من مطبخي.. مخلل لذييييذ صحي، والأهم سررررررررريع

هذي المشاركة نزلتها قبل بالموضوع هذا
http://forum.hawaaworld.com/showthread.php?p=39130481#post39130481


مخلل أتعب وأنا أقول لذيييييييييييييييييييييييذ بمعنى الكلمة، وسهل، وصحي،ومقاديره متوفرة بكل بيت..
والأهم من هذا سررررررريع..
صلحيه وطفي النار عنه ، وكليه بالعافية....
.
.
نحتاج: (جزر -كوسة- فاصوليا- فلفل رومي أي لون- ملفوف- زهرة- خيار )
ما توفرت كلها مو مشكلة أحياناً أسويه بالجزر والخيار بس...
والكمية تقديرية الخضار اللي تحبينها كثري منها، واللي ما تفضلينها بإمكانك تشيلينها..


.
.
وللتتبيل نحتاج: (بيالة زيت زيتون -شوفوه بالصورة مثلج من البرد :) -ملعقة صغيرة حبة البركة - تقريباً ثلث قارورة خل- ونصف ملعقة صغيرة كركم - ذرة ملح)...
زادت الخضار زيدي الكمية، ما تحبين الخل كثير مو مشكلة قلليه...


.
.
نقطع الخضار أصابع طويلة، ونحاول تكون متساوية بالحجم عشان تستوي بنفس الدرجة..



.

.
.
بطاوة عميقة أو قدر نحط زيت الزيتون ونبدأ بالخضار اللي تحتاج وقت أطول عشان تستوي..
أنا هنا بديت بالجزر ونحركه تقريباً دقيقتين عشان يظل مقرمش، تبغينه ذابل زيدي وقت الطبخ..


.
.
وبعده نضيف الكوسة، ونقلب دقيقتين..


.
.
وبعده الفاصوليا، ونقلب..


.
.
وبالتتابع نضيف:
الفلفل الرومي..
.
.
ثم الزهرة
.
.
ثم الملفوف وعشانه ما يحتاج طبخ على طول تبليه
رشي الملح والكركم ، وصبي الخل بعدين طفي النار..



وآخر شي حطي الخيار وحبة البركة وقلبيه عشان تتداخل النكهة وتتوزع التتبيلة...




غطيه بس شوي عشان الخيار يذبل ويكتسب الطعم، وكليه على طول، وبالعافية على قلوبكم...

أنا أحبه مع الجبن الأبيض، أو الفلافل....
وحتى لحاله مع الخبز لا يعلى عليه..
.
.
والباقي حطيه ببرطمان وصبي عليه باقي الخل وزيت الزيتون اللي بالطاوة، وبالثلاجة يجلس شهر بالراحة..