انا لقيته بعطار فطيبه الرياض

انا اشتريته من عطار بالخُبر وب50 ريال
بس الصراحه جربته وتندمت اني اشتريته ورميته بالزباله ماعجني بالمره ويكفيك ريحته ويععععععععع
والشعور تختلف مدى استجابتها ...

اعرف وحدة من تونس معانا في الامارات وقالت بتجيبه لي من تونس وبتجيب الاصلي بعد

ومدحت زيت يتسوى في البيوت قالت احسن منه وهوه لتساقط الشعر


بخبركم بالنتايج لما يوصلني

السلام عليكم بنات ...

قريت الموضوع لي يومين .. وانا ماخليت زوجي من يومه في حاله كل يوم اقوله جيب كريم النخاع التونسي ....قال لي الله ياخذ نخاعك
:o
المهم وراح ولقيه عند عطار والله مادري وش اسمه ...المهم لقاه ب30 ريال ..

شكل العلبة عاديه عليه لصقه بنفسجي على ليموني وبه ورد بنفسجي ورق شجر اخضر غامق ومكتوب (كريم) باللون الاصفر وباللون الابيض (النخاع التونسي)و250 غ
يقضي على التقصف ويطيل الشعر ..والجهة الثانيه بالانجليزي .../

والغطاء احمر وعليه لصقه ومكتوب عليه نفس الكلام ونفس الرسومات ورد بنفسجي مع ورق شجر اخضر ولون اصفر بينهم....مموج ...... ؟؟؟وبعدين من الجنبين جهة مكتوب عليه
الفوائد وهو
1 يطيل الشعر
2يقضي على تقصف الشعر
3يعيد الحيويه للشعر
4يغذي الشعر بالفيتامينات
5يحمي الشعرمن الستشوار المتكرر
6يساعد على فرد الشعر ..

والجهة الثانيه
مكتوب طريقة الاستعمال
اغسلي الشعر جيدا بشامبوا النخاع ثم جففيه
مشطي الشعر جيدا بكمية مناسبه من الكريم ثم استخدمي السشوار للفرد ..
كرري العمليه يوما بعد يوم واحرصي على استخدام الكريم لتصفيف الشعر دائما حتى تتم عملية فرد وتنعيم الشعر وازالة التقصف ...

ماعلية اي اسم مصنع او تاريخ اواي جهة اخرى :(

الكريم يشبه الحليب الجامد مثل النستله على اخف شوي ..واللون ابيض على سكري
والريحه لاباس .عادي مقبوله الريحه نوعا ما ...
حتى العلبة ماهى مليانه مرة....شكله ناقص ..
على فكرة بعد ماكتبت وخلاص ..لقيت بالانجليزي خط صغير جدا تحت الفوائد ...SAUDI Arabia_riyadh,;
وكلام ثاني......... بروفوروم فكتوري ...الخ


مادري وش رايكم ؟؟؟؟؟؟ انا لسه ماأستخدمته ...
انا ابغاه للتقصف والنعومه والطول ..
اتوكل على الله واجربه والا وش رايكم ..:(

اخواتي حبيباتي .. اشوفكم ماتحمستم للموضوع ..

على العموم انا استخدمته ابشركم وراح اقولكم وش صارمعي ...لكن اولا بعطيكم فكره عن شعري ؟؟>>>> راح اعطيكم قصة حياتي كلها :o

اولا شعري اصلا ناعم من الدرجة الثالثه والحمدلله وكثيف ماشاء الله
( الله يديم النعمه علي وعلى بنات حواء اجمع ) .. قبل زواجي كان طويل وسائح ناعم لدرجة انه يتطايرمن النعومة وماكنت استخدم الاستشوار ولا احتاجه ابدا ... كنت اغسل شعري وانشفه الين ينشف والفه طاقيه ( اذا تذكرون ) الين الصبح وافكه ماشاء الله يجنن وسائح اكثر واكثر والكل يسالني وينهبل عليا .....
وعندما تزوجت ومن عوامل التعريه اللي صارت فيا من حمل وانجاب وعمليات وصبغات وقصات ونظرات الحسد والعياذ بالله وووووالخ الصراحه شعري اخترب 300درجة :( ( راحت النعومه واللمعان والطول واللون ) والحمدلله على كل حاااال .............الصراحه انظلم شعري اللي يشوفه على باله انه خشن ( لاوالله وقسما بالله ) والله نااااااااعم والى الان الحمدلله عندما اذهب لكوافيره وتستشوره لي يصبح مثل الحرير ماشاء الله في خلال اقل من نص ساعه وهى خالصه مني ... رغم انه كثيف وطويل حاليا ..( يارب لك الحمد )
المهم روحت قبل شهر وقصيت اطرافه بسبب تقصفه الزائد... . ونقص الطول نوعا ما :(.. يعني اصبح تحت الوسط بشوي ..وانا احب الطويل وزوجي يحب الطويل ...
ولكن اعاني من النفش من عوامل الصبغه والخصل الملونه ...يعني يحتاج لتغذيه كافيه وتزيت ..
الحمدلله بديت اهتم من ناحية التزيت بزيت اللوز الحلو وناسبني ولله الحمد وتحسن شوي ...واحاول اني دائما اني اعمل له مساج لتحريك الدورة الدمويه عشان يتحرك الدم بالجذور ..والحمدلله صار شوي احسن من اول بكثير بدا يرجع لحيويته بعض الشيء ...يارب بس يرجع زي زمان ولو 50 بالمئه كفايه ونعمه من الله ... ..

المهم يابنات استعملت الكريم هذا الا وهو النخاع التونسي ..
غسلت شعري بشامبو عادي وهو شولدرز .. وبعدين نشفته من الماء واخذت الكريم شوي شوي وادهن فيه شعري تقريبا من الواجهه فقط وركزت على الاطراف من تحت ...وبعدين استشورت ..
الحمدلله زبط وصار ماشاء الله مفرود وطايح المتقصف احسن من اول ...
هو الصراحه ينفع للي شعرها متقصف ولايتحمل الجو الحار وينفش ( مثل حالتي ) لانه يعمل على تهدئة الشعر وتثبيته
ويفرد نوعا ما ..ويحسن من مظهره ...يعني يصلح للشعر المريض اللي في حالة علاج ...
لان شعري ناعم ونفس الشعره خفيفه عندي فصار سائح ...وبنفس الوقت...صار كانه شوي متلبد بعد الكريم ولكنه ستر على التقصف وصار التقصف طايح ماهو باين .. نعم وانفرد ...الريحه يعني واضحه شوي يعني زي ريحة الحليب ولكن عطرته وصار زين ...

المهم النتيجه روووعه للي تعاني من التقصف والنفش من الصبغاااات مثل حالتي ...وراح استمر عليه لانه مغذي وزين ...:)

اما للشعر الخشن مرررررره .. والله مادري وش راح يصير فيه ...هل بيزبط معاها والا لا ...

لكن اللي شعرها خشن من الدرجه الاولى والثانيه والثالثه ... .. تجرب وتقول لنا وش صار معها .. عشان نعلم للي شعرهم خشن انهم يستعملونه والا لا ...

وهذه هى الصراحه ... وبالصراحه احلى :27: :26:

وسلامتكم ..