سلامات وماتشوف شر بنتج

في اطفال ما احتاجوا لعميلة وراح من نفسه

الله كريم وياربي يشفي اعيالنا امين

الله يستر ياريت الي عندها معلومات تساعدني

طبعا انا من الشهر السابع اكتشفوا هالشي بالسونار
وقالت لي الدكتوره ان طفلي يعاني من ضيق اسفل الحالب حجمه 0.5 سم ويعتبر نسبه ماتخوف

ولابد من المتابعه مع دكتور اا لاطفال اول ماينولد

طبعا الدكتور كتب له مضاد حيوي على شان مايكون فيه التهابات للطفل

ويوم ما انولد سووا له عن طريق القــــضــيب منظار على شان يعرفون عنده ارتجاع ولالا
وطلع ماعنده ولله الحمد ارتجاع

وعقب سووا له سونار على شان يشوفون الكليه والحالب.

قالوا حوض الكليه متضخم والحالب في اسفله انسداد _ طبعا هنا انصدمت وقلت قدر الله ماشاء فعل وقالوا لابد من اجراء عمليه لفتح هالانسداد

وسبحان الله كل يوم يجي شي يأخرنا عن هالعمليه وهالكلام من شهر 4 إلى الان لم نقم بالعمليه == طبعا الي قال ان عنده انسداد كان مستشفى الاهلي بقطر ( النصابين)

وعقب قلنا خلنا نشوف مستشفى حمد وش بيقولون

طبعا طرشنا التقاررير كلها للهند ولتايلند ومصر والسعوديه والامارات وكلهم قالوا في الوقت الحالي مايحتاج جراحه وخليه على المضا د الحيوي

وامس تونا جايين من الدكتور جراح اسمه عادل محمود اسماعيل - مستشفى حمد العام -قطر

وقال بعد ماشاف اشعه السونار والاشعه الصبغيه والاشعه النوويه renal scan


والاشعه النوويه renal scan = تحدد وظائف كل كليه كم تشتغل
الاشعه الصبغية = تحدد مكان الضيق والتضخم
السونار = يوضح شكل التضخم في الكليه والحالب


المهم قال في الوقت الحالي الولد ماعنده انسداد
هنا استغربنا قلنا طيب وين الانسداد الي انولد فيه قال سبحان الله فيه اطفال من ضيق الحالب يبين في الاشعه انه انسداد كلي ومع الاشهر يتوسع الحالب ويصير طبيعي ومايحتاج لاي عمليه مجرد متابعه وياخذ مضاد حيوي

بس حاليا الضيق كبير في اسفل الحالب ناحيه المثانه وطبعا مجمع البول عنده بالحالب وتسبب في تضخمه
وهالشي راح يسبب ضغط على الكليه الي نحاول اننا نحافظ على مستوى الضرر فيها

اقترح علينا امس اننا نسوي له قسطره عن طريق المنظار
وهو يدخل واير من ****** للكليه على شان يطلع البول اول بأول ولا يتجمع في الحالب ويتضخم ويضغط على الكليه وهنا يسبب ضرر للكليه .
وهالمنظار مدته 15 دقيقه وهي سهله جدا ---- بس بصراحه متخوفين الا الان ما اخذنا قرار بنستخير والله كريم

والكل نصحني اسويها على شان نحافظ على ال مستوى الحالي .


وقال اي ارتفاع بدرجه الحراره على طول تجيني الطوارئ

وقال بعد القسطره يكون كل 3 شهور نسوي له سونار ومتابعه نشوف توسع ولالا

اذا ما توسع وصار طبيعي راح نجري جراحه والله كريم ويشفيه يارب

عمره حاليا 4 شهور

شوفوا شكل الحالب بالجهه اليسار متضخم وواضح عنده
( ملاحظه: راح يكون الحالب الي على جهه ايدك اليمني )


ادعوا معي ربي يشافيه ويبين في التصوير الجاي انه كل شي تمام

طيب ايش سببه؟

ماله سبب معروف

يقولون خلقي

وكثر الفتره الاخيره


على قوله امي تقول هذا كله من حرب الخليج والكيماوي الي انتشر بالجو شوه الاجنه

طبعا معتقد مب اكيد