من المشتطه فيكم إشترت للعيييد ؟

تصدقين عاد حجيج يعجبني يالقصيميه وتراه قريب من كلامنا

صج انا من الكويت بس من بدوها والنعم فيني

المهم ياحبي انا شريت

بس لا تسأليني وش معجلني

السالفه ومافيها كنت رايحه السوق تمشيه انا وابوي الله يخليه ويخليلكم ابائكم

المهم دشينا مانغو جذي نتفرج

وخبرج معاي ابوي وعيوني طايره

كان تطيح عينه على تنوره قمه قمه قمه

اللي ماتعرفينه ابوي ذوقه عالي مستواه لان كان يدرس برا وراعي سفرات الله يعين امي
بس هالحجي اول الحين وش حليله التزم وترك هالسوالف

الا الذوق مايقدر عليه
لدرجه ليا رحت بروحي للسوق وشريت شي اكون مقتنعه فيه مايعجبه ويقولي رديه
وينقيلي سيد سيده

المهم بمانغو شريت تنوره رمادي فيه ورده صايره بوسط الخياط اللي على جنب بس الورده صايره بالشليل
تخيلي مطرزينها بشنو
مطرزينها زي ارباع النيرات اللي ساده اللي هبوا فيها اكسسوار ولو شايفه موضوع لي
عن الاكسسوارت بتحصلين اللي قلتلج عنه
المهم خامة التنوره زي الجنز بس اللي جاي مخطط منه وفيه يعني كانت موضه زمان بس رادينها بقوه

خذيت بدي تحفه صعب اوصفه رمادي
خذيت القميص فوشي بس كنه ربيعي على صيفي خامته خفيفه وعملي
كنت باخذ شنطه رمادي بس ماحبيت الموجود
اخذت اسود خبرج عملي ومحتاجتها حيل والبدله مهو كل الوقت البسها اكيد بجيب غيرها

شريت شيله دبل فيس ديور قمه عطانيها ب3 دنانير يابلاش
وشريت شيله شغلتها غريبه فيه مثل الربط بعدين تلفين الشيله عادي وهذي ب2 دينارين

البدله كلفتني 35 دينار والشنطه 10 دنانير والشيال 5 دنانير
يعني خمسين وناقصني كعب اللي يجي حاد من قدام ويكون ارتفاعه وسط لان ما احب العالي بس ماني عارفه اروح وين

شريت قطع خام امريكي قطعتين ب5 دنانير بتفنن بخياطه ينفعوني برمضان والعيد

وسلامتج

على فكره البدله كامله اختيار ابوي
وانا متعوده على ذوقه لدرجه ان لبست شي خيال قالولي اكيد اختيار ابوج
بنات قولوا ما شاءالله

يالله سلام
وترى موضوعج روعه روعه

اختي المتلطمه ....
واللي تقول انها مثلك ماراحت ولا جت ولا تدري وش في السوق>>>ليش داخله
بس حبيت اسلم

منتظرة انتي من اي مانغو شاريتها من كويت ماجك


شفت شغلات رمادي بس مادري ليش كرهت شغل مانغو كل بنات الجماعه عنده ابي محل بس يكون غريب شوي

مابي محلات مانغو لان اللي عندي عقب ماهبيت فيه انا وخواتي صاروا مايلبسون الا منه تقليد


منتظرة شفتي ملابس انوتا روووووووعه شكلي العيد هذا بلبس من عندهم اذا مارته او رايحه له من قريب قولي لنا


المتلطمة موضوعج قمة ورائع

ايه عمري مانغو اللي بمجك
معني دوم اروح لشرق والمهلب واحصل شي جديد
الا مجك هالمره متعدل على غير عاده
هو صج يهبون بعدج بس شنسوي
عمري هذا قبل 3 سنين ركبت هذيك البدله وطالعه لجماعتنا
وعينج ماتشوف اللي يقول ينوفيرم الكل مطقم
عاد حلفت ماركب من عندهم بدله كامله
اللهم اخذ شي اركب فيه اللي عندي
وماكنت حاطه في بالي اجيب للعيد من مانغو
انصحج روحي طلي واخذ فكره
محل انوتا ماعندي فكره عنه ماعليه امر قوليلي وين عنوانه خليني اروح اتحلطم وارد
لان مافيه امل اجيب ثاني مره لان حاطه دراعتين عند الخياط
وغير ناقصني مكياج والجوتي تكرمين الله يعيني بس
تعالي صج وين احصل الكعب اللي من قدام حاد ويكون ارتفاعه وسط لان مابيه عالي

برايفت : عمري المتلطمه سوري دشينا عرض
سلام

مرحبا: بالنسبة لي اشتريت ملابس العيد من زماااااااااااان (لما سافرت بالعطلة الصيفية)،،،،،،،

:26: :26: