لاتلتفت لي وانت قلبك مع الغير
...................... لاتلتفت لي وانت مانت بمعايه
خلك مع اللي صنت له كل تقدير
...................... اللي من اجله بعت باقي غلايه
صحيح يلقى الشر من يفعل الخير
........................ حكمه وفيها صاب راع الروايه
توي تجرحت الندم والتحاسير
........................ لا واحسايف ياعناي وشقايه
عطني دلايل للتجافي وتبرير
........................والدافع اللي يدفعك في جفايه
مني حشى ماجاك نقص وتقصير
...................... ولا هقيت ان منك هذا جزايه
ولا صار هذي نيتك واصل السير
........................تلقى وأنا القى من بيجبر عزايه
ما فيه داعي للاسف والمعاذير
...................... ..واصل جفاك ولاتحاول رضايه
وانا علي لا صخر القلب تصخير
....................... عنك وعندي للإهانه وقايه
من باعني بعته ولا فيه تفكير
......................وجفوى المقفى للمولع حمايه
وأنا خلصت ومنك شفت التعازير
......................واللي حصل لي منك فيه الكفايه
بنوته كييييييوت @bnoth_kyyyyyyot
عضوة جديدة
يلزم عليك تسجيل الدخول أولًا لكتابة تعليق.
حبيبة عمها
•
رووووووعه
صحيح يلقى الشر من يفعل الخير
........................ حكمه وفيها صاب راع الروايه
صح لسان قايلها... ويسلملنا ناقلها..
........................ حكمه وفيها صاب راع الروايه
صح لسان قايلها... ويسلملنا ناقلها..
وأنا خلصت ومنك شفت التعازير
واللي حصل لي منك فيه الكفايه
لكل شيء نهاية ، ولكن هل لدينا القوة والجرأة لنقول لمن كانوا السبب في معاناتنا خلاص ماجا منكم كفايه ؟ ربما البعض نعم
جزاك الله خير
الصفحة الأخيرة