miss-nono @miss_nono_2

عضوة نشيطة

من تختارون ابوك ام زوجك؟؟ استفتاء عن مشكله

مرحبا ياقمورات
راح احكي لكم سالفة لوحده قريبه مني وابي رأيكم بالموضوع

هذي بنت تخرجت من الثانوية وتزوجت واهلها كانت حالتهم المادية ضعيفة وكانت هي الكبيرة بين اخوانها وخواتها

بعد ماتزوجت كملت دراستها الجامعية والحمدلله تخرجت بمعدل ممتاز وكل الفضل لله ثم لزوجها الي وقف جنبها

وطبعا بفضل دعوات اهلها لها بالتوفيق ..

المهم

بعد كم سنه البنت توظفت وكان راتبها زين

فإقترح زوجها انها تقدم على طلب قرض عشان يضيفها على القرض الي هو طلبه

ويشترون بيت العمر..

البنت قدمت على قرض ولما جاها قالت لزوجها ان هالقرض راح تعطيه لأبوها

ملاحظه: اهل البنت مثل ماقلت حالتهم المادية ضعيفة وعايشين في بيت اجار وابوها متقاعد وكبير بالسن ويادوب يقدر يدفع اجآر الشقة واخوانها واخواتها محد منهم موظف كلهم اصغر منها..

الزوج عصب وزرعل وقال حنا اولى .. وانا ماوقفت معك بدراستك الا عشان تتوظفين وتساعديني ببيت العمر

البنت اصرت على رايها وقالت ان اهلها اولى لأنهم هم الي ربوها وتعبو عليها

كبرت المشكله بينهم لدرجه ان الزوج هدد بالطلاق واتهمها انها عنيده ولاتسمع شوره

هي الحين عندها ثلاث اطفال لكن جالسه في بيت اهلها من بعد المشكله وزوجها مصر على كلامه وهي مصره على كلامها..

الأب زعل وقال لبنته انه مايبي شي ويبيها ترجع لبيتها وتعطي المبلغ لزوجها لكنها رفضت

وقالت ان ابوها اولى حتى لو طلقها زوجها ماراح تغير رايها..

وش رايكم فيها؟؟
وهل التصرف الي قامت فيه صحيح ام انها غلطانه؟؟؟

يلزم عليك تسجيل الدخول أولًا لكتابة تعليق.

تسجيل دخول

الــغــيــد • 14 سنة

انا معها اذا اهلي في حاجه افديهم عيوني حتي واساعدهم مدام عارفه زوجي مو محتاج وهو المفروض ما يدخل في شي يخصني

وصراحه هي مي مسؤله عن بيت العمر هذا الشي على الرجال هو اللي يوفره >>>>وبيني وبينك رجال هالوقت ما ينضمنوووون

مثل العسل • 14 سنة

بصراحه ابوي مهما كان ومهما صار ما افضل ولد الناس على ابوي حتى لو كان فيها طلاقي بقوله اللي مافيه خير لاهله مافيه خير للناس.. هو تعب ماقلنا شي لكن اهلي احوج لي منه والبيت لو الله كاتبه لهم بيجي لهم... والمفروض تجيه بالمسايس وتبين له كم حاجة اهلها وان حاجة اهلي اهم من حااجتي

حوااء-22 • 14 سنة

والنعم والله فيها .. اهلي ساعدوني وماطلبوا مني غير اكون سعيده ومرتاحه .. وهو ساعدني عشان ينتفع من ورايا ..!!
اهلي ثم اهلي ثم اهلي

طيوووفه الحلوووه • 14 سنة

الرجل بداله رجل
والاهل مالهم بدل
>> حكمة توي اخترعتها ههههههه :)

لا والله اوقف مع ابوي وارحم شيبته مثل مارحمني وانا قطعة لحم صغيرة بين يديه
ابوي صرف علي دراسة العمر كله
وزوجي صرف كم سنة سنتين
استحاااااااااااالة اشوف ابوي وامي بحاجتي والتفت لزوجي
زوجي شباب لحم وشحم ويقدر يسنع نفسه والحياة قدامه
اما ابوي الله يعطيه طولة العمر ويجعل يومنا قبل يومه روحي له
ولو خسرت الدنيا انا اكبر كسبانة بشوفة عيون ابوي الله يخليه ويطول بعمره يحفظه :)

ماتهاب اللي ما يها • 14 سنة

الــغــيــد :

انا معها اذا اهلي في حاجه افديهم عيوني حتي واساعدهم مدام عارفه زوجي مو محتاج وهو المفروض ما يدخل في شي يخصني وصراحه هي مي مسؤله عن بيت العمر هذا الشي على الرجال هو اللي يوفره >>>>وبيني وبينك رجال هالوقت ما ينضمنوووون

انا معها اذا اهلي في حاجه افديهم عيوني حتي واساعدهم مدام عارفه زوجي مو محتاج وهو المفروض ما يدخل...

معاها حق 100% ، اللي ما له خير في أهله ماله خير في الناس و إذا زوجي يبي يطلقني عشان ساعدت أهلي يطلق، وخذي مني هذي القصة اللي تأيد موقفها:
القصة هذي حدثت في عهد الحجاج بن يوسف الثقفي، الحجاج خاض معركة وأسر فيها عدد من الرجال، جاته إمرأة كان الحجاج أسر زوجها و ولدها و أخوها في هذي المعركة، طلبت من الحجاج إنه يطلق سراحهم، الحجاج رحمها و أشفق عليها، لكن قوته وهيبته قدام الناس وخوفهم منه منعته ينكسر قدامها ويطلق سراحهم كلهم، فقال لها: اختاري واحد بس منهم أطلعه!! هنا موقف صعب كل واحد أغلى من الثاني واحتارت من تختار فيهم، فكرت وفكرت وطلعت بهذي النتيجة، قالت: الزوج موجود ( يعني لو مات زوجها هذا بتتزوج بداله)، والولد مولود (يعني لو مات ولدها هذا بتجيب بداله)، أما الأخ فمفقود ( يعني لو مات أخوها من يجيب لها بداله) أختار الأخ ،الحجاج أعجب برجاحة عقلها و أطلق صراحهم كلهم00
أنا لو مكانها بدون أي تفكير بختار أبوي، وإذا طلقني وراح الله يعوضني بمن هو أخير منه00