(البحر الهائج) :

هلا اختي سألتيني عن الاسباب الميه اللي تخليني استغني عنها انا ماراح اقولك اني مرتاحه في شغل البيت لا بس افكر اجيب لي غسالة صحون اللي هو الهم الاكبر عندي والباقي ان شاء الله يهون اما بالنسبه للاسباب هي : اول شي انهم يتعاملون بالسحر عن جهل يكفي اخت زوجي جابت وحده تعاملها قمه بس طلعت تسوي لاهل البيت سحر واكتشفت هالشي بنفسها من اوراق لقتها مع الشغاله دستها في مخداتهم والباقي كان معها غير كذا انا اصبحت كسوله جدا غير كذا بناتي اعتمدوا عليها حتى في شربة الماء والمشكله انهم بنات غير كذا ممكن اخسر عليها مبلغ وتشرد وصارت معي اذا جبتها مع زوجها بلشه تطلع من عندي مادري يمكن خذت شي من شعرنا ولا شي تسوي لنا فيه بلا وان جبتها لحالها عينها طويله شغالتي مع انها كبيره في السن وقمه في التعامل وديّنه الا اني لقيت معها في غرفتها مع زوجها اشياء تخصنا وهي مسافره غير كذا ماتحسين انك ماخذه راحتك في بيتك وانا باعتقادي السحر لحاله كافييييييي عن الف سبب هذا انا الآن مشاكل انا وزوجي والله العالم ممكن الشغالات هم السبب حتى لو تعاملتي معهم بافضل التعامل كانهم من عائلتك وبعدين احنا او انا بالاحرى ما أأمنها على بناتي لما اطلع اخاف تسوي لوحده منهم شي بس وسوسه لا اكثر مع اني اعرفها ماراح تسوي شي

هلا اختي سألتيني عن الاسباب الميه اللي تخليني استغني عنها انا ماراح اقولك اني مرتاحه في شغل البيت...

حب مستحيل :

انا ماجبت شغالة يوم عيالي جبتهم وراء بعض ارضعهم واحفضهم سواء لكن جبتها يوم حملت بالثالث جلست عندي سنتين وراحت صار ولدي ابو سنتين وقدر الله علي وحملت بالغلط وصارررررررو اربعه ماشاء ..اثنين منهم اول سنه ابتدائي المهم تعبت من الشغل اللي مايخلص حتى ايديني يابنات تقطعن من الصابون وجابلي زوجي علاج ومرهم .. قمت اصايح ابي يقدم لي على خدامه و هو يسحب بي مرة اصبري فيه نظام جديد بيجي ... اصبري ماعندي فلوس ... والان لي 8 شهور ايأست ورضخت للامر الواقع ورتبت اموري كاتالي 1- اقوم الصبح لعيالي وافطرهم وارجع انام شوي لان ولدي الصغير يسهرني الى الساعه 2 باليل 2- اقوم الضحى وابدأ اغسل الحمامات 2 وثلاث مغاسل واشوف الملابس كثيره اوزعها واغسلها بالغساله الاتومتك ( راحه مابعدها راحه )وامسح وارتب المطبخ 3- اسوي غداي سريع كبسه ومرق وسلطه واحيانا تخلص المقاضي وانبسط ماعندي غداء 4- يجون عيالي 1ونص اصبرهم بخرابيط حتي ساعه 3 العصر نتغداء وزوجي ينام شوي 5- اكنس العصر واغلب الاحيان مرتين في اليوم علشان عيالي الله يصلحهم ينثرون شيبس وخلافه 6- المغرب قهوه وكاكاو اذا مروقه ومشتهيه سويت بسبوسه وبعدها انشب له واقوله ابي السوق يودين ويرجع ينوم عياله بعد العشاء 7- ارجع ارتب نفسي والبيت شوي اتعشى خفايف انا وياه واقابله الى 12 وينام وانا اروح للدعننه حقتي نسهر وانام محاسن الوضع / راحه نفسيه وسعاده زوجي وتقديره لكل شئ اسويه ولو هو بسيط .. ( كان اول ينسب اى شى للشغاله ويقول انتي فاضيه .. ) .. الكل مايشره علي بعزايم او رسميات ومسكره على هالباب لاحد يجيني ولااروح لاحد ( احيانا ازهق واتمني يكون لي علاقات ) مساؤى الوضع / ادعي ربي كل يوم مايحدني على مستشفي او طاري اتورط بعيالي وين اوديهم ( امي بمدينه ثانيه وام زوجي حرمه كبيره ومريضه واستحي منها هي تبي من يقوم بها ) انسى شئ اسمه سفرات لو يومين للشرقيه ماينفع مع هالبزارين .. حتى لو طلعه بر ارفض واقول روحو لحالكم ايام تجيني الله لايوريكم يطيحون عيالي مرضى وكلهم حراره واستفراغ واصير مثل المجنونه ولااقدراتحرك او اسوي شئ وانا لازم مامرض زي الناس ابلع من هالمضادات واتحرك علشان مايتعطلون عيالي وابوهم ( شرط ماكينه ماتطفى ) مافيه وقت لي اعتني بشرتي ولا ادلع جسمي باليزر او ابيض اسناني او اسوي رياضه واروح النادي او حتى اصبغ بمشغل واسوي بدكير ومنيكر مثل خلق الله الكلام مايخلص وعندي هالحين شغل الله يعين والحمد الله على كل شئ ......... سلام

انا ماجبت شغالة يوم عيالي جبتهم وراء بعض ارضعهم واحفضهم سواء لكن جبتها يوم حملت بالثالث جلست...

يسبح بحمده :

لفتت انتباهي سالفة المضادات الحيوية لي تجربة مشابهة تخلصت من المضادات عن طريق التطعيم ضد الانفلونزا سنوياً شهر 10 ميلادي ،حيث ينزل الاصدار الجديد للقاح من منظمة الصحة العالمية بعد أخذ عينات من أنحاء العالم حتى لو مرضت بأمراض البرد المصاحبة للانفلونزا تكون خفيفة وغير مقعدة عن العمل

لفتت انتباهي سالفة المضادات الحيوية لي تجربة مشابهة تخلصت من المضادات عن طريق التطعيم ضد...