من بريد الاستشاره : اختي تزوجت من رجل ثري .... لكن ....

الله يسامح امج و ابوج
شو الفلوس ما تشتري السعاده
و كيف توافقون تاخذ واحد بعمر ابوها ما فكرتوا لو يابت عيال
منو بربيهم و ابوهم بيكون وصل لسن يحتاج من يشيله
وكله بيطيح على راس هالمسكينه
ترا فارق العمر مب هين
والي يقهر اكثر اذا تطلقت شماتة الناس

الله يعينها و يفرجها عليها

أنا بصراحه أييد طلاقها بقوه

مرض الشك صعب الشفا منه

وبعدين الختلافات كبيره منها العمر والمستوى المادي

ولاتنسى الاستخاره والله يكتب لها اللي فيه الخيره ولاتفكر بالمجتمع وحكيهم ي اللي بتعيش موب هم

وصعبه الواحد يظغط على نفسه علشان مجتمع

شيء طبيعي يشك هي صغيرة و تدرس و هو كبير في السن
الله اعلم اذا كان له علاقات سابقة بالنساء لانه كبير بالسن و غني فلماذا يبقى عازبا لسن متاخرة وهذا ايضا يجعله لا يثق باي امراة و يمتهن النساء كلها
امك او ابوك يتحملون غلطتهم و هي ايضا يجب ان تتعلم درسا من تجربتها و لا اظن انه سيتخلى عنها بسهولة
وكل البات قبل ما توافق على عريس تشغل عقلها و لا تنسى الاسخارة فما خاب من استخار

الله يكون فى عونها ... الطلاق فى احيان كثيره رحمه من الله لهذه البنت ... بنت فى عمر الزهور ليه تدفن شبابها مع رجل فى عمر والدها ... بسبب الفلوس اكيد ولا فى سبب آخر يعنى لو كان متقدم لها رجل كبير فى العمر وفقير وحتى لو اخلاقه طيبه ماكانت بترضى فيه ... لكن محد يلوم البنت لان عمرها صغير والمغريات كثيره .. والاهل الله يهديهم يبون يكشخون بزواج ابنتهم من هذا الرجل الغنى .. ونسوا ان الله هو المغنى ...
عموما مو كل بنت صغيره تتزوج رجل بعمر ابوها وتتمتع بحلاله من غير ماتدفع ضريبه سواء من عمرها او من كرامتها أو حتى من صحتها وشبابها .. ومو كل رجل غنى بالضروره يكون كريم .. كثير من اللى عندهم ثروه مايصرفون يبخلون حتى على نفسهم ...
وبالنسبه لكلام الناس ماراح يساعد هالبنت على استمرار حياتها مع رجل بعمر ابوها .. يعنى تتحمل وتتحمل بس علشان الناس ما يتكلمون ... وحتى لو تكلموا فالزواج قسمه ونصيب .. والطلاق كذلك

البنت صغيره وممكن انها تتزوج مره ثانيه لان الحياه امامها الحمدلله ... اصلا يحز فى خاطرك انك تتزوجين انسان بدل ما يكرمك يبدا يجرحك لمجرد انه اغنى من زوجته ... ويبدا يتحكم فيها .. وكأنها لعبه بيده ..
بروحها قابلته وهو سيبه .. فوق هذا شكاك وبخيل ... اصلا اكره صفه بالرجل البخل ..
اهم شى الاعتدال فى الزواج .. سواء بالتناسب العمرى او المستوى المادى اوالتعليمى او غيره .. اهم شى التناسب
بين الزوجين ...
عموما هى الان مو حامل .. بامكانها الطلاق حتى تخرج بأقل الخسائر .. وهذى ربما حكمه من الله حتى ما تتوهق معه وترتبط معه اكثر ماهى مرتبطه الان
خلوها تقرر والاهل خليهم معها .. لا يضغطون عليها خلوها تفكر وتستخير ربها ... والله يكتب اللى فيه الخير لها ..

انا اقوول احسن حل انها تتطلق طبعا لانه ايش الي يجبرها انها تعيش معاه مدام بخيل ويشك فيها وعجوز اكبر منها بكثير خليها تنفصل عنه الحين احسلها قبل لا تحمل منه وهنا ماراح تقدر تعيش حياتها زي الناس فنصيحتي لك ولها يااختي انها تتطلق وهي لسه في عز شبابها بيجيها عشره غيره والله يهدي الجميع انشالله وييسخرلها بواحد طيب يعوضها عن الي فات والي شافته