شوفو خواتي

انا البنت الوحيده بين ولدين

واشوف المتزوجات والمسؤليات اللي عليهم واقول الحمد لله وش اللي حادني على الزواج

لاحقه على الهم والغم ابي اتمتع بحياتي

وكنت مبسوطه لكن نظرات الناس ماترحم

ومات خالي وكان قلبي متعلق فيه بشكل جنوني وكانت هذي اول صدمة قوية بحياتي

كنت اظن الموت بعيد عنا

بعدها تغيرت نظرتي للدنيا

في البداية التزمت بالنوافل بعد الصلوات

بعدين الضحى والوتر

بعدين اذكار الصبلح والمساء

بعدين بقية الاذكار وقيام الليل

وكان المسجل على طول شغال على محاضرات دينية

وزاد بري بأمي وهي لاحظت تغييري

وكنت اجلس مع اهلي واسولف واذا شفتهم يتابعون التلفزيون رحت اذاكر واشغل عندي محاضرة

بلغت ذروة السعاده في الطاعه وهذي مرحلة من حياتي ما أنساها

كانت الدنيا كلها ما تسوى شي

لكن اتمنى شي في داخلي والاقيه تحقق بدون ما اطلب

فكنت استحقر نفسي اني ادعي بامور دنيوية

وكان اذا تعسر علي شي من الدنيا والدراسة ما اشيل همه وينفرج من عند الكريم

واستمريت سنه من احلى سنين عمري

يمكن اكثر ما ادري

بس تدرون وش اللي قضى علي

الخوف من الرياء

كنت احاسب نفسي بشده على الاوقات اللي يشوفوني الناس فيها

ومن هنا دخل ابليس وقلب حياتي

ولحد الآن وانا احاول ارجع زي اول وما أقدر

يوووووه خذتني السوالف

في ذيك المرحلة كنت ادعي ربي بالزوج الصالح

والحمد لله

وفيه بعد بنت عمتي كان ابوها يحبها مره ومازوجها

وكبرت البنت وصاروا يجونها متزوجين

فصارت هي اللي ترفض وتقول والله ماأدخل على مره

في بيت ابوي معززة ومكرمه

بعدين مات ابوها واستمرت ترفض

وكان الكل يدعي لها

وسبحان الله جاها زوج ماتت زوجته في حادث وعنده بنت واللحين حامل

فأسال الكريم ان يزوجكم بالازواج الصالحين يا الله يا قريب ياسميع الدعاء

المزيد

عنودان .... RS1407 .......أم فيصل ... آمين الله يسمع منا جميعاً و جزاكم الله خيرا لمروركم

الله يرزقنا واياكن الازواج الصالحين ياااارب :)

الحلوه ... سارونا .... ساره ... آمين اللهم أستجيب لنا جميعاً
جارة القمر الله يجزاك خيرا على الدعاء الجميل
الوان .... من سألني .... مليون ... ربنا يسمع منا جميعاً و يرزقنا بخيرة الأزواج و الذريه
ام عبدالعزيز أشكرك من كل قلبي لكلامك و أهنئك على طاعتك و يقينك بالله عز وجل