السلام عليكم ورحمة الله وبركاته

جزاكم الله اخواتي في تناول الموضوع وأفادتي...

الاخت...Ouch تسلمين على الرد..ظني البنات جزاهم الله خير متفاعلات فعلا مع المشاكل الزوجية...تبغين الصدق الزوج شي مهم في حياتنا ورضاه طريقنا ان شاء الله للجنة..بس انا خاطري اشوف موضوع في منتدى..يقول فيه الرجال...كيف ادلع زوجتي...شو البس لها؟ كيف ارضيها؟ يعني يكون اهتمامهم بالمثل كالمرأة في اهتمامها برضى زوجها

حاليا لا ما اساعد زوجي ابدا...والراتب جزء منه مديونيات ارجعها...والجزء الباقي لمساعدة اخواني على الزواج...يعني زوجي مايهمه الراتب لانه غير مستفيد منه ابدا.

الاخت...غربة وحدة...بارك الله فيج....طرحتي الموضوع بجميع اشكاله ووجهاته...قضيت في الخدمة تقريبا تسع سنوات ويبالي بعد ان شاء الله ست سنين عمل...بس بصراحة تعبت من المسافة...يعني لو احصل لي عمل قريب من مكان سكني بيكون فيه كلام ثاني...والشي الي يلح علي اكثر...شو بيصير لو صار لي حادث انا والسائق لوحدنا...يعني لو مت على خلوة مع رجل اجنبي...
زوجي بارك الله فيه ووسع عليه رزقه...متكفل بكل شي...حتى فواتير موبايلي يدفعه...يعني عنده ألتزام كامل معي...بس ما عندي مصروف معروف...متى ما احتجت شي طلبته وعطاني...بس قررت يزاج الله خير...اني اخذ اجازة بدون راتب اشوف كيف الوضع بيكون...وعلى الله الاتكال

كحيلة...كلامج فعلا صحيح...والله حتى عندنا الحريم الي في البيوت كل شي متوفر لهم...يعني حتى لبسهم أحلى...ولا وراها ألتزامات ولا غيره...واحس متفرغات لعيالهم بعد...بس مثلا يوم ارد من الدوام تعبانه ومعصبه ولا لي نفس ادرس عيالي إلا بتعب...وبعد يوميا انام من الساعة العاشرة مساء...وزوجي يوميا يجي يحصلني راقدة...إلا ما ندر اكون سهرانه إذا خميس او جمعة او إجازة

توته الحلوه...ويكتب لج الله ألي فيه خير وصلاح الدنيا والاخرة

بنوته...فعلا راتبي لي بس...الدوام فعلا شقا وتعب...بس فيه تغيير وشوفة ناس...وفيه ضغط طبعا...ان شاء الله آخذ إجازة واقرر بعدها

آلاء...ان شاء الله اسوي الي الله أيسره ...زوجي حيادي...ما يقول استقيلي ولا يقول اشتغلي...ساعات والله اتمنى انه يحلف علي اني استقيل عشان افرها في راسه

moobdah إن شاء الله بستخير والخيرة فيما يختاره الله

أم حبيبي...الوضع عندي لا يسمح اني أغير نوعية العمل او انتقل لمكان ثاني...ان شاء الله بستخير وعلى الله الاتكال

هوى العين...الله يرزقج عيال ويبارك فيهم...بالنسبة لي ما احس ان الوظيفة هي مستقبلي...مستقبلي في عيالي...وزوجي...ما افكر في سالفة ان يتزوج علي ولا لا...كله مكتوب لو تزوج ولا ما تزوج...بالنسبة للسواقة ما افكر ولا احب اسوق...وان شاء الله بستخير وبتوكل على الله...ومشكورة على المشاركة والافادة..بس سالفة اني اسوي لي مشروع بصراحة ما فكرت فيها...عطيني من افكارج ...لو استقلت بيطلع لي تقريبا 150 ألف...شو اسوي بهم؟

ريوف...يزاج الله خير وبارك الله فيج...هذا من طيب اصلج...بالنسبة للاطفال والله كلامج صحيح بعد البلاوى ألي نشوفها...محد يأمن على الشغالات...الله المستعان...الوظيفة حلوه وتطلعين وتشوفين ناس...وقعدة البيت اكيد احلى...تتفرغين لنفسج وعيالج...بس اكيد لكل شي سلبيات وايجابيات

