من كل بستان قحشه

&


&



&




&



&



&





^
تدرون ليه الحركة هذي لأني عارفة إنه معظمكم يحط الماوس على العنوان قبل مايدخل الموضوع ويشوف ملخص المقدمة وعلى أساسها يدخل << مريضة




ما ني قايله شلونكم وش اخباركم ياناس مليت من اقول شلونكم وش اخباركم يردون بخير ..! <- ليه وش تبين الرد يعني <- لا اقصد دايم بخير ماله داعي اسأل <- ايه هشوا
الموهيم وش اخباركم بس >>>>مو قلت لكم مريضه



حياتي مثل المسرحيه وفيها مشاهد كثيره>>>>وش رايكم بالتعبير والله اني خطيره
أغلب هالمشاهد تفشل واللي بسدحه أهون شوي من اللي مخبيته 00

مالكم بالطويله 000اللي فاضيه تنزل واللي مو فاضيه فلا تحومن تسبدها
كتبت هالمشاهد عن قولة حياتها مليانه actions







المشهد الأول

المكان: جنب المركه
الزمان:وقت القايله
الحاله:ممده الكراعين ومتكيه على المركه وبيديني جريدة الرياض الصفحه الأخيره


تعرفون انه احم حنا عندنا اجازه>>>>>ياذا الاجازه اللي اكرهت نفسها عشانتس
وحنا ناس ماورانا دواااااااام يعني نتسدح ونتبطح ونقوووم متى مانبي000المووووهيم000كنت أقرا جريدة الرياض وتعرفون الصفحه الأخيره مخصصينها للسوالف اللي ماينعرف صدقها من كذبها000الا وتطيح عيني على الطخمه جنيفر
وهاك الجسم اللي كانه نقطة نون داخل نون ماتقبل زياده>>>>>مو كان الفراعنه قايلها قبل كذا؟

وأقرا ذاك الخبر اللي مفاده:
رزقت المغنية الأمريكية جنيفر لوبيز هي وزوجها مؤخرا بتوأم( أكيد هي وزوجها أجل تبونها لحالها حكت بطنها وحملت ) الشاهد بالخبر أن أحد المجلات تفاوض زوجها بإعطاءة 6 مليون دولار مقابل أن تكون صور التوأم حصرية للمجله هذي والله الغبنه كل هالملايين على صور وراعين ما علينا أهم شي لا ينسون يعزمونا على التمايم ولا أوصيتس يا جنيفر الله الله بالحلبه والكمون

الله يرحمتس يا أم سليّم يوم حطمتي الرقم القياسي بأكثر عدد توائم ( نص درزن ) غطيتي على الفيران ولا أحد طق لتس خبر , ورحتي توزعين ورعانتس على حريم الحاره عشان يساعدونتس برضاعتهم ( لأنها نشفت عجزت تلّحق ترضعهم ) وجنيفر جابت ورعين وعطوها 6 مليون وهي والله ما توريهم حتى شكله



المشهد الثاني
المكان:فصل أولى سابع
الزمان:الحصه الثانيه
الحاله :واقفه أربط عيون بنت بقطعة قماش


هذا الله يسلمكم من كل شر درسي u3L4أولى ثانوي كان الدرس عن الألعاب000وأنا أصغر وحده بالبيت ماعندي ألعاب
قلت مالي الا عيال أخوي000ناديت ميمي بنت أخوي عمرها 4 سنوات وقلت لها تجيب لي عروستها والدبدوب حقها جابتهم وتطالع فيني يعني أوعديني بشي 000قلت لها ياعمري ميمي شطوره وش تبيني أجيب لتس من المدرسه؟
قالت بدادش وكوك>>>للترجمه يعني بطاطس وبسكوت وليومكم هذا ماجبت لها اختفت البنت راحت لخوالها
المووووووهيم مادريت الا أخوها حتمتم>>>>أبو الدلع ياشيخ
جابلي لعبته وحتمتم هذا عصقوووووووول لدرجة اني أقدر أسكر بيدي على فخوذه000جابلي أرنوب كاأنه هو
عصقوووووول وسيقانه كاأنهن شفاط حق العصير ملبسينه>>>>>>شوفوا التشبيه بس

عطاني الأرنوب ونفس الشي قعد يطالع فيني يحتريني أواعده بشئ قلت له شطور حتمتم
وش تبيني أجيب لك قال ببشي وتتاو>>>>للترجمه ببسي وكاكاو000وليومكم هذا ماعطيته

