم + ربع كوب سكر ( ممكن الإستغناء عنه ) + ملح وفلفل اسود + ملعقه صغيره بيكربونات
نقلب جميع المكونات ونحتفظ بها في علبه محكمة الغلق لحين الإستخدام
طريقة عمل خلطة التمبرا
نرب 1 بيضه مع نصف كوب لبن أو زبادي وملعقة زيت ونضيف عليهم بالتدريج من المكونات السابقه حتي تتكون خلطه تقيله بعض الشي تشبه عجينة لقمة القاضي
أنواع المقالي التي توضع في الخلطه ثم تقلي بالزيت
شرائح فيليه دجاج - شرائح فيليه سمك - جمبري
حلقات بصل - قرنبيط مسلوق
قطع دجاج مسلوق و بالعضم ( كنتاكي )
في شرق آسيا بيقلوا أنواع خضار مختلفه والقاسيه منه بيسلقوه نص سلق والطعم حلو قوي
مثلا الفاصوليا الخضراء والبطاطا والبطاطس والسبانخ وغيره كتير
من تجاربي .. اضع العيش الفينو أو الكايزر في الفريزر وعندما يتجمد أبشره بالمبشره في الفتحات الكبيره وأستعمله للكنتاكي بعد تغليفه بالتمبرا وبعدها أقليه علي طول
لمن يفضل الحراق يضيف شطه للتمبرا
وممكن أيضا إضافة مسترده أو كاتشب
مقالي التمبرا
2 كوب دقيق + 1 كوب نشا ناعم + نصف كوب رز مطحون ناعم + ربع كوب سكر ( ممكن...
سمكه وقار أو قاروص كبيره ( ممكن أي نوع مفضل )
وتجهز السمكه كالتالي ... الرأس والديل لعمل الشوربه والرز .. والباقي ترنشات للقلي
لتتبيل سمك القلي
2 فص توم كبير وأشيل من نصفه القلب بتاعه علشان ريحته
كرفس + كزبره + شبت
ملح - فلفل أسود - كمون
عصير ليمون أو ملح ليمون وممكن اللإثنين
مكونات التتبيل أخلطها ناعم في الكبه وأتبل بيها السمك تقريبا ساعتين
وبعد كده أتبل بالدقيق وأقلي في الزيت
طريقة ومقادير شوربة السمك
- أجزاء الديل ورأس السمكه مقطعه لقطع و متبله بالملح والفلفل والكمون والليمون
- 2 بصله كبيره مفرومه بالكبه
- حوالي ثلث كوب زيت
- ملح - فلفل أسود - حبهان ناعم - 2 فص مستكه - كمون - رشة قرفه
- ليمون - ماء
نحمر البصله في الزيت لغاية مايبقي لونها بني غامق زياده ومش محروقه عشان ما تمررش
نحط عليها البهارات ثم 2 كوب ماء ونتركها تغلي لغاية البصل مايبقي طري
بعد ما تبرد شويه نضربها في الخلاط ونصفيها
في حله لتجهيز الشوربه نضع نقطة زيت وعليها فصين المستكه ولما يسيحوا نحط خليط البصله إللي صفيناهاونزيد بالماء ونضبط الملح ولما تغلي نحط السمك والحبهان ونتركه يستوي بالكتير خمس دقايق ونحط عصير ليمونه
لعمل الرز
- 3 كوب رز مغسول ومصفي من الماء
- 3 كوب شوربة سمك
بعد غلي الشوربه نضيف لها الرز ونتركه يتشرب وبعد ذلك نهدئ النار عليه إلي تمام النضج
كده نكون عملنا أكلة سمك حلوه فيها الشوربه والسمك المسلوق والسمك المقلي والرز ومش ناقص غير السلطات .. وبالهنا
ملحوظه .. ممكن إستخدام أي نوع سمك متاح وهيكون الطعم مميز