أختي ريوف...تسلمين والله على ذكر تجربة اختك...في الحقيقة عندي في ثنتين خوات...وحدة مية بالمية تنصحني بالاستقالة خصوصا ان زوجي الحمدلله راتبه فوق الممتاز...وحالته المادية الحمدلله والشكر والمتكفل بكل شي يخصني ويخص العيال...خصوصا انها كانت معلمة وبعدين تقاعدت...فهي مرت بالتجربة...بس طبعا هي عندها راتب التقاعد يعني فيه اختلاف بسيط من الناحية المادية...اما اختي الثانية...فهي معلمة...وساعات تفكر تستقيل مثلي...بس تقول لا أحب الفلوس وما اقدر اتخلى عن راتبي...طبعا مثل ما قلتي وقالوا الاخوات...كل انسان حسب ظروفه وحالته

اختي غرشوب رعبوب...والله ليت حد يفيدنا بالنسبة للتقاعدة ومشتراته...انا لي في الخدمة تسع سنوات...وان كان فعلا طبقوا نظام عشرين سنة للتقاعد يعني يبقالي أحد عشر سنة للتقاعد...اكثر من سنوات الخدمة الحالية...اما النظام القديم ابو خمسة عشر سنة للتقاعد يعني يبالي بعد ست سنين للتقاعد...ما اعرف اي نظام ماشيين عليه حاليا...ومثل ما قلتي ياليت حد يقدر يفيدنا...

صدق الرجال ساعات يشوف انج تشترين اشياء يعتبرها كماليات وانتي تبينها لأي سبب...يعني غير الي عندها فلوس في يدها محد يقول لها ليش وبكم ...

اختي مد وجزر...كل يوم والله ومع خبرة البنات سواء هنا في عالم حواء ولا في الحياة حوالي...يزيد اصراري اني استقيل...ومثل ما قلتي اربي عيالي وأعين خير...واترك الطمع في الراتب...من يومين شفت وحده من الاهل...كانت تشتغل وتركت العمل ويلست في بيتها...والله تقول نفس الكلام ألي ذكرتيه...والاحساس بتأنيب الضمير والركضة وسباق مع الزمن والله صحيح...بعدين في الآخر شو...بموت والله بيسألني عن خلوتي مع السائق الى الدوام وبيسألني عن اهمالي في زوجي وعيالي....بستخير والاتكال على الله ..

اختي دانه...والله كلامك صحيح...الله يخلي لنا ازواجنا...ما يقصرون...وانا في الموضوع كله متعبني الخلوة مع السائق نصف ساعة ذهاب ونصف ساعة عودة يوميا...يزاج الله خير على الشور والنصيحة...وان شاء الله قريب ببشركم بأستقالتي...

ليت الاخوات يذكرون تجاربهم الله المستعان على سواء السبيل

شوفي حبيبتي خذي اجازه سنه او ست شهور بدون راتب وجربي حيااتك حرام تستقيلين مره وحده وبكره ممكن تندمين

انا بالنسبه لي اشتغلت في بنك وكان راتبي مرررررررررره كبير والبنك قريب جنب بيتي عشر دقايق او اقل والستف كان رووعه بس ماقدرت اكمل يعني بيتي اريح لي وكنت احس ان ولدي محروم مني كان عمره 3 سنوات يعني اطلع الصباح ارجع الظهر وحده وارجع مره ثانيه للشغل العصر الساعه اربع وارجع لبيتي على الساعه 7 ونص وبكذا قدمت استقالتي وجلست في بيتي ومرتاحه والحمد لله مانقصني شي بالعكس حسيت براحه نفسيه لان الحمد لله زوجي الله مغنيه وماني بحاجه للوظيفه