من ضاع لها احد من عيالها

نووومه النمنومه • 17 سنة

ليدي2001 :

فكرة ان احد عيالي يضيع مسببه لي خوف لما نروح لسوق احيانا اخذهم معي يغيرون جو بس طول الوقت على اعصابي الله يصبر قلب الامهات اللي ضاعوا عيالهم

فكرة ان احد عيالي يضيع مسببه لي خوف لما نروح لسوق احيانا اخذهم معي يغيرون جو بس طول الوقت على...

انا صارت معاي مره .. بس ردت فعلي كانت غير لما لقيت ولدي

كنا في ديزني لاند في امريكا و في أجازة الكريسماس .. يعني لكم تتصورون شكثر زحمه المكان كان .. كان عمره اربع سنوات و انا اصلا من النوع الحريص لكن في غمضة عين اختفى .. آآه بغيت اموت .. ابغي اركض ادوره و مش قارده -مش مستوعبه انه غاب عن عيني، و ابغي اروح لابوه اخبره يدور معاي بس مش قادره اخاف يجي لنفس المكان و ما يلقاني .. كانت ربع ساعه كأنها دهر .. ادور في مكاني و اصرخ باعلى صوتي على اسمه .. و ما من مجيب :06:

بعد ها الربع ساعه اشوف وحده امريكيه تطالع في وجهي كأنها تحاول تقرأ ملامحي و بعدين اسمعها تكلم زوجها تقوله هاي شكلها مضيعه طفل .. شوي الا ها العايله تناديني تقولي انت ضايعلج ولد قلتلهم ايوه و انا ابكييييييي :icon36: .. اثاريهم هم شافوا الولد شكله غريب و وحيد مسكوه و صاروا يدورون في الناس من ضايعله ولد -الله يشرح صدرهم للأسلام- ما بنسى معروفهم .. اصلا لو هو ما فك يده منهم و ناداني ماما كان ما صدقوا

بس اول ما شفته ضربته و بردت حرتي .. مع اني كنت دايما اخاف اضربهم جدام حد في الغربه -الناس دايما كانت تقولي عادي يبلغون عليج الشرطه و ياخذونه-

الحمدلله رب العالمين

و تدرون كان في سيده خليجيه تلاعب بنتها في نفس المكان حاضره الموقف و شافتني بس ما كلفت نفسها تسألني شو فيج او تحاول تساعدني -الله يسامحها-

نووومه النمنومه • 17 سنة

نووومه النمنومه :

انا صارت معاي مره .. بس ردت فعلي كانت غير لما لقيت ولدي كنا في ديزني لاند في امريكا و في أجازة الكريسماس .. يعني لكم تتصورون شكثر زحمه المكان كان .. كان عمره اربع سنوات و انا اصلا من النوع الحريص لكن في غمضة عين اختفى .. آآه بغيت اموت .. ابغي اركض ادوره و مش قارده -مش مستوعبه انه غاب عن عيني، و ابغي اروح لابوه اخبره يدور معاي بس مش قادره اخاف يجي لنفس المكان و ما يلقاني .. كانت ربع ساعه كأنها دهر .. ادور في مكاني و اصرخ باعلى صوتي على اسمه .. و ما من مجيب :06: بعد ها الربع ساعه اشوف وحده امريكيه تطالع في وجهي كأنها تحاول تقرأ ملامحي و بعدين اسمعها تكلم زوجها تقوله هاي شكلها مضيعه طفل .. شوي الا ها العايله تناديني تقولي انت ضايعلج ولد قلتلهم ايوه و انا ابكييييييي :icon36: .. اثاريهم هم شافوا الولد شكله غريب و وحيد مسكوه و صاروا يدورون في الناس من ضايعله ولد -الله يشرح صدرهم للأسلام- ما بنسى معروفهم .. اصلا لو هو ما فك يده منهم و ناداني ماما كان ما صدقوا بس اول ما شفته ضربته و بردت حرتي .. مع اني كنت دايما اخاف اضربهم جدام حد في الغربه -الناس دايما كانت تقولي عادي يبلغون عليج الشرطه و ياخذونه- الحمدلله رب العالمين و تدرون كان في سيده خليجيه تلاعب بنتها في نفس المكان حاضره الموقف و شافتني بس ما كلفت نفسها تسألني شو فيج او تحاول تساعدني -الله يسامحها-

انا صارت معاي مره .. بس ردت فعلي كانت غير لما لقيت ولدي كنا في ديزني لاند في امريكا و في أجازة...

وفي موقع ثاني صارلي مع ولدي هذا قلته بذكره الحين خصه اننا في موسم سفر و اجازات

بعد كنا في امريكا و كنا مسافرين من منطقتنا لمنطقة ثانيه بالسياره و مدة الرحله ست ساعات ، كان عمر ولدي سنتين تقريبا .. طبعا من التعب انا نمت مثل الجثه اول ما وصلت .. و زوجي ما شاء الله من النوع الي يصلي فروضه في المسجد ، يدور وين مكان المسجد و يروحله

