السلام عليكم ورحمة الله وبركاته
شحوم الذراعين .. هي من أصعب الشحوم في ازالتها وقت الرجيم ..:mad:
وانا جسمي من النوع التفاحه يعني الشحوم تكون مرتكزه في الجزء الأعلى من جسمي الي هو البطن والذراع ..
المهم وللأن افتكر افضل نادي سجلت فيه بحياااااتي كلها ..
بس يافرحه ماتمت .. لما جيت اسجل فيه اللحين لقيت انو اتقفل خساره لأنو صاحبته وسعت المكان وحولته كوفيرا :mad:
المهم ...
كانت المدربة فلبينيه .. صااااااارمه ، وماتترك الوحده وقت التمرين إلا بعد ماتشوفها تصب عرق (اعذروني ع الجمله لكن ده اقرب وصف )
وكانت كل اسبوع تقيس الوزن لكل وحده + بشريط قياس تقيس ذراعي وخصري وكله ..
المهم ..ففي أول اسبوع كانت تشوفني وانا فاضيه تقولي لاتجلسي اعملي تمارين بالثقالات ليدك ..
فكنت انزل تحت واتهرب منها :D
ولما مرت اسبوع قاست وزني وطبعا نزلت ، وقاست بالشريط خصري وفخذي وكللله نحـــف ..
ومع اني كنت امشي ساااعه ع اله السير وبسرعه ولمده ساعه وكنت احرق خلالها 500 سعره والله ..
ومع التمارين القوويه حقتها والي جد نحفت جسمي ..
لكن صدمت لما قالت لي كل جسمك نزل الا ذرااااااااااااااااااااعك :icon33:
لانو احنا كل يوم تمرين مختلف عن الي قبله والتمارين الي خاصه باليد نعملها مره بالاسبوع ..
المووهم
فقالت لي :- ده لانك ماتسمعي كلامي ودي ذراعك ماتروح شحومها الا بالثقالاااااات (الدامبلزز)
فمسكتني ع جمب وعلمتني تمارين للذراع بالثقالات ، وصرت يوميااا بعد ما انتهي من المشي والتمارين اعمل دي الرياضات بس بأمانه مش اي كلام ولمده نص ساااعه وكل تمرين 30 مره ..
والحمدلله بعد اسبوع قاست لي بالشريط ونقصت درجه :27: ..
ودي معلومات عنه ... وهي بنفسها قالت لي هي ..
كثير من الحريم يخافو من الدامبلز ويحسبو انه يطلع للوحده عضلات !!
لكن ده الشئ خاطئ ..
فدام ثقل الثقاله كيلوين او كيلو ونص فما حيطلع عضلات ..
وكمان لما تنعمل التمرين بيها لاااااازم بحركه سريعه ، مش بطئ ..
لانو الحركه البطيئه هو الي يكون العضلات ... فلو عملتي التمرين سررررريع بيه ، فحيحرق الدهوون وتلاقي نفسك تعرقي بشده ..
فالي تستمر بالدامبلز وبسرعه تنحف ذراعها وحتنشد وحتختفي الشحوم منها .,,
وبالنسبه للتمارين المفيده للذراع باثقالات فأتمنى تعملو بحث عنها لانو يبغالها مشاهده اكتر من شرح لها ...
..
وبسسس
حبيت افيدكم بتجربتي والله ينحفنا بالسلامه كلنا يارب ..
بس انا مااقدر اجيب الثقالات دي يصير اسوي بعلبة المويا وهيا مليانة ولا ماينفع
لاني لي يومين اسوي فيها واتابع التمارين من النت