الله يرزقك الذريه الصالحه وكل من تتمنى

حبيبتي تطمني الوقت اللي حللوك فيه غلط
وطبيعي تكون نسبة الهرمون عاليه
التحليل المضبوط يكون ثاني أو ثالث يوم للدوره
وروحي لمختبر ممتاز متخصص في الهرمونات
لاتروحي لأي مكان يسحب فلوسك على الفاضي
بالتوفيق يالغاليه

هلا ياعسل


انا اللي يقولون لك البنات عني هههههههه


اول شي انا كنت زيك بالضبط لدرجه كنت بتجنن صدمتني الدكتوره تقول سن ياس مبكر وانا اصلا دورتي منتظمه مرررا هذا الكلام شهر 6 اللي راح وكنت ليل نهار ع النت واقرا عن هالهرمون فنصيحتي لك لاتقرين ولا شي لان دام دورتك منتظمه صدقيني بإذن الله بتحملين
اول شي من فجعتي قريت سوره البقره تقريبا شهرين يوميا ومن غير الدعاء اللي بيقين وانك يارب بترزقني وكذا بيقين انسي الاحباط انسسسسيه


ثاني شي انتي غلط مفروض لازززم ثاني يوم بالدوره وماتفرق صايمه او لا انا سويته ثاني يوم بالدوره وكان 14 والدكتوره نفس الحال اللي سوته معك كل شوي تدق ع المختبر اسلوب غبي يفجعنا انتي لو سويتيه ثاني يوم بالدوره اكيد بيكون زيي قليل حول 15 لانك قلتي بعد الدوره 44 وهو معروف كل يوم يزيد لين ايام التبويض يكون بزياده وقبل الدوره ينزل الهرمون ولا جات الدوره يرتفع تدريجيا


المهم خلال شهر نزل الى 8 لاني كنت اقرا قران واكثثثر مووويا يعني باليوم لترين مهم مهم مهم مهم لين تحملين خصوصا وقت الدوره لازم لازم تكثرين مويا مفيده في حالتنا مراا لانها تنظم الهرمونات
طبعا من شهر 8 قاطعت الدجاج والبيض والجبن نهائياااا ولا نقطه انسيه خلاص الله يعينك بيكون فيه ريجيم تقريبا
تابعت الدكتوره ريم العنزي وقالت ان هرمون سن اليأس المبكر يعني زياده بالزنك ونقص نحاس عشان كذا ابتعدت عن الدجاج لانه كله زنك والبيض وركزت على اي شي نحاس زي القسط الهندي هذا نحااااس وكمان جزر بس مو كثير زي القسط يعني دوري اي شي فيه نحاس كليه والقسط اهمها ويكفي احس جلست 5 شهور وحملت يارب يتمم لي على خير لي شهرين الحين


طبعا القسط كنت استخدمه شهريا اول ما اطهر لين وقت التبويض واوقف لكن وحده زي حالتنا بالضبط قالت لي لا خذيه لين قبل الدوره باسبوع ووقفيه وبنفس الشهر اللي جلست عليه لين قبل الدوره طلعت حامل
وبعد بنفس الشهر اللي حملت فيه اخذت حمض الفوليك 1 جم
وزوجي قبلها بشهر كان يستخدم خلطه عسل من وادي النحل


وكلها طبعا اسباب الله الرازق خذي بالاسباب مع الدعاء والتوكل على الله وانسي الاحبااااط خليك متفائله قولي عندي رب املي فيه كبييير


لو محتاجه اي شي اي سؤال حياك سواء خاص او هنا وربي يرزقك ان شاءالله قريبا

وفيه شي مهم بعد الحجاااامه حجامه حمل هذي لو سويتيها بنفس الشهر ينزل للطبيعي ويعطيك فرصه للحمل مع استخدام القسط بإذن الله
انا سويت حجامه مره وحده مع انها ماكانت حجامه حمل ونزل الهرمون بس ماحملت على طول لكن تنظم الهرمون لو تسوينها 3 شهور ورا بعض ثاني يوم بالدوره وتقولين حجامه حمل صدقيني بإذن الله ينزل هرمونك للطبيعي
مممتازه الحجامه جددا انا الشهر اللي حجزت فيه ع اساس اسوي حجامه حمل تاخرت دورتي وطلعت حامل وماحتجتها الحمدالله لكن مرررا ممتازه كنت ناويه اسويها 3 شهور ورا بعض بثاني يوم الدوره

فرحتي كملت الله يجزاك خير ويحفظ لك جنينك ويتمم لك على خير يااارب.
بسألك عن طريقة استخدامك للقسط كم مره باليوموكنتي تاخذيه على الريق الصبح؟؟