حبي دودو

حبي دودو @hby_dodo

عضوة فعالة

من خلال تجربتك ....... نصائحك لاخواتك الحوائيات ..... في الحمل والولاده والنفاس

الحمل والإنجاب

:27:
السلام عليكم ورحمة الله وبركاته
كيفكم خواتي بنات حواء

الحمد لله ربي رزقني احلى بنوته:04:
وكنت سابقا خلال فترة حملي داااائما موجوده بهذا القسم اللي استفدت منه كثييييير جزاكم الله عنا كل خير
ومن باب رد الجميل حبيت اطرح هذا الموضوع وارجو من الجميع التفاعل لإثراء الموضوع >> قويه الكلمه صح خخخ
كل وحده مرة بتجربة الحمل والولاده تدخل تفيد وتستفيد
وتطرح نصائحها من خلال تجربتها الشخصيه بشكل مختصر ومنظم

:39:
مالكم بالطويله

خلال فترة حملي :


- اشتريت علب حليب السعوديه ووزعتها بكل مكان بالثلاجه ع التسريحه عند التلفزيون
عشان ما انسى " ع الاقل يوميا 3 علب "

- مع الوحام اذا كرهتي الاكل عليك بالفواكه والخضار تخفف الوحام ومفيده جدا ..

- نوعية اكلك في الحمل تساعد في تنميت ذكاء طفلك " تذكري طفلك داخلك اماااانه " احرصي ع المفيد في الاكل
دائما قبل الحرص ع الكميه عشان ما يزيد وزنك كثير ولا تطلع عينك اذا جيتي بتسوين رجيم بعدين ..

- انتظمي ع حبوب الحديد يوميا والكالسيوم وباذن الله ما تعرفين فقر الدم في الحمل بالنسبه لي استخدمت
حبوب فرومين احسن من فروز احسها تجيب الامساك الله يكرمكم ..

- انتبهي من الامساك اخر الحمل عشان تتجنبين البواسير الله يكرمكم ... لذلك قد ما تقدرين طول اليوم ع الرايحه
والجايه كاسة مويه كاسة عصير ..والخضراااوات الورقيه ..

- اخر الحمل اعتمدت عالمشي فقط بالاضافه ل " كثر الدق يفك اللحام ":35: والشاطره تفهم ...:hahaha:
واجتنبت القرفه والخروع والخرابيط والحمد لله تسهلت




خلال الولاده:


- خلي ورقة الادعيه معك من يوم تطلعين من البيت ..

- لا تستعجلين بروحة المستشفى هذي غلطتي عشان كذا جلست عندهم 12 ساعه وطلعت روحي من الطفش
والخوف قبل الولاده ولاني رحت بدري وطفشو مني ماني راضيه اولد اعطوني طلق صناعي ..:44:

- من خلال تجربتي خلى اكثر شخص تحبينه مرافقك في الولاده انا اخترت زوجي:27: لانك نفسيتك ترتاح ..بوجود اقرب الناس لك ..

- مهممممممممممممممممم لاتدفعين باي وقت ادفعي بس وقت الطلق عشان ما تجيك بواسير مع الحماس :hahaha:

- مهممممممممممممممممم لازم تتدربي من قبل ع حركة الدفع اختكم مررره متحمسه كنت لما ادفع ارفع راسي
ورقبتي وصدري وهذا غلط يرجع البيبي جوه الصح انك ترفعين راسك ورقبتك و كتفك و صدرك مثبت ع السرير ..

- مهممممممممممممممممم تتعلمي طريقة التنفس من قبل ..

- لا تضيعين فرصة الولادة في التأوه والتفكير في الالم استغليها بادعاء وحطي في راسك كم دعوه حلوه لانك وقتها بتنسين ..

- احرصي ترضعين طفلك خلال اول خمس ساعات من الولاده ..:04:



خلال فترة النفاس :

- انحولت عيوني وانا ابحث وادور في النت عن احسن مستشفى واحسن دكتوره وافضل خياطه وووو ... والله الموضوع
في النها يه كلها تساهيل من رب العالمين .. انا ولدت في الحبيب وزحمه ولا احد قدي .. بعد ما ولدت رحت لدكتوره
ثانيه عشان اسالها اذا انفكت الخياطه وقالت لي اش هذي الخياطه الله يقرفهم انا خلاص فيني الصيحه :06: من جد
اخذت عفلي اختكم بكريه ولا ادري عن شي قلت اكيد اني صرت من تحت خريطه وجاني اكتئاب ع ما عندي وقلت
باصبر الين يجيني ابو الشباب وباعرف من ردة فعله كيف والاوضاع ... والنتيجه يااارب لك الحمد ... ما يحتاج اقول ..
هذا يدلك ان تقيم الدكاتره نفسهم لشكل الخياطه وجودتها مختلف عندهم .. اطلبي الله التيسير وتوكلي عليه .. ولا يهمك افضل مستشفى والا افضل دكتوره
..

- خلال نفاسي بصراحه سفوف وما سفوف ما نعرفها اللي سويته بالضبط بس اجتنبت الممنوعات وومشروبات النفاس اللي الكل يعرفها قرفه وقشر واكل دافي وتمر معجون مع زبده ورشاد وحبه سوداء فقط ..

- تمارين كيجل سر من ذهب لمن طبقتها .....

- اجتنبي اكتئاب النفاس بالترويح عن النفس ... شوفي وش يوسع خاطرك وسويه بس لا تتهورين






طولت عليكم "هذا وانا قايلتن بإ ختصار كيف لو اني ما بأختصر خخخخخخ: "

ارجو من الجميع التفاعل واحتسبي اجرها عند الله

دعواتكم لبنت بالصلاح ولي بالتوفيق
28
2K

يلزم عليك تسجيل الدخول أولًا لكتابة تعليق.

تسجيل دخول

حبي دودو
حبي دودو
:mad:

الله يعطيني العافيه
رنيم العذارى
رنيم العذارى
يعطيك العافيه
حبي دودو
حبي دودو
رنيم مشكوره لمرورك
aoao8
aoao8
الله يجزاك خير
((قصيده حب))
((قصيده حب))
يعطيك العافيه ياقمر ونصايح من ذهب خصوصا لنا يالبكريات :(
الله يخلي لك بنوتك بس ممكن سؤال
وقت الدفع كيف الطريقه بالضبط ارفع بس رأسي ورقبتي؟مافهمت لهذي الجزئيه
وتسلم يمناك