من عملت أطفال انابيب ونجحت وزوجها عنده ا

السلام عليكم
هذي اول مشاركه الي بالمنتدى راح احكيلكم تجربتي عن حلم الحمل للن صار عندي مثل الحلم هالموضوع تزوجت من سنتين وشهرين صار عندي حمل بعد ٣ اشهر ونزل بنفس الشهر ونصار بعدها بقيت أتعالج من الالتهابات الى اخر شي حتى عمليه غده بارثولين سويتها الي ماتعرفها هذه غده تلتهب من كثره الالتهابات والحمد لله خلصت منها وبعد اكثر من سنه الطبيبه سوالي كل التحاليل سلميه والأنابيب مفتوحه تفاجأنا انه زوجي عنده النسبه مليون للعلم هوه مدخن ترك التدخين وأخذ علاج صارت النسبه ٣٨ بعدها اقترحت اتسويلنا حقن داخلي وكانت نسبته ١٨ مليون وفشلت عملناها من جديد بعد شهرين بس ترك العلاج وبيوم الحقن اكتشفنا النسبه ٣ مليون وقالت الطبيبه انه احنا حضرنا السائل للحقن انسوي الحقن وانتي وحظك وطبعا هم فشلت لان هذا اليوم السابع من الدوره وكانت للعلم عندي ٣ بويضات حجم جيد بس للأسف عدد الحيامن قليل اني انهيارين ومقبلت بالبدايه اسويها بس لان الطبيبه قالتلي إنتي لازم تتفائلين متعرفين شوكت تصير المهم احنا حاليا قررنا انسوي انابيب الشهر القادم لان زوجي رجع ياخذ العلاج وغدا تحليله ادعولي وأتمنى افيدكم وتفيدوني والله يرزقني بالحمل ويرزق كل محرومة بهالشهر الفضيل