مشكورات خواتي عالردود الحلو والمطمئنة بعد..

أختي العصفورة.. والله ريحتيني بكلامج.. ترى صدق كل كم يوم سرت السوق وأمشي فترة بس اخر مرة أبداااااا ماقدرت أمشي الا شوي ويلست.. بعدين الشي هذا ماييني الا بالليل وانا راقدة والله حتى ماقدر أحركها بس أستغفر ربي وترى هي بس تاخذ ثواني أو دقيقة بالكثير وتروح.. حتى اليوم أقول لبو العيال وللوالدة أدعولي بكل صلاة اني أولد بأول التاسع وما أطول.. والله من الغصة اللي فيني.. عالعموم يزاج الله ألف خير ومشكورة مرة ثانية عالرد.. بسألج انتي بأي شهر ألحين؟؟.. والله يسهل عالجميع

مشكورة الغالية الكسولة عالرد الحلو.. ومثل ماقلتي ترى تصيرلي اذا فردت رجلي تعرفين لما تتثاوبين مرات تفردين ايدج.. عاد بهالسالفة أنا أفرد رجلي فتصيرلي هالحركة.. وكل مرة أقول مابسويها بس أنسى وأفردها اذا انتبهت بالمنام.. ويصيرلي هالشي..
يزاج الله خير والله يجعله بميزان حسناتج وانشالله من تستويلي بخذ نفس وبشوف شو يصير وبردلج خبر.. بس انشالله أقدر.. والله يعطيج العافية

أختي المسافرة أنا تصرلي هادي الحركة برضه أيام الحمل ...

بس أنا سمعت إنه نقص في الكالسيوم

لكن مني متأكدة ..أسألي الدكتورة عشان تتأكدي

والله يتمم حملك على خير ويرزقك الذرية الصالحة

طبيعي هذا الشي كان معذبنييييييييييييييييييييييي بالحمل.........لمن اصحى من النوم وابي انزل من السرير يجيني التشنج ويذبحني.....نص الحوامل يعانون منه بسبب ضغط الطفل على الحوض وعلى الاعصاب:27:

سلامتك ، أنا كان يجيني وأنا نايمه وقلت للدكتوره عنه وقالت انه نقص عنصر ما أدري كالسيوم على ما اعتقد المهم قالت لي كلي كل يوم موزه ، والله يابنات ما عاد جاني أبد مع انه في كل حمل مجنني تخيلوا ما اكتشفت العلاج إلا في الحمل الخامس. الله يكتب لنا الأجر ويصلح لنا النية والذرية.