حالمة ومتفائلة :

السلام عليكم ورحمة الله وبركاته حبيبتي نصيحتي لك لا تستخدمي الشبة لأنها حارة على الارحام وممكن تسبب لك حروق داخل الرحم هذا شي معروف عند جميع الناس وفيه اخت قبل فتره في المنتدى ذكرت قصة وحدة قابلتها في عيادات النساء في احد المستشفيات صار عندها حروق شديدة من الشبه لان جسمها ماتحملها وبعدين هي تشد بالبداية لكن بعدين ترخي بشدة كمان العفص احذري منه كل الحريم الكبار يحذرون منه لانه هو خراب الحرمه على قولت الجدات يشد بالبدايه لكن بعدين يسبب توسع جربي نظام فيافي موجود في المنتدى وإذا مالقتيه انزله لك كثير اخوات في المنتدى جربوه ويمدحونه انا جربته لكن ما طبقته بالتفصيل بس حسيت انه حلو وريحني من الم الدورة وحسيت انى طهرت بدري موزي مأنا متعوده عندك كمان البردقوش احنا نسميه في المدينه الدوش ممتاز للارحام واستخدامه ايام الدورة يساعد على انقباض العضلات وشد الرحم وقد ذكرة الدكتور جابر القحطاني في كثير من الحلقات وأيام الدورة تشطفي بمغلي قشر الرمان الجاف ممتاز عن تجربه شخصيه من جد تحسي المنطقة تنشد والشاهي المر كمان ممتاز هذه كلها اشياء معروفه وما تخوف زي بعض الاعشاب ممكن تشد وبعديت تخرب كمان لاتتوقعي ان المكان راح يرجع زي ماكنا بنات بس راح يكون في تحسن ملحوظ وإذا انت مش راضيه عن نفسك سوي عملية التضييق تعمليه وتخرجي في نفس اليوم بس يبغالك إهتمام كأنك نفاس اختي سوتها وتقول الامور تمام لكن ما تسوينها إلا إذا كنت خلاص معاد تبغي تحملين لانه بعد الولادة ترجع الامور زي ماكانت بدون فائدة غير زيادة شوارع على الفاضي يعني العملية آخر الحلول جربي الحلول الطبيعية أفضل

السلام عليكم ورحمة الله وبركاته حبيبتي نصيحتي لك لا تستخدمي الشبة لأنها حارة على الارحام وممكن...