من حامل وعندها أرق وماتنام زين تدخل الله يفرج همها

يابنات انا متأخره في الحمل والحمدالله ربي رزقني ماشاء الله لكن فرحتي انقلبت نكد كنت طبيعيه الشهور الأولى ومن يوم دخلت الشهر الرابع جاني ارق فضيع نومي متقطع يمكن انام خمس دقايق او عشر دقايق وصحى ومستحيل ارجع انام وجلس على هالحاله ثم ارجع ونام عشر دقايق واصحى وهكذا نومي متقطع مو متواصل يعني لو بحسب هالغفوات هذي الي انامها يمكن تجي ساعه فقط او ساعتين وسبحان الله هالساعتين ماتنفعني لاني مانمتها نومه متواصله متقطعه يمكن بينها ساعات وربي تعبانه المشكله اذا صار وضعي كذا اضيق ودي ابكي وصرت اكره الفراش اول ماحط راسي على المخده تجيني ضيقه كاتمه على صدري علشان عارفه وضعي مع النوم
لانمت وانا ضايقه من وضعي سبحان الله لاغفيت عشر دقايق قمت مفزوعه وقلبي يدق مارتاح لاحد ماقوم من فراشي
وش الحل يابنات انا محافظه على اذكاري
واذا جيت انام اقراء اذكار النوم واقراء كم صفحه من سورة البقره واقراء سوره يس وسورة الملك واجلس اردد دعاء الأرق غارت النجوم ...... الى اخره واتدهن بزيت مقري فيه وماء زمام بس يابنات تعبت ماتعدل نومي
وماشرب منبهات غير العصر يمكن فنجال قهوه او اثنين فقط وانا مانام غير اذا صليت الفجر بس اجلس عذاب مع النوم
يابنات مافيه علاج حبوب ماتضر الحمل
مثل بندول. نايت او ادول نايت
فيه وحده تقول الدكتور صرف لها ادول نايت عادي مدري خايفه
والمشكله ماعندي موعد قريب علشان اسأل الدكتوره تعبت ابغى انام ورتاح
عطوني حل الله يجزاكم الجنه
وش سويتواا مع الأرق ياحوامل لاني طول اليوم متضايقه وحزينه مدري هو من قل النوم جاني حزن المهم احس تعبانه ابغى ارتاح وأنام وش الحل