نوكية

نوكية @noky

عضوة فعالة

من قصص جدتي الخرافيه

الملتقى العام

السلام عليكم

جدتي كانت دايما تسولف علينا الله يرحمها ويغفر لها

كل ليل تقص لنا قصة من قصص التراث مرره كوميدية ومره مرعبه ومره عن الشجاعه

عصرت ذاكرتي وطلعت منها هالقصة

وهي قصة مرعبه

بسم الله الرحمن الرحيم

كان هناك شاب جميل وسيم , يرعى غنمه وكان مهايطي شوي ,, شايف نفسه ويمزح كثير ..

وفي يوم من الايام وهو يمشئ مر من عند قبر

ونظر للقبر وطقه بعصاه

وقال

تعال تقهوى معي شوي
(يقولها يمزح )


ويقولون انه يوم امساهم الليل والشاب جالس لحاله على قهوته

مادرى الا ورجل من بعيد مقبل عليه

قام الشاب وسلم على الرجل

وكان الرجل ذو هئية حسنة ولبسه نظيف

قال له الشاب
من أي العربان انت ؟؟

فقال الرجال

انا راعي القبر اللي عزمتنى اليوم ..!!

:twirl:

قال له الشاب ,, حياك الله اخوي

تقهوى

وقهوااه
قال له الرجل

عاد ما اوصيك بكره الدور عليك تجيني وتقهوى عندي

قال له الشاب الوسيم

ان شاء الله تم

بس وين اجيك ؟؟

قال تعالي عند نفس القبر اللي جيتني فيه اول مره

راح تلاقي حفره انزل فيها

وبعدها تصل

قال الشاب الوسيم ان شاء الله

ويوم جاء من البكره

ويروح الشاب للقبر

وفعلا وجد حفرة جنب القبر

ودخل فيها , نزل فيها ويوم نزل , شاف بيت كبيير مفرش وغرف يعنى بيت كبير وواسع

واستقبله راعي القبر

:twirl:

وجلسه , وضيفه , وجاب التمره والقدوع

وتقهوى الرجال

ولم يطول يمكن جلس ربع ساعه
قال انا ابرووح

توصي بشئ
قال له راعي القبر

سلامتك

بس انتبه لنفسك

ترا الناس ماهم الناس والارض متغيره والبيوت تغيرت
قاله الشاب الوسيم

وش تقصد ؟
قال له راعي القبر
تراك جالس عندي عشرررين سنة
قال الشاب الوسيم

كيف ؟؟ انا ماجلست عندك غير الوقت اللي شربت فيه القهوة واكلت القدوع . ,

قال هذا وقتكم ماهو وقتنا

توكل على الله

وطلع الشاب من القبر
وشاف نفسه انه تغير ماهو ذاك الشاب الجميل

صار شايب
وفعلا الارض تغيرت
والبيوت تغيرت
وراح يمشئ ويسال الناس وين بيت الفلانى

المهم نهاية القصة ان كل شئ متغير على الرجال البيوت والناس اللي مات والبزارين اللي خابرهم صغار صاروا كبار

وبسس
وتوته توته خلصت الحتوته واسفه لو خوفتكم
سامحوني :biggrinlo
86
23K

يلزم عليك تسجيل الدخول أولًا لكتابة تعليق.

تسجيل دخول

أحاسيس قمر
أحاسيس قمر
بسألك القصة واقعيه والا لاا كيف الشاب ماحس بكل هذا الوقت
سبحان الله عشاني احب القصص الواقعية كثير
ـآلنـآدرهـ
ـآلنـآدرهـ

بسم الله انتي من جدك !!
ليه وين عايشين حتى نصدق !!

ياختي ذكرتيني بجدتي وسواليفها وحشتنيْ


الآكيد إن قصة جدتك خرافية هههههههه الله يسعدك ويرحم جدتك وأموات المسلمين أجمعين يارب ..
* ماتزوجت
* ماتزوجت
موفقة
نوكية
نوكية
هلا نوورتوا جميعا
احاسيس قمر

والله مدري يا اختى قصص الاولين كثيرة وماندري عن صحتها
الله يسلمك يالنادرة
عندي قصص كثيرة وش رايكم كل ليل انزل لكم قصة في هذا الموضوع
اللي تبغى قصة كل ليل تضغط لايك

وماعندي مانع تشاركوني بقصص من عندكم ^_^
البرناسيسا
البرناسيسا
خراااااافية فعلا الله يرحمها ويغفرلها .