خوخة المنفوخة...اكيد الافضل البيت...بس انا قلت اسأل واستفيد من تجارب الخوات الي مروا بنفس حالتي...أعتقد ان الشهادة هي ألي امان من نكبات الدهر وليس الوظيفة...بعدين زوجي الله يهديه ويصلحه ويتزوج عشر من حور الجنة...مشكورة على المشاركة وتسلمين

ليت الخوات الي عندهم خبرة...يعني اشتغلوا واستقالوا يفيدونا بارك الله فيهم

للرفع للافادة بارك الله فيكم

والله اتمنى الاخوات يفيدونا اكثر لاني مثلك افكر استقيل او حتى اشتري السنوات الباقيه لي على التقاعد واريح نفسي واقعد في البيت بس المشكله باقي لي على التقاعد تقريبا 9 سنوات يعني مب شوي واذا شريتهن كم بيبقى لي ؟؟؟ وهل اصلا اقدر اشتريهن ؟؟؟
المشكله تعودنا ان فلوسنا في جيبنا الوحده تروح اي مكان وتبغي اي شي تقدر تشتريه بدون ما تقول لزوجها عطني صح ابو العيال ماراح يقصر بس ساعات تعرفون الحريم يحبن يدفعن على شي هن يشوفنه مهم وضروري بس الرجال يشوفونه شي من التكلف والترف وماله داعي

تصدقين دخلتي الفكره في راسي اكثر واحب اقولك ترا ضروفي تقريبا مثلك بس انا ارتحت من السواق وقمت اسوق بروحي بس ساعات دوامي طويله وتكفيك قومت الصبح خصوصا اذا حامل وعندك يهال ومريضين ياللللللللللللللللللللللللله تعب الدنيا كله فيك

انا زوجي من فترة قالي استقيلي وانا مستعد اعطيك 6000 درهم كل شهر شرايكم ؟؟؟ بس اخاف يرد باكر في كلامه وكل شهر يقلص المبلغ مع العلم اني حاليا انا اصرف على نفسي وعيالي وخداماتي انا اعطيهن راتب بس هو بصراحه لما تازمت يوم انتقلنا للبيت الجديد يعني ساهمنا نص بنص لا وبعد هو تكفل بمصروفي ومصروف العيال وكل شي الشهرين اللي فاتو وبصراحه ما بخل علي بشي

اسمحي لي اختي دخلت موضوعك ولا فدتك بس انشاء الله البنات يفيدونا انا وانتي واللي تعرف شي عن قانون الخدمة المدنيه او قانون جامعة الامارات بالنسبه للتقاعد لا تبخل علينا

انا جربت الوظيفة والجلسة في البيت طبعا انا مورسمي مرة تجيني أستثنائي والرزق عالله المهم ياقلبي بعطيك حل قدمي اجازة من غير راتب وشوفي وضعك الشي الثاني روحي لمدرستك مع مجموعة من المعلمات وادفعي راتب للي تروحين معة حتى لو عندك سايق النقطة الثالثة المساعدة وظيفتها حلوة لاتحضير ولاوجع راس يعني شغلك بس في المدرسة
وذا باقي على تقاعدك شي قليل انتظري وانا بصراحة افضل انك ماتتركي وظيفتك الزمن غدار والحكمة تقوللللللللال الله معاك

انا من رايي البيت احسن ..
لاقوله تعالى (( وقرن في بيوتكن ))
ولا انصححك تروحين مع السائق لمى فيه من خلووووووه ..
وثانيأ ..
اعيالك حراااام تحطينهم في البيت واكككيد معاهم شغااله ..
ما تدرين وقت روحتك االحيوانه <<<< معليش تلفضت بها الالفااظ من كثر ما اشوف من فيديو كيف يضربون اعيال المسلمين ..
اكيد بتهاوش او تضرب اعيالك ..
البيت احسسسن وابرك .. ويجيك راتبك بارد مبرد .. لا تعب ولا شئ ..
الله يخليهم لنا رجاجيلنا ما قصروا علينا ..
ان طعتيني اقعدي في البيت ربي اعياااالك تربية زينه ..
هذا رائئي يا الغلا .