يمممه جلست اتلفت وراي

وقف شعر راسي ثلاث ارباع وسمعت كحة ابوي بغيت اطيح عالارض >>طبعا من الخوف ,
قد صارت مواقف ومواقف كثير وخاصه بيتنا المسكون الله لا يعيده,
المهم ذاك اليوم كنا ننام من بعد صلاة العشاء بايام الدراسه وياويل اللي ماتنام عموما
فجآه جتني امي تصحيني ولما قمت استغربت خواتي نايمات وناظرت لساعتي لقيته الساعه وحده ونص فالليل
قلت ليه يمه توه ماجاء الفجر وكان وقتها لما اطالع خواتي والساعه حركات رقبتها كانها بسه شفتوا البسه لما تناظر بحركات سريعه زيها المهم لما قلت تو الناس بدري الا صرخت علي كشرت سنونها وسوت حركه غريبه بيدها انا انهبلت قلت خلاص بقوم
بس رفعت الغطوه وناظرت مالقيتها وناظرت الباب لقيته مقفل بقفل طبعا كانت اختي تدقره بالقفل وقسم انا وقتها لا تعليق ماقدرت اصارخ ولا اصحي اخواتي مدري جتني حاله اني اعصر روحي وغطيت كل جزء بجسمي وظليت اتراجف واقرا اذكار وقرااان لين جت امي الوجه المعروف والشعر المنفوش مو مثل شكل اللي جتني وصارخت بوجها بسم الله الرحمن الرحيم
وانخرعت امي قالت بسم الله وشفيك وصحن خواتي قلت ياسبحان الله وراكن ماصحيتن لما ااتكلم عشبيه امي وتقامزن من الخوف ولا عادن ينامن بالغرفه.

موقف ثاني
مره كنت نايمه وجاني هواء بارد قوي ودغدغه
وقمت لقيت وجه غريب وبشع قدامي توقعوا ايش سويت
قلت يوه عاجزه عن الخوف وبليه ابي انام سميت ونمت وبس وسمعت كأن صوت ضحك وخبط
عاد قلت السالفه لاهلي ضحكوا قال اخوي شكل الجني انكسح واضحكوا عليه ربعه >>يمه اسم الله علي
اهم شئ لا يحقد علي .

ههههه اسرار الا شكله انكسح وبقوه ربي يسعدك ويحفظك يلا لايووووقف رفـــــــــــــــــــــــــــــع

موضوعك يخوف
وانا مره صدق مت من الخوف كنت جالسه بالمجلس وولدي نايم بسريره
بالغرفه شوي سمعت صوته يبكي قلت يالله ياحمودي جايه وكان وقتها صغير مايقدر ينزل من السرير المهم طلعت من المجلس وناضرت الغرفه اشوف ولدي واقف على طرف السرير والمهم قلت حبيبي جايه ورحت المطبخ علشان انزل الكوب
ولمار جعت للغرفه لقيت ولدي نايم بسابع نومه وحتى الغطاء مو متحرك
يعني لو قام ورجع نام كان الغطاء متحرك بصراحه وقتها مت من الخوف
وعلى طول اخذت ولدي ونزلته من السرير خفت عليه

بسم الله الرحمن الرحيم
خوفتيني لمار انا وولدي عبودي لحالنا بقوم اغسل المطبخ وباخذه وياي اخاف اخليه لحاله