هو حبيبي وآنا له صدرٍ حنون
يحتويني حب وآنا له دفا

ساكنٍ مابين قلبي والعيون
والضلوع تحن له شوق ووفا

محتويني والعرب لو يعذلون
ما سمع مني ولا كلمة جفا

ايه احبه موت ولحد الجنون
ما سلاه القلب لو جفني غفا

انت القمر والشمس. ونجوم دنياي
وانت. الفرح لا فتح... الحزن. بابه

وانت العمر ماضيه واللي بعد جاي
تمطر علﯽ قلب... المعنا. سحابه

يفداك عمري والاهل وكل دنياي
ويفداك كل الناس حتﯽ ..القرابه

هذي الابيات كتبتها على لسان وحده من صديقاتي بناء على طلبها

قال ابدويه قلت ما بالبدو عيب
يكفي فخر لو قلت لك شمريه


افعال ربعي بالحميا وبالطيب
تشهد لها حائل ونجد الابيه


فينا الكرم منا ترا معشي الذيب
وابحث وشوف السيره الحاتميه


والشمري من صغر سنه الى الشيب
رجال مايمشي ··· الدروب الرديه


إيه بدويه والبدو مابهم عيب
وكلي فخر في لهجتي الحائليه

حتى تعيش العمر وتكون مرتاح
لاتبحث عيوب ولاتدور خطايا

العمر واحد عيشه بحب وافراح
خل الحقيقه واضحه كالمرايا

والشك لو يدخل ترى حبنا راح
وحتى الغلا ماعادله من بقايا

تكثر سكاكين الجمل كل ماطاح
وحتى الضعيف تجي عزومه قوايا

هالجرح لامن صاح ومكنونها باح
وطلعت بالدمعات كل الخفايا

حتى صديقك والعدو كلهم راح
لاحد أخذ حزنك ولامن عطايا

ماهو دليل الفشل ··· يومن تفارقنا
كم من علاقات راحت والسبب تافه

يمكن معا غيركم ··· الله يوفقنا
ونفتح كتاب الهوا ···ونلون غلافه

وانته عسى الله باخبارك يفرحنا
ويقولوا تولع ولكن · صاحبه عافه

وتدور علﯽ درب يمكن فيك يجمعنا
وتبحث عناويننا. وتدور اوصافه

وتسال مع الناس يمكن حد يعرفنا
وتقول لي غاليا ياناس · من شافه

وارد لك بالبطا. حنا. تباعدنا
واللي تأخر قطار الحب قد طافه