المهم وقت صلاة الفجر حسيت فيه قام و عيني جت على الساعه 5:15 الفجر .. طلع و سكر الباب وراه و انا نمت .. الساعه 6:10 الصبح ما ادري شو الي خلاني اقوم مفزوعه و ما شفت ولدي جنبي .. جن جنوني .. ما اعتقد ابوه خذه معاه و الا كان نبهني .. شفت باب الغرفه ملايم يعني مش مسكر كامل -معناتها طلع- و اجري في الممر من اوله لاخره ما لقيته و هو من النوع الي يحب يلعب بازرار المصاعد .. قلت اكيد ركب و ما ادري في اي طابق الحين .. الحين وين ادوره .. و شوفو الشيطان كيف وسوس لي .. قلت خلاص راح الولد .. عاد ولدي ما شاء الله عليه حلو و هذاك اليوم ملبستنه بيجامه جديده حمرا و كان شكله ما شاء الله اكثر من روعه .. قلت خلاص خذوه مني و لا عاد بشوفه ، و جتني حالة الشلل الي من الخوف ما اقدر اسوي شي .. و بما انه صبح و هدوء سمعت صوت جاي من مخرج الطواريء .. رحت لقيته هناك يحاول يطلع بيبسي من الثلاجه الي هناك .. آآآآآآآآآآآآآآآآآه برد قلبي الحمدلله بشوفه .. يا الله ما ارحمك .. انا عارفه طبيعة ولدي من النوع الي يغامر و كان ممكن يطلع بالمصعد لاي مكان .. و كان ممكن يروح مع اي حد بكل طيبة خاطر لانه من النوع الي يألف كل الناس .. بس شوفو رحمة الله .. ياربي

الحمدلله رب العالمين

بس لما رجع زوجي قتله لو صار لولدي شي انت السبب يعني لازم تروح تصلي في المسجد .. نحنا في سفر و بلاد غربه .. بس طبعا الكلام ما كان من قلبي -بس الشيطان اعوذ بالله منه- ..

hend3 • 17 سنة

الله لا يوري احد مكرووه في عياااااله انا قد صار لي موقف بس مو لعيالي لولد اختي قبل اتزوج راحت تحج واحنا عندنا عادة يوم عرفة نرووح الحرم وبعدين نرووح لسووق المهم اخذت ولد اختي معي وبنت اخوي والوالدة ووحدة من خواتي ومن شدة حرصي ذاك اليووم لأنه زحمة مووت ودايم العيال يضيعوون من امهاتهم بذاك الوقت خايفة عليه وعلى بنت اخوي مووت بس امسك فيهم والتفت عليهم ولما اصلي احطه قدامي امكن كان عمره اربع سنوات وقتها طلعنا من الحرم ورحنا السوق وجيت ادخل محل وقلت لأختي امسكيه وهي الله يهديها ما انتبهت لكلامي دخلت المحل وكا زحمة وطلعت اسألها وين فلان قالت دخل وراك ارجع ادخل ادور في المحل ما في وانا قلبي يدق دق ورجولي تنافض وعلى طوول ارطلع من المحل مثل المجنونه اخاف يطلع من المركز واجري واسأل اصحاب المحلات اللي برا واوصف لهم اللي يقوول توه مشي من هنا واللي يقوول روحي مركز التائهين واللي يقوول تلقينه تحت توه كان يمشي واجري مثل جري تخيلوا بعبايتي وشايله هم امي لا يرتفع سكرها من الروعه ويوم نزلت لدور الأول وادور وادور سألني راعي محل وش فيك قلت له قال لا تخافين توه بيد عسكري وشوفيه خرج من هني واجري والمح العسكري ما سكه وصرت اصييييييح عبودي عبودي وهو ياعمري عرفني خالتي والله اني ارتميت على رجولي احتضنته الععسكري من هوول المنظر وقف على جنب يتفرج والنااس تطالعني وشلته وتشكرت العسكري وبعدها فقدت وقمت اهاوش اختي ورجعت اقضي له وابكي وسرت حتى بالسيارة حاضنته وش اقوول لمه ولدك ضاع ما لقيتهياااربي ربااااااه وتوبته بعدها الحين ما اطلع الحرم كثيير اخاف على عيالي لأن الحرم فيه لاسرقاااااات واجد الله يكافينا لاشر.

um3aboodi • 17 سنة

حمد لله على سلامته ورجوعه لك بالسلامه والله يكفينا شر هالدنيا

سنفورة 28 • 17 سنة

بنتي البكر يوم عمرها سنة ونص ضاعت مني في الحرم
كانت تصلي الفجر جنب ابوها قريبين مني
وفلتت من عنده وهو عادي عاساس انها جايتني
اختكم بالله خلصت صلاتي ورحت ملهوفة ابي اشوف بنيتي الا الاخ يقول راحت يمك
كذبت نفسي ومرت علي 10 دق كانها 10 سنين اركض واطامر واسال الشرطة وكل اللي يدور فبالي حزتها
(( والله ما اطلع من مكة لو بعد عشرين سنة لما القى بنتي ))
والحمد لله كانت صلاة فجر وعطلة صيف ومافي زحمة
وشوي الا ونلقاها تلعب فوق جبل الصفا وما عندها من الشيطان طاري============

ومرة كنا في الاردن مسافرين ولدي عمره 5 سنين وبطبيعته غلبان مايعرف يتصرف
افترقنا انا وابوه في السوق كل واحد لشغلته اخذت البنت معي وقلت خل الولد معك عاساس حركته وانا ماقدر عليه
أخينا بعد مادرت ظهري ارسل الولد وراي كنت انا وقتها داخلة محل وطولت وطلعت لمحلات اخرى انا وبنتي قعدنا حوالي ساعة الا ربع حتى رجعنا تقابلنا عند السيارة
وين الولد ؟
الولد معاكي
لاتمزح
والله مهو معي
الله يخليك قولي انك تمزح
كل هذا وعيني تدور حواليني كاني كاميرات المراقبة ابي امسح السوق كله بنظرة عين ههه
ومرت علي لحظات كالساعات مابين مصدقة ومكذبة
شوي الا رجل امن جايبة لنا مستوي من الصياح ويعطينا ذاك الموشح بالتربية والتهذيب