جزاك الله خير

الله يوفقك والله افكار حلوه ورمضان شهر عباده ومن الاجمل والانفع الاستفاده منه في العباده والتجهيز له شي مريح وانا احب اسوي له هالاشياء مثل الدجاج اجهزه وانظفه وافرزه واللحم المفروم اتبله ويكون جاهز لو ابسوي محاشي او كباب والبف باستر احشيه جبن كيري وافرزه وايكون جاهز بس للقلي هذى بعض الي اسويه ومشكوره على هاا لمشاركه الحلوه والمفيدة

لايخزن البصل مقطع لانه يتأكسد

ولك جزيل الشكر

طيب سؤالي يا اخواتي المعجنات نفس السبموسة و الفطاير هل ينفع احفظها في اكياس او في علب بلاستيكية تبع الاستعمال الواحد؟ ام العلب البلاستيكية متعددة الاستعمالات؟ و ايهاا أفضل؟
و المعجنات الكبيرة اللي تجي مثل عجينة البيتزا كيف اخزنها؟ الفها بكيس و بس واللا يحتاج احطها بكرتون نفس كراتين البيتزا المجمدة اللي تنباع جاهزة؟؟؟؟؟؟؟
تسلمون يا اخواتي و شكرا لصاحبة الموضوع لانها ردت على استفساري بخصوص تجميد المعجنات ،، شكلي راح اجرب اجمدها بدون خبز و اشوف شو يصير و ارد لكم خبر بس اكيد بتأخر

MARIGOLD انا جربت اخزن السمبوسه في اكياس ولما اطلعها تتلاصق مع بعض وتتقطع وجربت اخزنها بعلبه بلاستيك واخلي مسافه بين الوحده والثانيه واحط بين الطبقه والطبقه كيس نايلون الشفاف حتى مايتلاصقوا وضبطت

وبالنسبه للمعجنات للي سألت عنها تنعمل كامله من دون تحمير وتخليها تبرد وتفرزنينها

شكرا لصاحبة الموضوع موضوع رائع
وانا ابغي اسأل كيف تخزنون ورق العنب؟؟؟