ثانيا:أنا جيـــت <<<< لااا أحلفي
المهم ندخل في أحشاء الموضوع
أحيانا تجيكي ذكريات بشكل خرافي مثير للجدل تخليكي تقولين وش في النيدو متغير طعمه <= وش تبي ذي
اليوم وانا كعادتي جالسه احوس واعفس بمكتبي (من زينه كله خشبتين ومسمار وفوقه دفتر بو عشرين لا ووجه وجه بعد ) فتحت درج المكتب الا ويطير بوجهي ذاك الغبار والعناكب اللي بالدرج هجت (الظاهر النور عور عيونها ) وتقول الله يلعن اللي يسكن بمكاتبكم (عرابجه) ... وخرت الغبار بيدي الا واشوف ضفدعي الاخضر الصغير(لا احد يدقق) والله وتخنقني العبره واشيله بشويش بيديني الثنتين وانفخ الغبار عنه ثمن جلست امعط بيدينه ورجوله ( امحق) في هذي الهنيهة (لا احد يسأل وش الهنيهه ) ريوست بي الذاكره ألف ميل بالثانيه لورا ...
تذكرت يوم اني ( بثالث ثانوي/ ط) يوم اجيب انواع الزواحف والضفادع البلاستيك معي للمدرسه واروح اصفها على طاولة الابله (تسمع في تزيين الفصول ) وتجي مدرسة الرياضيات داخله الفصل تمشي الفين وبكتابها دفت هالكائنات الالفيه (اما عاد) ورمتهم على الارض وقالت : ايه الأرف داا ؟
وانا ..قمت والدموع
خمس عشر تصبصب من جبيني (لاتشرهون صاقطه بتعبير رابع ابتدائي) ورحت لهم وهم متسدحين على الارض اللي مغمى عليه واللي يصفق بخويه يقول له لالالا تموت الحين ..مين يوديني المستشفى بعدين (اخلاق تجاريه) والله واشيلهم من على الارض واضمهم واربت على ظهورهم (الا وش معنى اربت؟) ثمن حطيتهم على طاولتي ومن زود الدفاره طاولتي صايره اول وحده ,,, وكل مادخلت ابله قالت: (يا بت دخلي دي الحاقات في الدرق <= يعني ضفي قشك عنا <= والله من زين الترجمه بعد) بس مااش اختكم في الله رازه خشتها الا تبي تزين فيهم الفصل وكان قدامي نبته حاطينها جمب الصبوره لزوم الزينه (امحق) قمت خذت زواحفي الاليفه وثبتها على غصن النبته واوراقها (يمديكم على الشكل الفني <= تكفين يا بيكاسو الغفله ) اما الضفدع الصغير خليته معي لانه كان يومها توه يحبي فخفت يدشرونه باقي الزواحف
وانا جالسه اتذكر ما ادري الا وطااااع طررربق.. قوطي نيدو على راسي واختي تقول لي وش فيك قطعتي رجول الضفدع من التمعيط
ترىالسالفه صدزيه وخوياتي صاروا يسموني ام الزواحف
* على فكره عندي مواقف كثيره ولكن الحـــياء يلعب دوره عندي :01: :p
الله مير يجرس رج انتي وزواحفس :32:
شكل لس مستقبل يا بنت في تقديم برامج حياتنا الفطريه ( وش دخل التقديم في الموضوع ):D
يووووووووووه من الطفاقه نسيت ارحبس
ياهلاااااااا والله ومسهلاااااااا بـ بنت الصيرفي وحيااااااس يابعد عمري
بعد طووووووووول غياااااااااااب