الشاهد بالموضوع حطيت الألعاب بكيس وربطت عيون البنت عشان تخمن وش اللي بالكيس>>>>>حركاااااات مقدمه للدرس0000والبنت أول ما أخذت الأرنوب عجزت وهي تتعرف على ملامحه00مسكت سيقانه مره تقول عصيان ومره تقول مساويك الا هالبنات المطافيق قالوا rabit أرنوب
فشلتني قدام المديره تقول استاذه كان قايله لي أجيب لتس أرنوب أسمن من كذا هذا مسوي دايت
ومن ضمن الألعاب جبت حبلين عشان يلعبون شبره أمره>>>>كح كح جاني ربو من غبار اللعبه
طلعت بنتين كل وحده معها حبل عشان يتسابقون والبنات فرحانين يعدون000ومره ثانيه قلت هاه من يطلع
بالغصب طلعت وحده وطولت وأنا أطلب البنات هاه من يطلع اطلعوا عادي مسوين فيها مسحيين لأن المديره والمساعده حاضرين الدرس وأنا أتطلب البنات الا والمديره تقولي استاذه خلي المساعده تطلع معها
أبووووووووووووووووووووووك ياالاحراااج المساعده شوي سمينه 0000تقلب وجهها ألوان الطيف
شكل صاير بينهن موقف قبل كذا والمديره انتهزت الفرصه دقت المساعده دقه قوييييييييه
والبنات يضحكووووووووووووووووووووووووووون





المشهد الثالث
المكان:بالشارع بجنب عمود الكهرب الطويل
الزمان: بالليل
الحاله: يرثى لها

يوم كنت صغيره كنت مولعه بالحيوانات ومعروف عني اني ماأخاف000حتى أذكر انه ببيت عمامي بسه مأذيتهم هي وعيالها ومندسه تحت خشب بحوشهم0000هم طبعا ماقدروا عليها 000جيتهم مره وهم يحاولون يطلعونها بس مافيه فايده00جيت أنا الأباضايه وأدخل كلتا يداي وأسحب كل وحده ورى الثانيه والمشكله ان لونها والله أسود كاأنها قدامي الحين الله ستر علي والا كان الحين لابستني000ومره كان فيه ببيتنا ماصوره طويييله وضيقه ماأدري وش لقف بسه غاصه فيها000وأنا طبعا رحومه حتى بالحيوانات قمت أطق الماصوره وأدربيها يمين ويسار لين ارتج عقل البسه
وأحاول لي يومين نفس الحاله 000الا والله دخلت يدي الكريمه ويالله يالله مسكت ذيلها وأجرها شوي شوي
لين اطلعت وهي حولاء من الرج وعلى طول هربت لا حمدا ولا شكوورا حتى ماقلت لي يعطيتس العافيه أنقذتيني
راحت وهي رافعه ذيلها0000يالله مسامحتها ليوم الدين

الشاهد بالموضوع مره أخوي جاب لي جربوع في الليل وأنا نايمه ومن دلاخته حاط الجربوع بقفص البلابل ينقال له بيسوي لي surprise مفاجأه000الا يوم جينا الصبح والجربوع عاض البلابل وفاطسات000:09:
هالجربوع جاه الدور والله انه عض اختي ومات على طول حالف انه لازم ينتقم بس مادرى ان اصبعها سام
أنا حقدت عليها من ذاك اليوم00والا ابي جربوع000ومره من المراري كنت بالشارع الا وألمح شي بجنب العمود
شفت ذيله طوووويل قلت جاك يامهنى ماتمنى000وأثريه ميت بس قلت لازم أوريه أهلي000وأمسكه مع ذيله
وأدخله على أهلي ومخبيته وراي 000حزروا وشوا معي 000آيس كريم 000ببسي 000كاكاو
كلهم بعيدييييييييين عنه وأطلعه لهم الا ويصارخون ياوسخه ياوسخه
الفاجعه انه طلع مو جربوع فااااااااااااااااره000:eek:صرت ماأفرق بين الجربوع والفاره0000يوووووووه ياذاك اليوم قسمن كل ما أتذكره ودي أغسل يديني بديتول من الريحه اللي بقت يومين



المشهد الرابع
المكان: على الدرج في بيتنا
الزمان: المغرب في رمضان
الحاله: حزينه كاأني بعزا


قصصي مع الحيوانات عشق لاينتهي0000
يوم كنت بزر أخوي جاب لي بطه صغيره 000وقمت أرسم أحلام مع هالبطه أتخيلها تكبر وتعيش معي وأربيها000
هالبطه موالفتني بس تلاحقني بكل مكان 000مامنها فكه 000قلت شسوي 000مالي الا اسوي لها بيت

سويت لها بكرتون بيت وخليت فتحه عشان تتنفس منها>>>مو قلت لكم رحومه
نمت بعد ماتطمنت عليها وحطيت عندها مالذ وطاب من الأكل والشرب يعني دللتها آخردلال وماله داعي تلاحقني وكل هذا عندها000ومره أمي تقومني على السحور وماقمت الا بكلمتها تقول شوفي اللي تحتس ترحمي على بطتس
قمت وقلبي يخفق الا والله بطتي جنت على نفسها طلعت من بيتها تلاحقني لمكان نومي 000>>>يضرب الحب شو بيذل:33:
صدق ومن الحب ماقتل 000أخذتها ودفنتها بالتراب وصليت عليها00وقعدت ماادري كم يوم وانا حزينه:44:
مره أخوي واقف قدام المرايه يشخص بيطلع وأنا على الدرج أطالع فيه أبي أكسر خاطره لكن مافهمنيي
قلت تكفى حمووود جب لي بطه 000قال ايه عشان تفتحين مقبرة عندنا 000وراح وكاأنه طاعني بخنجر:44:




وبااااااااااااااقي مشاهد بحياتي وش كثرها اذا فضيت بسدحها لكم