أم مساعد جزاكي الله الف خير على ردودك و نصائحك لي بارك الله فيكي
و بخصوص ورق العنب اقدر افيدك لأني مجربة اخزن منه قبل العيد

انتي سوي الخلطة عادي (انا خلطتي اللي مافيها لحم مفروم) و لفيه بورق العنب و كل شيء تمام بس لا تغليه .. هاتي علبة بلاستيكية كبيرة و صفي فيه حبات ورق العنب المحشية .. ماراح يتلاصقوا اذا ماكانوا رطبين كثير بالماي .. انا لما الفهم احطهم على جنب بالسفرة متفرقين علشان ينشف الماء اللي على الورق و لما احطهم في العلبة البلاستيكية خلاص ماعاد يلصقوا ...........وقت ما تحتاجين طلعين عدد الحبات اللي تبغينها واغليها بالصلصة او المرق اللي انتي بالعادة تحضرينه ، طبعا يفضل تطلعينه قبل بوقت علشان الرز و الحشوة اللي داخل تذوب، و اذا على طول خليتيه يغلي من دون ما تذوبينه عادي بس راح يطول اكثر في الغليان ليما يستوي لانه مثلج و بارد .............. و طعمه و لا كأنه كان في الفريزر .............و صحة و عافية ان شاء الله تستفيدي

نسيت اقولك لو خلطتك فيها لحم مفروم نيء مو مستوي لا تحطيه بالفريزر اعتقد خطر لانه مايجوز يطلع من الفريزر و بعدين يرجع يدخل الفريزر من دون ما يستوي .......لا تعمليها الا لو خليتيه يستوي يعني حمرتيه مع بصل الخ...................ساعتها عادي يستوي م اراح يسبب خطر

ماشاء الله روعه

بس ورق العنب احس لمن احطه بالفريزر

وينطبخ ما تصير حبته واقفه يتفتفت علي

يعني ما احس انه ينفع يتفرزن

تقصدين الورق اللي تتفتت ؟؟ جايز تخليها تغلي مدة ....انتي لما تخرجيها من الفريزر خليها فترة علشان يذوب الرز علشان تقللين من مدة الغلياان لانه لو غليتيه على طول و مو مجمد راح ياخذ وقت اكثر و يتفتت اسرع .....او يمكن يعتمد على نوعية ورق العنب جربي العلالي النوع الفاخر تراه ممتاز

مشكورين على الموضوع انا بأستخدم طريقة للتفريز جدا حلوة
بعد ما اجهز السمبوسة او المعجنات احطها في صحن كبير وارتبها بعيدة عن بعض وادخلها الفريزر ولمن تجمد اعبيها في اكياس فوق بعض وتطلع روعة وكل حبة لحالها

وللي نفاس في رمضان انصحك تجيبي معجنات جاهزة وتحطيها زي ماهي في الفريزر ولمن تحتاجيها طلعيها قبل بساعه وسخنيها والله كانك توك شاريتها
بنات الفريزر يشيل اي شئ بقلاوة كنافة جاهزة اي شئ حتى الكيك اذا كان كثير كانت امي الله يخليها تحطه بالفريزر ويطلع روعه ومرة حطت علبة كبيرة جاتوة لانه كان مرة كثير وماشاء الله لا قوة الا بالله طلع كأنه جديد

انا بصراحة مجربة الخضار كل شئ خضار اقطعه وافرزة من بطاطس وكوسا وجزر وزهرة وملفوف وسبانخ ورجلة وفلفل رومي طبعا كلها للطبخ

وايش كمان يالله لمن افتكر شئ ارجع لكم