من. عندها. معلومه عن منهج. للروضه

ولدي لما كان بالروضه دخلته من الترم الاول وفعلا لما خلص الترم كان اخذوا نص الحروف والارقام
ولما بدا الترم الثاني كملبوا باقي الحروف والارقام

وبالنسبة للكتب لا كانت حلوة ملونه وبغلاف مرتب
وحتى القران كلن له زي الملزمة صغيرة للمتابعه والتقويم وباقي المواد كتب خفيفه وملونة وحلوة


انا اشور عليك طلعيه ولابدات السنة الجديده دخليه من اول الترم حتى احس 4ونص لسسى صغير الله يحفظه لك

ياأختي طلعيه ودخليه تمهيدي على بداية السنة مرة غلط تسجيل الطفل من نص السنة لافي تهيئة ولاشي هالأطفال اللي معاه مابدأو كذا كان في أسبوعين تهيئة ولعب لهم من بداية السنة وشوي شوي حتى اندمجوا ممكن انتي تكوني سبب لكرهه للدراسة لأنوا راح يلقى نفسه غير عن زملاءه وإمكانياته اقل 

انا كمان كتب بنتي حلوة ومرتبة وخفيفه واخدو نص الجروف الترم الاول وكملو الترم التاني باقي الحروف والارقام
اصلا كتبها 3 بس حروف وارقام وكتاب تلوين

التدريس بالروضة يعتمد اولا واخيرا على الخبرة

وعندهم نظام وحدات
مثلا وحده المسكن يدرسون كل شئ يخص المسكن والبيت بطريقة محببة وتتخللها قصص عن المسكن .. واناشيد واحاديث وادعيه ..
مثال اخر وحده الغذاء .. ووحده الايدي .. وحده الاصدقاء .. مع حفظ سور من القران الكريم

كلها تعتمد اولا واخيرا على اثراء معلومات الطفل وتقوية حواسه .. في الحلقة .. الاركان .. اللعب بالخارج .. اللقاء الاخير

والكتب والحروف اخر شئ يفكرون فيها
حتى ان دكتورة في الجامعه كانت تقول موو لازم الطفل يعرف الحروف كلها
..
اما كتب وملازم طفلك فهذا شئ غررريب حقا وغير مناسب لطفل في الروضة
ملازم مصورة وفيها العشرات من الصفحات ..؟؟؟!!
شئ لايفيد الطفل بشئ

..

اما كتب الاطفال الحديثة بالروضة فهي خفيفة وملونه ومبسطة للطفل

والفصل الدراسي الاول اخذوا الى حرف الظاء على ما اعتقد .. ويكملون باقي الحروف


وبما ان اغلب الروضات اهليه وبفلوس .. فما يهمهم طفلك يعرف الحروف اللي بالترم الاول او لا ..؟!
هل طفلك مادرس الفصل الاول ..!؟
اذا لم يدرس الفصل الاول فلا يحق لك ان تقولين طفلي ما يعرف الحروف .. الاولى لانهم ماكان معهم في الفصل الاول .. ولم تدفعوا رسوم لان الطفل ماكان موجود اساسا

انا اتذكر المديرة كانت تقول لنا بالنسبة للاطفال الجدد اللي جايين الفصل الدراسي الثاني .. اهم شئ يعرفون الحروف من حيث بدأنا نحن مع الاطفال القديمين .. وليس لنا علاقة بمعرفته بالحروف الاولى بالفصل الاول .. الا اذا تطوعت المعلمة بوقت فراغ واعطتهم مافاتهم من حروف بالفصل الاول .. وهذا نادر جدا لان الوقت ضيق والاطفال يتعبون ..

انتي علمي طفلك مافاته من حروف بالبيت .. والان ماشاء الله البرامج التعليمية كثيرة وحلوه في الايباد ..

محدثتكم خريجة قسم رياض اطفال وعندي خبرة بالتدريس سنتين .. ( عاطلة حاليا )

صراحه غريبه كم رسوم تسجيل الروضه اختي
انا دخلت ولدي عمره خمسه سنين ونص الروضه بهادا الترم الثاني والترم الاول ماقدرت ادخله لظروف
وماشاء الله روضتهم في فصل خاص بالاطفال الجدد بالترم الثاني واعطوهم كتب حلوه وملونه وكلها تبع الجزء الاول من اول الحروف والارقام
وعندهم انقلش وقران والاعداد والحروف الهجائيه والحاسب وولدي ماشاء الله مره انبسط معاهم