يارب لاتفجعنا بعزيز وغاااااااااااالي ,,,,,,

الله يرده لها مثل مارد يوسف لابوه ضيقتي صدري.:44:

خطاك السو اختي والحمدلله على سلامته ..

انا ساكنه بدور كامل فوق بيت اهل زوجي .. من سنه نزل ولدي الصغير كان عمره وقتها

سنتين ونص نزل لبيت حمولتي شافته ام زوجي جدته وقالت له ارقى فوق وبعدين انزل (الظاهر مالها خلق عليه ذاك اليوم)

المهم هو بدل مايطلع لي فوق بالعاده قام وطلع الشارع وصار يمشي على غير هدى <<<< ههههههه ياويل قلبي

المهم اني فقدته هو من النوع اللي مايستقر عندهم خمس دقايق على بعضها

يا طالع يانازل .. بس هالمره ماجا وتأخر

سألت عنه عندهم ودورنا عليه كلنا بكل مكان بالبيت حتى تحت السراير والحمامات والدواليب ..

ابد فص ملح وذاب .. وانجنيـــــــــت

طلعت للشارع عباتي مقلوبة ولابسه شيلة مدري وشلون لفيتها وحافية

ومحتارة اتجه يمين والا يسار وام زوجي البست عباتها هي الثانية وتبكي وتصيح عليّ

وتقول : اتصلي بالشرطة .. كلمي ابوه .. والمشكلة ولا رجال معنا حزتها كلهم مش موجودين

انا ماحبيت اروع ابوه ... املي بالله كبير .. وانا ماشاء الله علي قوية جلوده بالشدايد

الا اسأل ولد الجيران عنه قال إلا من ساعه شفت بزر ماشي من هنا وراح هناك

هو كان يظن انه ولد جيرانا مو ولدنا ذولاك بيت عمهم باللفة ودايم يروحون لهم مشي..

وماقصر بصراحه الله يوفقه صار يرررركض وكلم سواقهم يدوره معه ..

ولقوا ولدي هايم و وجهه اصفر ومحتار وين يروح لانه ابتعد عن البيت كثير

ساعه وهو يمشي ..:44:

جابوه لي بالبداية حظنته وبعدها قرصت اذنه وصرخت عليه ..

وكل مااذكر هالسالفة قلبي يوجعني ..:44:

السلام عليكم
انا مره ضاع ولدي في الحرم وكان عمره 9 سنوات كنت رايحه ويا اهلي الله يخليهم لي وكنت مع واحد من اخواني الي ماتزوج الله يوفقه وكان معي بنات اخوي الصغار ويا عيالي وشغالتي وكنا قاعدين فوق ويا الصغار وولدي الكبير مع اخوي في محل الرجال الي جمبنا وكان ولدي الكبير الله يصلحه رايح جاي علينا ولا يقر مره يروح عند السور يطل على الناس بالصحن ومره يجي عندنا ومره يروح عند اخوي الين اقاموا الصلاه اللوح ظيعنا وبعد ماخلصت الصلاة انا احسبه عند اخوي واخوي يحسبه عندي قعدنا نتسنن الين جاني اخوي وقال وين الولد مهب عندي انا انهبلت بس تماسكت وقعدت ادوره من جهه واخوي من جهه وبعد مده بديت انهبل واتذكر ابوه والله مايعذرني والله لو انه ميت عندي على فراشه اهون على قلبي من يضيع وابوه مهب معاه وكل الصكه بتجي بوجهي وانتوا خابرين الرجال الي ما يعذرون عللى طول سب فيني وفي اهلي .......الخ وانا كل ماذكرت ابوه قعدت اصيح ولا قدرت امسك نفسي وخفت انه يسرق وانت خابرين مكه في هالوقت دقوا حريم اخواني ينادوني قاعدين مع بعض اخواتهم وفالينها شاي وقهوه وحلى كانو ورى مكانا بشوي فقالولي تعالي وين ابطيتوا علينا طبعا انا على طول خريت صياح وقلت لهم ان ولدي ظاع وانهبلوا ويالله علموا باقي اخواني وانحاسوا مساكين الي قاعدفي محاظره جاء والي كان في المشروع يجيب اغراض ترك الي في يده وحاء وقالوا لأبوي وانا استحي من ابوي يشوفني وش كبري واصيح كني البزارين بس أني اقولهم اني ماصحت على سواد عيون ولدي بس من خوفي من ابوه واهل ابوه وكنت اتحلف اني لو شفته رجع لأذبحه من الضرب لأنه كان قاهرني ومفشلني عند اهلي الله يصلحه عناد وقلة حيا عاد ابوي جاء عندي وقال لي لاتصيحين عليه هذا ثور محد يبي يسرقه ان سرقوا يسرقون الصغار هذا مايبونه لانه كبير شوي الا اخوي الله يوفقه لقاه عند الشرطه الي تحت حقين ضياع البزارين عاد دوروني لا ومن زين وجهه معطينه عصير وبسكوت وجاي يضحك ولاكنه مسوي شيء طبعا حمدت ربي و سجدت سجود شكر انه لقيناه وبعدين بغيت اظربه بس اخواني قالوا خليه وهذ قصتي مع الضياع الله لا يعيدها

عباتي
حرام عليكم هبلتو في امك وخالك عجبتني حركة الشرطي اتوقع تبتي بعدها



قصة

وحده من معارفي قريبة جدا لي تحكيني
اختهم الصغيرة اجمل وحده فيهم وذكيه ونبيهه عالرغم من صغر سنها يمكن سنتين ثلاثة مو اكثر من كدا
المهم في يوم اختفت دوروا عليها في كل مكان في البيت طلعو الشارع مع انها مستحيل تتطلع
ولا القوها

لدرجة امها صارت تفتح الادراااااج تدور فيها
يعني بالعربي بدأت تتجنن

رجعو من الشارع وهم فاقدين الامل

والام جالسة قدام باب المطبخ وتبكي زي المجنونة وفجأة تطلعلهم من المطبخ مبتسمه ولا كانها كانت مختفية

تقول والله دورنا في المطبخ بس ما كانت موجودة


المهم بعدها بيومين مرضت البنت وسخنت وماتت