8
8
8
8
تحزن مره الله يصبر اهلها

كنت مره طالعه مع اهلي حديقه نسائيه
بنتي عمرها سنه و8 شهور
كنت احسبها مع امي وامي تحسبها معي

كنت اسولف مع صاحباتي الا وهي قدامي تمشي
ماصدقت قمت قربت وجلست عالارض ومسكتها الا واشوفها تبكي وكانت تدور علي


يالله كل مااتذكرها انكتم ويضيق خاطري مره
ومره ثانيه تووبه اخليها مع احد

ايه والله تبت عقب الشرطي ماعاد طلعت ابد
المهم خذو القصه الثانيه
هذي وحده من صديقاتي وقت الدراسه طبعا حنا شله انا وبنت خالي وثنتين كانن في فصلها يعني مهنا ذك الزد الصداقه يعني القصه للبنت الي معنا وخبارها وصلتني عنطريق بنت خالي عقب ماخلصت الدراسه صايره القصه البنت هذي تقول اختي وبنت اختي راحو للهرم بنت اختها عمرها 18سنه تقول اني اختي خبرها بنتها بجنبها وتقول اقلبو الهرم فوق تحت الى البوابات سكروها من بلغت بختفى بنتها والله تقول طلعو الي باالهرم وحده وحده لين خلصو ماعاد بقى احد مالقو البنت يعني بالعربي خطفت
جلسو يدورون ويدورون وبلغو الشرطه وطبعا مالقوها
دارت الاشهر وطبعا انا دايم اسال هم لقوها ولا لا وطبعا الرد لا بعد عشر اشهر جاهم بلاغ ان فيه بنت لقوها مجوعه في برحه ونها حالتها خطيره ومرقده في العنايه تعالو تعرفو عليها راحو تعرفو عليها طلعت هي بنتهم مسكينه خالصه مره طبعا البنت بعد فتره من العلاج تعدت مرحلة الخطر فس فيه مشكله البنت فاقده الذاكره تماما متعرف ولا شي ولاتعرف حتى اسمها
يقول الدكتور هي يامعطينها ابره في اذنها خلتها كذا او انها تعرضت الصدمه عصبيه وصلتها للحاله هذي وطبعا هذا هو الي طلع بالخير لانه الي تعرضت له مهب هين مسكينه
طبعا البنت انقطعت اخبارها الي هي صديقت بنت خالي ولا ادري في تطور في حالتها ولا لا

مواقف تعور القلب
تذكرت ابتهال يااارب ترجعها لااهلها
تذكرت موقف
عيال اختي ثنين البنت سنتين والولد سنه والبنت راحت والولد راح وراها طلعوا من بيتنا وبيتنا على شارع وسياره طااااااااايره وقطعوا الشارع كان العصر وماقدروا يمشون من الحر والشوك وجلسوا وطولوا حوالي ربع ساعه والحمدالله ربي انقذهم في اخوي ولقاهم جالسين وحارين وخدودهم حمراء وشالهم وجابوهم
يالله اناانهبلت لما دخل كنت احسبهم عند امهم وامهم تحسبهم عندي

وانا لما كنت صغيره ضعت ساعتين في المزرعه وكنت صغيره ثلاث سنين
ونعست في وسط البرسيم(الزرع الاخضر) والناس انحرقوا علي وانا نائمه وصحيت مع غروب الشمس وشافوا شوشتي مع الغروب ياسلام اختي تقول ودي مسكتك وذبحتك وجلسوا يصيحيون الحمدالله ربي حفضني من العقارب والثعابين دائم مليانه في البرسيم الحمدالله ربي حفضني اشكرك يارب
ومره بنت جيران ضاعت ويدورونها ساعات وابوها مثل المجنون بالسياره يدور على البيوت ونفتح الخزانات نشوف واخر شي لقوها نائمه داخل المكتبه
واخت هاذي البنت كانت تحبي وبينا وبين جيرانا مساحه كبيره وكنا حافرين بياره الله يكرمكم وصابينها وبين الصبه والحفره مكان صغير مو عميق البنت طاحت فيه وبعد ساعات لقوها تعبت ونامت

تذكرت لكم قصة ولد اخوي ؛؛ بسم الله عليه الحين بالجامعة ؛؛

بس أيام حرب الكويت كان عمره سنه و لا بعد مشى ؛؛ يعني يحبي <<< عاد شوفوا كيف يضيع و هو يحبي ؟؟

المهم كنا هاجين لمكة و مجتمعين اخواتي و عيالهم و اخواني و حريمهم و عيالهم بشقة :) صحيح كانت كبيرة بس كنا زحمممة !!

المهم وتطن براس مرت اخوي تروح الحرم و توصينا على الولد و انتبهوا له ..

باب الشقة كان مشرع و كنا نلعب داخلين طالعين وقتها كنت بسادس ابتدائي .. و هذا يا عمري يتدحوس بيننا ..

وشلووون ضاع ؟؟

قاعدين نلعب بالمصعد و انفتح و دخل ولد اخوي وهو يحبي .. حنا ما درينا .. صك المصعد و راح الولد..

الا شوي و نسمع أهلي ينادوننا ادخلوووا وجع و ش تسوون برا ؟؟ و ندخل و نصك الباب ؟؟

و يا حيل الله الولد أمه رايحة و متوكلة على الله ثم على اخواتي :)

الا شوي و نسمع باب الشقة يطق بقووة شوي وينكسر ..

و رجال يصارخ ويلعن ويسب ؟؟

و حنا نتناقز من الروعة وشو ذا مهبول ولا وشو ؟؟ و قتها ما كان فيه ولا رجال معنا ..

المهم ذا باتل يصارخ ويلعن لدرجة ما ندري وش يقوول ؟؟

وشوي فهمت اختي الكبيرة انه يقول خذوا ولدكم يا حريم يا بقر .... الخ :) :) :)

و مير يلتفتون علينا يعدوننا و يلقون ولد اخوي ناقص ؟؟

و تفتح اختي و يخلوني أنا بالوجه :( لأني أفهم و ما بعد تغطيت .. و آخذ الولد مع تهزيئات محترمة من ذاك الرجال اللي ساكن في نفس العمارة .. عاد صاروا من أهل الرياض و هاجين مثلنا خخخخخخخخخخ

اثاريه طلب المصعد و هو تحت يوم فتح له ويلقى بزر ؟؟ و كان شايف أن المصعد له ساعة معلق بالدور الرابع .. فعرف ان ذا البزر سقط سهوا ً ..

يوم رجعت مرت اخوي مالنا وجه نقول لها السالفة :)

بس اشوا انها حبوبة ..

يا كثر ما ضاعو والمصيبه اذا ضاعو بالسفر

مرت اخوي اول ما تدخل مول تضيع عيالها وتلاقيهم عقب ما تخلص بس مشاء الله مايصيحون
تقول خل يمسكونهم الامن ليما اخلص شغلي لانهم مهبل