الله يلم شمل كل زوجين ويحفظهم لبعض.

ام توتي وميمي انا اؤؤيد رايج بشده ابد ما فيه ايجابيات بالعكس تعب ومسئولية كبيرة على الام والله انه زوجي بدا يلاحظ عليه حزني وصارحنه في الموضووووع اني ما اقدر اتحمل هذي المسئوليه بروحي بس في اتقادي فيه حريم عادي عندهم اذا غاب الزوج بالعكس يشفون انها يمكن تكون فترة رااحة من طلبات الزوج ومسئولياته وفيه زوجات ما يقدرن بالعكس مستعدات يتحملن طلبات الزوج بس اهم شي يكون قري منها ويتعاونوون على الحياة وعلى تربية الابناء بنات ادعولنا الله يلم شملنا ونرجع مثل قبل

السلام عليكم

والله جيتم على الجرح مشكلتى مقاربه للاخت ام توتى و ميمي
انا زوجى كتير السفر طبيعت شغله كل شهر وساعات معسكرات ب3اشهر
بس المشكله انى بغربه لااهل ولا اصحاب
وحتى بالاجازاه فىبلدى المسئوليه على كتفى
وااه لو واحد بالولاد تعب بتبهدل مره نزلت الفجر والله ابنى يتلوى وما عرفه بيه ايه طلع التهاب اذن
بس بعد الشحتته ف الطوارى ده ابسط مثل

لا لا ماهى فرصه ده قهر

الحال من بعضه انا من يوم ماتزوجت يعني من اربع سنوات تقريباً ماحسيت بلاستقرارابددددن ..

بس الشكوى لله وش نسوي بعد خلاص نصيب وانكتب علينا يعني رضيت ولا ارضيت مافيه شي راح يغير من وضعي الا رحمة ربي...الله يعين بس

أنا بعد زوجي يغيب عني طول الأسبوع ويرجع بس الخميس ويرجع يروح دوامه السبت

والله حالتي النفسية تعبانة .. والمشكله إنه لما يرجع كل عصر يروح النادي ويرجع فاللليل

والله لما قريت كلامكم خفف عني شوي .. وسبب غياب زوجي عني هو إللي خلاني أختار إسم ( دايما مشتاقة )

لأني على طول مشتاقتله .. بس الشي الوحيد الحلو فالموضوع .. إني أحس بشوقه لي .. ومشكلتي إننا دايما على خلاف بسبب غيابه

والله أخر مرة .. شهر كامل ما شفته غير أربع أيام بس .. الله يعينا جميعا .. وحالتي زادت طين إني ما حملت للحين

يمكن العيال يسلوني شوي .. ربي يرزقنا يا رب