من تعرف علاج شافي للالتهابات والافرازات والهواء الله يوفقكم

السلام عليكم ورحمة الله وبركاته
اخواتي انا من فترة طويلة متعبتني حيل افرازات كثيرة تنزل بدون لون ولا رائحة ولا حكة
احيانا اعزكم الله تكون سايلة واحيانا شفافة واحيانا بيضاء واحيانا مثل الماي وفيه اصوات تطلع من المهبل اكرمكم الله وقت السجود للصلاة او الجلوس
وفيه هواء مع اني اهتم بنفسي لكن مارضت تختفي وتوني مجهضة من شهر ونص ربي يعوض علي بالذرية الصالحة
واحيانا تكتل مثل المناديل المبلولة في المهبل واحيانا تكون مطاطية لدرجة ماتخرج من المهبل الا بصعوبة
تعبت منها وربي وجربت كل تحاميل جينوميكوزال ودكتارين ومرة وملح وغسول سيباميد ولاراحت واحيانا يطيح مثل الكيس الشفاف الصغير
ودكاترة هالوقت بس اسم الله يعطينا خيرهم بعضهم يقولون التهابات وبعضهم يقولون لا الالتهابات لازم معها حكة ورائحة اعزكم الله
وبعضهم ماتكشف اصلا تقول خذيها قاعدة لو التهابات بتجي معها حكة وريحة وقلت يمكن قرحة لاسمح الله وتعبت من مراجعات المستشفيات
وقبل اسبوع كنت عند الصيدلية اخذ تحاميل قال لي اللي معاك التهابات فطرية خذي لها هالنوع
نسيت اسمه يجي تحميلة وحدة في علبة تنوخذ مرة بالاسبوع كورس ثلاث اسابيع
وقلت اسأل عنها اول الدكاترة وقلت اكتب الموضوع يمكن ربي يسخر لي احد منكم يساعدني بعلاج لهالالتهابات او الافرازات
مع اني مرخت ونفس كل مرة تقول معاك نزول بالارحام وواعتقد مو صحيح لكن اجتهادات المراخات
معاي الآم اسفل الظهر وناحية الارحام واغلب يومي اقضيه واقفة اشتغل كثير الله يفرجها ويشفيني
وعندي ثلاث اجهاضات متفرقة اخرها قبل شهر ونص الله يعوض علي بالحمل بالولد السليم المعافى آمين يارب ويرزق كل من قالت آمين ودعت لي بما تتمنى