جارة القمر. :

طيب انا بأرد عليك وطبعا من باب انك تفهمين وجهة نظرنا مو من باب ردود وزعل وخصوصا اني اتمنى الاخوات العربيات يفهمون سبب وجود الخادمه عندنا شوفي يا قلبي احنا مجتمعنا للاسف تغير بفتره بسيطه وبعض الامور تغيرت للاسوء وخصوصا موضوع المظاهر تخيلي كل بيت لازم يكون فيه كذا غرفه للضيوف ولازم تكون ملمعه ونظيفه دائما استعددا لاي ضيف وهالغرف لاتقل عن ثلاث دايما نظيفه ومسكره والمواعين لازم يكون قسم وش كبره للضيوف من ابسط غرض الى اكبر غرض كلها بقسم خاص وتختلف عن اغراض اهل البيت يعني يجيك مطبخ مساحته زي البحر ومتروس اغراض ): وتعالي شوفي الملابس زمان كانوا اهالينا ثوبين واحنا اللحين كل فرد في العايله عنده مئات القطع شي للطلعه وشي للضيوف وشي للنوم اه بس وعلشان توفر الماده ملابسنا تلاقينها بالمئات ومطلوب من الام تغسل كل قسم وحده وتكوي وترتب انا ما كان يذبحني الا الغسيل ولما قلت لزوجي يوديه الغسال اسبوعين بس وبطلنا لان ملابسنا كانت كثيره واستهلاكنا كثير اووف بس وتعالي شوفي الاكل علشان الانفتاح اللي عندنا صار مطلوب نطبخ كل الاطباق العالميه ونجاري مطاعمنا والناس اللي عايشين بيننا وفوق ذا وذاك اهتمامنا بانفسنا لازم يكون على سنقه عشره ولازم تتفرغ الزوجه لزوجها لان الماده متوفره بسهوله والبنات بكل بيت وشارع يعني كل رجل بس ينتظر سبب حتى يتزوج المراءه المتفرغه والكشخه وطبعا هذا اكيد بسبب ثقافه المجتمع الاستهلاكيه وتعالي شوفي اطفالنا ما نقدر نطلعهم للشارع واحنا نرتاح منهم شوي لان شوارعنا مليانه بالعماله اللي خلتنا نخاف ونحبس عيالنا بالبيوت وتعالي شوفي انواع اللعب والتخريب والطلبات والناس اختلفوا زمان ممكن تلاقين احد تحطين عيالك عنده كم ساعه اذا بتطلعين مشوار بس اللحين ما احد يستحمل عياله وما يقبلون يستحملون عيال الناس حتى جدتهم ممكن تعتذر وتقول انا كبيره وما اقدر استحمل ولا تحلمين ان فيه زوج ممكن يساعد زوجته او يخفف عنها نادر نادر اللي ممكن يقدر فمابالك اللي يساعد حتى كاسه ماء ما يجيب لنفسه ولا ملابسه الوسخه ممكن يحطها بمكانها لان بمجتمعنا عيب الرجال يساعد :09: للاسف بمجتمعنا لابد من خادمه اتمنى تكون وضحت الصوره

طيب انا بأرد عليك وطبعا من باب انك تفهمين وجهة نظرنا مو من باب ردود وزعل وخصوصا اني اتمنى الاخوات...