عادي ينفع حطي وحده بطول والثانيه بالعرض والحشوه في الوسط الحشوه ثلاث بيضات مخفوقه مع شوي ملح ونقطة خل ربع حزمة بقدونس حبتين بصل اخضر مفروم اربع اعواد كراث مفرومه اي شي ماتحبينه من الخضره استبعديه حبة طماطم مقطعه صغار العصاج افرمي بصله وأحمسيها على النار مع شوي زيت اول ماالبصل يذبل حطي لحمه مفرومه وماتكون الكميه كبيره اذا تستخدمين المثلجه ربعها وحركيها بسرعه الين تروح مويتها حطي ملح و بهارات وفلفل اسود وكمون وكزبره وطفي عليها النار وخليها تبرد في باديه واسعه حطي البيض المخفوق وبهارات وكمون وكزبره وفلفل اسود والخضار الي قطعتيها واللحم المفروم المعصج وحركيها مع بعض خذي مقدار ملعقه وحطيها في ورق السمبوسه بعد ماتسوينه زي علامة الزائد حطي الحشوه في الوسط وجيبي اول شي أطراف العرض اسفطي وحده بعدين اسفطي الثانيه بعدين الطول نفس الشي وكرري على كل الحبات الين تخلصين حمي القلايه او صاج وحطي الحبات وخلي النار هاديه تحتها عشان يستوي البيض واذا تحمر اقلبيه الجهه الثانيه اذا استوى جمعيه في صحن وقطعيه أنصاف وجهزي الليمون مقطعته ارباع حطي الليمون المقطع كامل معه وحطي قرنين فلفل اخضر كامل وغطيه بقصدير وبس بالعافيه عليكم