وربي دمعت عيوني لك ,, عسى ربي يسهل أمرك وأمري وأمور المسلمين ..
عزيزتي .. المحاكم دوخه والله يعينك , ولكن إنتي مش قضية بمعنى قضيه إنتي موضوعك هين بإذن الله , وإن شاءالله يقتنع الشيخ ومن أول جلسة يخلصك , وأتوقع لو بيكون فيه تطويل فبيكون جلسه بعدها , عموماً أنتي عليك من النتيجه أكثر من الوقت .
غالباً يكون الفاصل شهر بين جلسه وآخرى , وبين تسليمك لصحيفة الدعوى وموعدك للشيخ غالباً يكون شهر .
أنتي لما تتحدد لك موعد الجلسة روحي ومعك أوارقك الرسمية , بطاقتك الأحوال أو دفتر العيله , المهر معاك , ومحرم
وبالنسبة لحضوره أنتي غير مسؤله عنه بشيء , كل ماعليك فقط تعبئة بياناته للمحكمة (أسمه رباعياً + رقم جواله + رقم بيتهم مثلاً أو رقم العمل + ترسمي كروكي لجهة العمل وعنوان البيت) << أي تفاصيل تسهل إن المحكمه توصل له يفضل تذكريها .
الشيخ يمهله ثلاث جلسات إذا مايحضر يحطوا أسمه في البلاك لست (بعدها مايقدر يروح يمين أو شمال) يعني أي مكان يروح له راح يصيدوه ويجيبوه مخفور , بمعنى لو راح مثلاً لرخصه أو الأحوال أو بيسافر أو مثلاً كان فيه تفتيش ومر عليه ..... << يعني مصيود مصيود .
ومثل ماقلت لك أهم شي أكتبي كل شي للشيخ بورق خارجي وبخط واضح (يفضل كمبيوتر) وسلميه للشيخ قبل الجلسه بكم يوم أو للموظف حق صحايف الدعوى وقولي له هذا ورق مرفق مع القضيه .
غالباً الشيوخ مايحبوا الكلام الكثير أو التعاطي مع المرأة والدخول في دهاليز وتضييع الوقت لذلك ثقي ثقه تامه إن كتابتك لقضيتك بورق خارجي سيكون مفيد جداً سواء لك أو للشيخ القاضي نفسه , ليكون على درايه بكل تفاصيل القضيه .
ربي يعوضك الخير
وربي دمعت عيوني لك ,, عسى ربي يسهل أمرك وأمري وأمور المسلمين ..
عزيزتي .. المحاكم دوخه والله...
الله يفرج همك وربي ادعي لك من كل قلبي من فرج على مسلم كربه من كرب الدنيا فرج الله عليه كربه من كرب الاخره
الله ياشيخه يفرج همك ويزل غمك ويرزقك من حيث لاتحتسبين .. وييسر لك خطوات حياتك ويبعد عنك شر كل من به شهر ..
الله ياشيخه يستر عليك ويعطيك الين يرضيك ..
وربي انك فرجتي همي الله يسر خاطرك بكل مايرضيك ..
ويبعد عنك كل سوء ..
:)