كاجو :

انا عندي طفلين وماعندي شغاله ومرتاحه جدا وماعندي مشكله من ناحية شغل البيت لاني اصحى بدري وطلعاتي قليله ومنظمه وقتي ودايم ادعي ربي مايحوجني لهم لاني ما اطيق انسانه غريبه معي في البيت بس المشكله ظهري كل يوم يتعبني اكثر واخاف يحي يوم ماعاد اقدر اتحمل واجيبها بس متى عاد ما ادري احيانا والله اتمناها بس عشان تمسك عيالي وقت مايكون عندي مشوار ضروري مثل موعد مستشفى او زياره مريض او نطلع انا وزوجي لحالنا نروق شوي لاني ساكنه في الرياض لحالي واهلي مو عندي الله لايخليني منهم

انا عندي طفلين وماعندي شغاله ومرتاحه جدا وماعندي مشكله من ناحية شغل البيت لاني اصحى بدري وطلعاتي...

حب مستحيل :

انا ماجبت شغالة يوم عيالي جبتهم وراء بعض ارضعهم واحفضهم سواء لكن جبتها يوم حملت بالثالث جلست عندي سنتين وراحت صار ولدي ابو سنتين وقدر الله علي وحملت بالغلط وصارررررررو اربعه ماشاء ..اثنين منهم اول سنه ابتدائي المهم تعبت من الشغل اللي مايخلص حتى ايديني يابنات تقطعن من الصابون وجابلي زوجي علاج ومرهم .. قمت اصايح ابي يقدم لي على خدامه و هو يسحب بي مرة اصبري فيه نظام جديد بيجي ... اصبري ماعندي فلوس ... والان لي 8 شهور ايأست ورضخت للامر الواقع ورتبت اموري كاتالي 1- اقوم الصبح لعيالي وافطرهم وارجع انام شوي لان ولدي الصغير يسهرني الى الساعه 2 باليل 2- اقوم الضحى وابدأ اغسل الحمامات 2 وثلاث مغاسل واشوف الملابس كثيره اوزعها واغسلها بالغساله الاتومتك ( راحه مابعدها راحه )وامسح وارتب المطبخ 3- اسوي غداي سريع كبسه ومرق وسلطه واحيانا تخلص المقاضي وانبسط ماعندي غداء 4- يجون عيالي 1ونص اصبرهم بخرابيط حتي ساعه 3 العصر نتغداء وزوجي ينام شوي 5- اكنس العصر واغلب الاحيان مرتين في اليوم علشان عيالي الله يصلحهم ينثرون شيبس وخلافه 6- المغرب قهوه وكاكاو اذا مروقه ومشتهيه سويت بسبوسه وبعدها انشب له واقوله ابي السوق يودين ويرجع ينوم عياله بعد العشاء 7- ارجع ارتب نفسي والبيت شوي اتعشى خفايف انا وياه واقابله الى 12 وينام وانا اروح للدعننه حقتي نسهر وانام محاسن الوضع / راحه نفسيه وسعاده زوجي وتقديره لكل شئ اسويه ولو هو بسيط .. ( كان اول ينسب اى شى للشغاله ويقول انتي فاضيه .. ) .. الكل مايشره علي بعزايم او رسميات ومسكره على هالباب لاحد يجيني ولااروح لاحد ( احيانا ازهق واتمني يكون لي علاقات ) مساؤى الوضع / ادعي ربي كل يوم مايحدني على مستشفي او طاري اتورط بعيالي وين اوديهم ( امي بمدينه ثانيه وام زوجي حرمه كبيره ومريضه واستحي منها هي تبي من يقوم بها ) انسى شئ اسمه سفرات لو يومين للشرقيه ماينفع مع هالبزارين .. حتى لو طلعه بر ارفض واقول روحو لحالكم ايام تجيني الله لايوريكم يطيحون عيالي مرضى وكلهم حراره واستفراغ واصير مثل المجنونه ولااقدراتحرك او اسوي شئ وانا لازم مامرض زي الناس ابلع من هالمضادات واتحرك علشان مايتعطلون عيالي وابوهم ( شرط ماكينه ماتطفى ) مافيه وقت لي اعتني بشرتي ولا ادلع جسمي باليزر او ابيض اسناني او اسوي رياضه واروح النادي او حتى اصبغ بمشغل واسوي بدكير ومنيكر مثل خلق الله الكلام مايخلص وعندي هالحين شغل الله يعين والحمد الله على كل شئ ......... سلام

انا ماجبت شغالة يوم عيالي جبتهم وراء بعض ارضعهم واحفضهم سواء لكن جبتها يوم حملت بالثالث جلست...

تالا8877 :

الله يغنينا بقوتنا عن هالشغالات

الله يغنينا بقوتنا عن هالشغالات

كاجو :

8 8 8 8 8 8 نفس نظامي وظروفي سبحان الله حتى انا امي مو معي في الرياض وام زوجي كبيره بس الفرق انا عندي طفلين وماشاء الله مو مقصرين في الحوسه

8 8 8 8 8 8 نفس نظامي وظروفي سبحان الله حتى انا امي مو معي في الرياض وام زوجي كبيره بس الفرق...

am asrar :

انا كان عندى شغاله واستغنيت عنها الحمدلله اهم شى انك تنامين بدرى وماتنسين الأذكار والتسبيح وشغل البيت مافى اسهل منه فى البدايه بتتعبين بس بعدين بترتاحين نفسيا وجسديا احترامى وتقديرى

انا كان عندى شغاله واستغنيت عنها الحمدلله اهم شى انك تنامين بدرى وماتنسين الأذكار...