من تعرف تسوي جريش؟؟؟؟؟؟؟؟؟؟؟؟

رفع لعيونك انا اعرف اسويه بس مو لدرجة انه اكون خبيرة فيه

تسلم عيوووووووووووووووووووووووووونك:26:

شوفي جبت لك طريقتي وهي طبعا طريقة امي جريشها جنان ومافي مثله وامي تضبطه اكثر

وايضا زوجات عمي وعماتي و وحده من خالاتي وغير هذول مايعجبني جريش ثاني

فيه طريقتين لاثالث لهم


خذي جريش تركي مثلا مدين يعني باديتين ,, غسلي الجريش زين وخليه ينقع نصف ساعه او ربع عادي مو مشكله

قطعي بصل كثير يعني تقريبا 3 بصلات قطعيهم صغار وحطيهم بقدر مع ملعقتين كبار او ثلاث سمن بلدي (طبعا نحن عندنا ناس يسوون السمنه هذي من حليب البقر) اذا ماعندك حطي زبده نصف اصبع وحطي كمون ملعقتين صغار

خلي البصل شوي يتكشن وقبل يحمر البصل حطي عليه اللبن جالون مع ماء عادي مو بارد يكون بحرارة الجو وخليهم على نار هاديه قبل يفور بشوي كبي الجريش عليه وحطي ملح حسب الغبه ويفضل تذوقيه حتى يصل للملوحه المطلوبه (يفضل يكون اللبن طازج يعني عندكم احد عنده بقر ويحلبون ن عنده ويصفونه ويزينونه)
فيه ناس يبيعون اسألوا

لأن اللبن الطازج تكون فيه حموضه طبيعيه ويكون طعم الجريش فيه غير واطعم تحسين كأن جريش الاولين لين وفيه شوية حموضه طبيعيه وطعم مو زي طعم جريش الحين


لأن اللبن المبستر مثل لمراعي والصافي ونادك يكون معه بودره وموادحافظه تفقد اللبن طعمه الرئيسي

انا ما احب اللبن كله وخاصه لبن البقر الطازج مررهما احبه لكن في الجريش غيررر مره يكون حلو ماشا ءالله


فالسر في اثنين (سمنة البقر البلدي + لبن البقر الطازج من البيوت او مزارع)


وفيه طريقه ثانيه

تحطين البصل والسمنه وتشبين النار وتكشنينهم شوي ثم تحطين الجريش والملح وتحركينه شوي وتكبين الماء عليه تهدين النار عليه وتخلينه نصف ساعه وتفتحين القدر بعدها تحطين اللبن الطازج وتساوين الكميه

كل الطريقتين صحيحه اهم شيء تسوية كمية اللبن والماء على اساس مايكون الجريش رخو مررره او غليظ مرره


نسيت ترى الجريش يحتاج وقت طويل عشان يكون افضل فيه ناس يقولون ساعتين تكفي لا هو صح يستوي لكن مايكون بالمستوى المطلوب يكفيه تقريبا من 4 الى 5 ساعات وتخلينه على نار هاديه او تطين القدر فو ق حديدة على نار هاديه
وبالهناء

عزيزتي المشكله ماعندنا بقر ولا اعرف احد يجيب حليب بقر عشان كذا بستخدم الصافي

طيب وش نوع السمن اللي نحطه عليه عقب ما نخلص؟

مشكوره حبيبتي لللإفاده

طريقتي بالجريش انا عادي استخدم اي نوع وافضل القصيم
افرم بصلتين بالفرامه واحمسها بودك ( شحم غنم مذوب ) او سمن بري حق غنم ،،،،، الين يصير البصل اصفر مو بني واحط مويه ولبن بدرجه حراره الغرفه وملح وشوي اجي (ماجي ابيض ) وبعدين احط الجريش ويصير منقوع بمويه حاره نص ساعه ومعاه كوب صغير رز مصري واقصر النار واخليه ساعتين وافتح القدر واحط فلفل بارد علشان النكهه مقسومه نصين

وبس بالعافيه

احنا نحط سمن بري على الوجه ومسمنه اللي هي ( قرفه مطحونه وليمون اسود مطحون وشوي بزار ) مع كشنه بصل للزينه